Skip to Content

1º Curso

Exposición do Samaín 2021

Lun, 25/10/2021 - 14:43 — admin

TRABALLOS MÁIS VOTADOS POLO ALUMNADO E PROFESORADO

Aloha Hawaii

Mar, 19/10/2021 - 13:02 — admin

Se seguistes as nosas andanzas o curso pasado, as messages in the bottles que enviamos ao mundo chegaron moi lonxe. E como o sabemos? Porque recibimos resposta.

Unha resposta que chegou desde MOLOKA, “The friendly island”. E ben lonxe que está, en HAWAII!

Desde alí, NEHELE e KAILANI escribíronnos unhas mensaxes que nos encheron de ledicia. Tamén enviaron uns libros para coñecer mellor o arquipélago de HAWAII, e uns bonecos que practican o seu deporte favorito, SURF.

Pois xa temos o noso proxecto en camiño. Non perdades a nosa estela no mar.

O cazo de Lorenzo

Mar, 01/06/2021 - 07:52 — admin

Neste curso, o P.D.I. do centro ten como tema central  “Laboratorio Sueiro, campaña de vacinacións contra o Covid...As emocións”. O grupo de 1º e 2 º de Educación Primaria vaise centrar na  tolerancia e no reforzo da autoestima,  mediante o conto “El cazo de Lorenzo”, da escritora Isabelle Carrier. Para así, traballar as relacións coas demais persoas e co mundo que nos rodea. Trátase de partir dos alumnos, do particular (coidar de min) ao máis global (coidar do meu entorno), permitindo así ao alumnado ampliar a súa visión sobre o que é o concepto global de saúde (prevención).

Un conto que contén unha gran lección de vida: todos, nalgún momento da nosa vida, podemos atoparnos ante dificultades que nos parezan insuperables pero, non por iso, hai que renderse nin agocharse nin avergonzarse.

Un conto ilustrado que nos fala da autoestima e da resiliencia, da importancia de converter unha adversidade nunha ocasión para aprender algo máis sobre nos mesmos, nun desafío para mellorarnos e saír máis fortes.

OBXECTIVOS

  • Traballar e fomentar a autoestima, a capacidade de empatía e a expresión emocional nos alumnos.
  • Traballar a tolerancia  como  valor( ser  diferente  os   demais pode  redundar nun      bo  futuro)
  • Tolerar, respectar e definir o diferente.
  • Aumentar o vocabulario a través do texto do conto.
  • Desenvolver actitudes positivas cara o mantemento da saúde.
  • Practicar mindfulness: aprender a xestionar emociones.

ACTIVIDADES REALIZADAS:

  • Lemos o conto e visualizamos o  video.
  • Preguntas de reflexión do conto:
    • Que lle pasou a Lorenzo?
    • Que ten Lorenzo agora que non teñen outros nenos ou nenas?
    • Como ven as outras persoas ese cazo que sempre arrastra Lorenzo?
    • Cita dous inconvenientes que ten Lorenzo por arrastrar ese cazo
    • Axuda alguén a Lorenzo?
    • Que ten tamén esa persoa que axuda a Lorenzo?
    • Como axuda esa persoa a Lorenzo? Cita exemplos.
    • Que pasa ao final con Lorenzo?
  • Colorear algúns debuxos do conto.
  • Facer con plastilina os personaxes.
  • Fichas de comprensión do conto.
  • Comprensión auditiva e visual do conto.
    • Ordear as viñetas do conto.
    • Unir o texto coa imaxe correspondente.
    • Ordena as viñetas e explica o conto.
  • Ficha sobre as cualidades positivas dos compañeiros.
  • Crear o seu propio cazo e introducir as súas cualidades positivas e negativas (plastilina).
  • Colorear o cazo e introducir frases coas cousas que lles custa facer.
  • Creamos o noso propio Lorenzo e o seu cazo para que conten o conto.

Actividades de mindfulness como:

  • Escoitar os sons do exterior da escola e do interior mentres estas cos ollos pechados.
  • Tocar unha campá e pedirlle @s nen@s que escoiten atentamente o son e que levanten as mans cando non escoiten nada.
  • Ofrecerlle unha peza de froita (uva pasa) e pedirlle que a describan cos 5 sentidos como se nunca viran unha cousa igual.
  • Intentar recordar 5 cousas que vexas de camiño á escola, nun tramo de viaxe en coche, na visita a un museo ou nun simple paseo pola rúa.
  • O parte meteorolóxico: Sentados comodamente, pechar os ollos e tomar un tempo para descubrir como se sinten nese momento ¿Que tempo está facendo por dentro?
  • Dicirlle que observe si brilla o sol e se sente relaxado, ou se hai nubes e se está a punto de caer un chaparrón, ou quizais hai tormenta. Pedirlle que se observe de forma amable e curiosa o tempo que fai por dentro e indicarlle que é simplemente o que hai. Pode ser que noutro momento do día cambie, pero agora é como é, e así está ben. Os estados de ánimo cambian como cambia o tempo, pasan por si mesmos.
  • Atentos e quietos como unha rá: A rá é un animaliño que pode dar grandes saltos pero tamén pode quedarse moi quieta, observando todo o que pasa o seu arredor pero sen reaccionar de inmediato, respirando con moita calma. A súa tripa ínchase cando entra o aire e se desincha cando sae o aire. Imos sentarnos e respiramos como unha rá, así, a rá non se cansa e non se deixa arrastrar por todos os plans interesantes que se lle pasan pola cabeza. Durante un ratiño imos estar quietos como a rá, notando como a barriga avúltase un pouco e despois afúndese outra vez.
  • Meditacións guiadas con audios.

 

THE LADY WITH THE LAMP

Mar, 25/05/2021 - 03:49 — admin

Alá polo mes de setembro de 2020, comezamos a nosa andaina polo camiño do autocoidado e a reciprocidade no coidado, recibindo a visita das enfermeiras do Servizo Galego de Saúde, para axudar aos nosos/as SUPERHEROES na tarefa de promover un xeito de vida saudable, poñendo en valor o traballo de enfermeiros e enfermeiras no International Year of the Nurse 2020.

Lembrade a súa visita no enlace   http://www.edu.xunta.gal/centros/ceipmanuelsueiro/node/1577

Naquela visita, fixemos entrega do libro Florence Nightingale, a pioneira en facer da hixiene nos hospitais parte fundamental na mellora das enfermidades. E tamén, recoñecer que foi a primeira muller que recibiu a ORDER OF MERIT  de mans da raíña Victoria da Gran Bretaña.

E agora, que o noso proxecto, TAKE CARE OF ME, TAKE CARE OF US, chega ao seu fin, pechamos cunha actividade sobre Florence Nightingale, THE LADY WITH THE LAMP.

Coñecemos mellor a súa historia co libro “Florence Nightingale” da Ed. Shackleton Books, colección “Mis pequeños héroes” e cos vídeos

CREAcción no Día do libro 2021

Ven, 23/04/2021 - 16:48 — admin

Ao longo da semana do 23 de abril celebramos no centro o Día do libro coa CREAcción de diversas actividades que pasamos a enumerar:

  • Concurso de “Emociónate co meu libro” no que o alumnado participou coa axuda das súas familias, CREAando a portada dun dos seus libros favoritos. O nivel acadado nas súas CREAccións foi espectacular e pódese observar na seguinte ligazón: "Emociónate co meu libro".
  • CREAcción dun conto colaborativo entre todos os membros da comunidade educativa. O alumnado de Ed. Infantil comezou a historia do conto e o resto dos cursos foino ampliando. En breves estará accesible desde esta entrada.
  • Visionado da presentación sobre a historia do Día do libro realizada polo equipo de bilioteca.
  • CREAacción de minilibros por parte do alumnado co agasallo dunha rosa para entregar ás súas familias.
  • O alumnado de Ed. Infantil CREou as portadas de dous dos seus libros favoritos: a “Historia de Malala” e “As historias de Blef"

 

Obradoiro de saúde dental

Xov, 25/03/2021 - 16:35 — admin

O 24 de marzo, contamos coa colaboración do Colexio Profesional de hixienistas de Galicia para realizar tres obradoiros no noso cole destinados ao alumnado de Ed. Infantil e 1º e 2º de Ed. Primaria. Estes profesionais sanitarios forman parte do equipo de responsables da saúde bucodental da poboación e, ademais, xunto aos dentistas, son as únicas persoas que poden traballar na boca dos pacientes.

Primeiro, faláronlles da importancia que ten realizar unha boa hixiene dos dentes e da lingua, polo menos tres veces ao día. Asemade, recordáronnos a relación directa que existe entre unha boa alimentación e unha boa saúde dental, insistindo, sobre todo, en que debemos evitar o consumo de chuches e facer un consumo moderado de doces.

Co aprendido no relatorio, practicamos nun modelo de dentadura como se debe proceder para realizar un bo cepillado.

Para finalizar, agasallaron a todas as persoas participantes cun lote de cepillo e pasta dentífrica e un diploma que lles acredita que teñen a boca limpa e sana. Tamén nos deixaron para traballar na aula, coas nosas mestres, un caderno de banda deseñada titulado: Dr. Rabbit e os defensores dentais.

Poemas con piruleta

Mar, 23/03/2021 - 19:21 — admin

O alumnado de 1º de Ed. primaria traballou o libro de Carlos Fontes, cheo de sabor,  Poemas con piruleta. Poemas saborosos para aprender o solfexo, cantas cores hai no mundo, como se chaman as árbores ou as letras, cantos días ten unha semana, para contar ata dez ou máis, por exemplo ata doce, coma os meses do ano, cal é nome das cidades de Galicia…

No día da poesía recitaron o poema "Pinto o mundo de cores".

Abrir en pantalla grande o poema

>

Semana da prensa 2020/2021

Mar, 16/03/2021 - 18:42 — admin

Ao longo da semana do 8 ao 12 de marzo traballamos nas aulas con xornais de tirada provincial, autonómica e nacional buscando que o noso alumnado empregue a prensa como recurso didáctico para facilitar o desenvolvemento das actitudes e habilidades persoais, como creatividade, educación para o lecer, estudo do contorno e inserción en grupos e servizos sociais, así como todo tipo de opcións das que o xornal se fai eco cada día nas súas páxinas.

Asemade, perseguimos que os nenos e nenas aprendan a ler a prensa, a expresar a súa opinión libremente, a debater en grupos e a desenvolver o seu sentido crítico.

María Martinón

Mar, 09/03/2021 - 18:19 — admin

FROM THE PAST TO  THE PRESENT THROUGH OURENSE

No Día Internacional das Mulleres quixemos pór en valor o traballo desenvolvido, e non sempre coñecido, de MARÍA MARTINÓN TORRES.

Unha muller nova, de éxito profesional internacional e ourensá, sérvenos para homenaxear a todas as mulleres que, coma ela, e día a día, traballan con paixón, sexa cal sexa o campo no que se moven.

Dos máis peques de E.I. ata os compañeiros/as de 6º E.P., todos puxemos o noso gran de area para renderlle esta sinxela, pero sentida homenaxe, a María Martinón Torres.

Un mural no que, tal e como indica o título,  partindo do pasado chegamos ao presente pasando por Ourense.

Foi tamén a aportación da área de inglés ao calendario do cole, sendo a folla do mes de febreiro.

Coñecimos un pouco do lugar onde traballa no CENIEH, visitando a súa web https://www.cenieh.es/en , tamén explicándolle ao Ministro de Ciencia e Investigación o traballo que desenvolven no mesmo, https://www.youtube.com/watch?v=-LGBHZID9zY&t=47s , así como o programa Arqueomanía de RTVE,  adicado a Atapuerca, titulado “Atapuerca en la trinchera”,  https://www.rtve.es/alacarta/videos/arqueomania/atapuerca-trinchera/5761227/

GRAZAS POLO TEU TRABALLO E A PAIXÓN QUE POS NEL!


THIS IS ME!

Mar, 09/03/2021 - 17:43 — admin

Nunca foi tan divertido aprender as partes do corpo como coa actividade desenvolvida pola mestra en prácticas, Ania Rial, na clase de 1º E.P., co fin de repasar e afianzar o vocabulario da unidade sobre o BODY.

Non hai mellor xeito de traballo que a práctica, e step by step debuxamos e pintamos cadanseu “body”.

Aquí podedes ver as fotos do traballo e o vídeo coa nosa mellor actuación.

THANK YOU SO MUCH, teacher Ania!

Distribuir contido


by Dr. Radut