O CEIP Plurilingüe Manuel Sueiro conmemora o Día Internacional dos Dereitos do Neno con un emotivo acto de participación e creatividade.
Hoxe 20 de novembro, o CEIP Plurilingüe Manuel Sueiro conmemorou o Día Internacional dos Dereitos dos Nenos e das Nenas cun acto cheo de alegría e participación, no que estivo presente a TVG e representantes de UNICEF. Este evento, que contou coa colaboración de toda a comunidade educativa, foi un verdadeiro éxito grazas ao traballo en equipo e ao entusiasmo do alumnado.
O programa do día comezou cunha presentación do grupo de alumnos de 6º de Educación Primaria, que se expresaron en inglés, mostrando así a súa formación plurilingüe. A continuación, os estudantes presentaron os dereitos dos nenos, destacando a importancia de cada un deles e a súa relevancia na vida diaria.
Un dos momentos máis emotivos do acto foi a relación entre UNICEF e o CEIP Manuel Sueiro, onde se subliñou o compromiso da escola co benestar infantil e a defensa dos dereitos dos máis pequenos. Para continuar, os alumnos defenderon os seus dereitos a través dunha canción que resoou na entrada do colexio, transmitindo un poderoso mensaxe de igualdade e xustiza.
Para rematar a celebración, os estudantes realizaron unha coreografía que simbolizaba a alegría de celebrar este día tan significativo. A actuación foi recibida con aplausos e sorrisos, reflectindo o traballo e a dedicación que o alumnado investiu na preparación do evento.
É importante destacar o deseño realizado polo alumnado a través do comité de participación, que foi fundamental para que esta conmemoración se convertese nunha experiencia memorable. A colaboración entre os estudantes, profesores e familias foi clave para o éxito desta celebración, que sen dúbida quedará gravada na memoria de todos os participantes.
O CEIP Plurilingüe Manuel Sueiro demostrou, unha vez máis, que a educación en valores e a defensa dos dereitos dos nenos son fundamentais para formar unha sociedade máis xusta e solidaria.

Vídeo coro.

Videos do acto na TVG