CEIP Manuel Sueiro | Escola pública: de todos e para todos.

MOCHILA VIAXEIRA.3º ED. PRIMARIA.

Ven, 17/05/2024 - 04:30 — admin

MOCHILAS VIAXEIRAS.

O curso escolar 2023/2024 o alumnado de 3º Educación Primaria curso utilizaron dúas mochilas viaxeiras que foron intercambiadas cada semana durante todo o curso. O traballo do alumnado queda reflectido nos debuxos que se acompañan nos libros configurados para elo.

As mochilas viaxeiras permiten ao alumnado un préstamo por un período de sete días, para compartir coas familias o contido da mesma. O contido do material foi escollido pola titora de terceiro curso de Educación Primaria, supervisado pola profesora de Al, Natalia Castro Martínez, que pertence ao equipo de biblioteca e procurando que teña a maior variedade de textos e formatos para que o alumando poida elixir.

Acompañan a estes materiais “O diario da mochila” no que, tanto os nenos/as como as súas familias, aportan a súa opinión, novas creacións, debuxos, achegas, …, sobre o contido da mochila.

O material que acompaña a mochila do alumando de 3º curso de Educación Primaria foi o seguinte.

1º mochila:
•    Lingua Galega. Astropal. Un cometa con corazón. Hércules de Ediciones
•    Lingua castelá. El libro que se sentía solo. Editorial Juventud.
•    Papagaio. Nº 1. Arde o planeta
•    Reportero DOC. Nº 290 ¿La bici es ecológica?
•    Leo Leo. Nº 396 El centauro y el hada de las flores.

2º mochila:
•    Lingua Galega. Baleas e Golfiños. Baía Edicións
•    Lingua castelá. El espacio en 3D. Editorial San Pablo.
•    Papacontos. O corvo e o papagaio
•    Reportero DOC. Nº 291. El agua un recurso muy valioso.

Estas mochilas foron pasando por todo o alumnado, e polo tanto tívose que renovar con outros libros.

1º mochila
•    Lingua Galega. A estrambótica volta ao mundo en oitenta días. Ed Bubulú
•    Lingua castelá. Caleidoscopio animal. Libros del zorro rojo
•    Papagaio. Nº 29. Un museo con cadros estraños
•    Reportero DOC. Nº 273. Oso pardo y compañía
•    Leo Leo. Nº 390 Un extraño compañero

2º mochila:
•    Lingua Galega. Confundindo historias. Kalandraka
•    Lingua castelá. Inventos y descubrimientos. Ed Susaeta.
•    Papagaio. Nº 25. Agustina a pintora descoñecida.
•    Reportero DOC. Nº 299 La aventura de la antigua Grecia
•    Leo Leo.Nº 403. El más bello de los regalos

Como conclusión, destacar que ler en familia é unha actividade moi divertida que axuda a entrelazar lazos entre os pais e nais e os seus fillos e fillas enriquécenos a todos. Ademais, a lectura enriquece intelectualmente aos nenos e nenas, estimulando a súa imaxinación, a capacidade para resolver problemas, a memoria e a linguaxe, axúdalle a coñecer o mundo no que vive e impúlsalle a querer saber máis. Comentando as lecturas que facemos todos xuntos podemos reflexionar sobre o lido, os valores do libro infantil e xuvenil que escollésemos, explorando nosos propios sentimentos. É, en definitiva, unha axuda na educación dos nosos fillos, polo que é importante proporcionarlle ao alumnado lecturas estimulantes, acompañalos no descubrimento do pracer da lectura, sendo un hábito moi saudable e cheo de beneficios.

MOCHILA VIAXEIRA.6º ED. PRIMARIA.

Ven, 17/05/2024 - 04:21 — admin

MOCHILAS VIAXEIRAS

No curso 2023/ 2024 o alumnado de 6º de E. P participou no programa “mochilas viaxeiras” que se promove desde Bibliotecas escolares de Galicia. Este ano empregáronse dúas mochilas que foron intercambiadas cada quince días durante todo o curso.

O material que había en cada unha das mochilas viaxeiras de 6º curso de Educación Primaria intentouse que fose o máis variado posible, polo que se incluíu: narrativa en castelán e galego, revistas de temas que lles preocupaban tamén nos dous idiomas, libros sobre preguntas que se fan os alumnos destas idades. Buscábase que respondese aos gustos e intereses do grupo clase polo que a escolla foi feita pola titora e supervisado polo persoal da biblioteca. :

Acompañan a estes materiais “O diario da mochila” no que, tanto os nenos/as como as súas familias, aportan a súa opinión, novas creacións, debuxos, achegas…sobre o contido da mesma.

Como conclusión, cabe remarcar que as veces os nenos e nenas móstranse reticentes a levar a mochila pola responsabilidade que lles implica, mais cando a traen de volta a clase e comentan cos compañeiros e coa mestra sempre atopan algún libro que lles gustou ou que lles sorprendeu. Á vista os traballos que presentan!!

Quizais o seguinte paso podería ser incluírmos libros orientados ás familias e as súas posibles preocupacións educativas con respecto a etapa evolutiva na que se atopan os seus fillos. Atopar dentro da mesma mochila lecturas para distintos membros da familia pode ser un modo interesante de mellorar o hábito lector na nosa sociedade.

O DESTINO DE KAMEKO

Mér, 15/05/2024 - 15:00 — admin

O Club de lectura de 5º de curso de Educación Primaria do CEIP Plurilingüe Manuel Sueiro, elixiu como sexto libro “O destino de Kameko” de Abel Alves da editorial Aira.
   O libro foi traballado no mes de maio de 2024. Con este libro intentamos iniciar ao alumnado no mundo co cómic en galego e nunha temática como é o mundo oriental, como é Xapón que tanta curiosidade lle produce. O destino de Kameko conta a historia de Chiharu é unha moza orfa salvada da morte por unha misteriosa guerreira. Ao longo de libro xurdiran incógnitas como Quen é esa nena que leva sempre unha tartaruga no alto da cocorota? Por que quere apreixala o máis desapiadado asasino do imperio?

Actividade 1: Lectura
   Lectura colectiva en voz alta.
Actividade 2: Análise das personaxes
   A presentación das personaxes protagonistas e os comentarios que suscitou a súa chegada deu pé para traballar os prexuízos: entenderon perfectamente que as primeiras impresión son importantes, pero non definitivas e que, a maior parte das veces, as cousas non son o que parecen centrado na violencia de xénero dentro do seo dunha familia.
Actividade 3: Traballo de contidos da área de lingua
   O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións.
Actividade 4: Ilustración
   O alumado realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivo.
Actividade 5: Elaboración da guía de lectura.
   O alumado realizou dixitalmente a guía de lectura deste libro.
Actividade 6: Elaboración do audiolibro.
   O alumado realizou dixitalmente o audiolibro.

Audio_Kameko

Actividade 7: Concurso sobre o libro.
O alumado realizou por grupos o concurso sobre a compresión do libro.
Actividade 8: Kahoot.
O alumado realizou individualmente a compresión do libro a través do Kahoot.

EN GALEGO:

https://kahoot.it/solo/?quizId=d2898715-a4c1-42f6-ad0c-6618018e4915

EN CASTELÁN:

https://kahoot.it/solo/?quizId=9fc4fe41-f728-4789-89c1-2f2a30b51ae6

Actividade 9: Conclusión/valores
Despois da lectura fixemos un mapa conceptual sobre os valores que se poden extraer da historia.
https://www.edu.xunta.gal/centros/ceipmanuelsueiro/node/2503

CLUB LECTURA. 5º EDUCACIÓN PRIMARIA.

Mér, 15/05/2024 - 12:57 — admin

O Club de Lectura do 5º Ciclo continúa coa seu interese pola lectura durante o Curso 2023/2024
O Club de Lectura de 5º de Educación Primaria, neste curso decidiu identificarse como os Sueriños experimentando unha notable madurez durante o curso académico 2023/2024.
Durante este ano escolar, o club explorou unha variedade de libros cativadores, abordando temas que espertaron a curiosidade e o interese centrados nos temas relativos aos ODS 2030. Os títulos traballados incluíron unha selección diversa que podedes consultar máis abaixo.
Un dos aspectos máis destacados foi a continuación e o éxito dos concursos de animación á lectura, organizados como actividade final despois da lectura de cada un dos libros seleccionados. Estes concursos non só incentivaron a comprensión e o goce coa lectura, senón que tamén fomentaron a participación activa e a creatividade entre o alumnado.
Ademais, como parte das actividades do club, incorporouse a gravación de lecturas (Audiolibros) de algúns dos libros utilizando o programa Audacity. Esta iniciativa non só mellorou as habilidades de lectura en voz alta do alumnado, senón que tamén contribuíu significativamente a elevar o nivel lector de todos os participantes así como o acceso do alumnado á lectura atendendo así a atención a diversidade dos seus e súas compañeiros e compañeiras de colexio.
En resumo, o Club de Lectura de 5º de Educación Primaria éi unha experiencia enriquecedora e exitosa para todos os implicados. A combinación de actividades innovadoras, concursos emocionantes e unha coidadosa selección de lecturas contribuíu a fomentar o amor pola lectura e o desenvolvemento integral do alumnado.
A continuación, encontraredes unha lista dalgunhas das actividades realizadas este ano no club:

prado

CLUB LECTURA. 3º EDUCACIÓN PRIMARIA.

Mér, 15/05/2024 - 12:33 — admin

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como primeiro libro “Luuuume” de Andrea Freire da Editorial Antela. O libro foi traballado no mes de outubro onde nos centramos na xestión das emocións, prestando especial atención á ira.

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como segundo libro “Sabela e os zocos máxicos” de Lorena María Croques da Editorial Proxecto Terra. O libro foi traballado no mes de outubro. Neste libro rexistramos o vocabulario galego descoñecido a través da historia dunha nena no rural.

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como cuarto libro “O cazo de Lorenzo”de Isabelle Carrier da Editorial Juventud. O libro foi traballado no mes de outubro e novembro do curso escolar 2023/2024, este libro tiña o foco en tratar a diversidade.

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como quinto libro “Mercedes quiere ser bombera”de Beatriz Moncó e mabel Pierola da Editorial Bellaterra. O libro foi traballado no mes de xaneiro. A temática principal é a igualdade de xénero. Este libro deu moito para reflexión e debate sobre a situación de xénero na actualidade.

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como sexto libro “Pregunta a Dra Peteiro sobre o tempo”de Claire Llewellyn da Editorial Baía. O libro foi traballado no mes de xaneiro e febreiro. Con este libro traballamos conceptos do tempo xa que este tema está ligado ao noso PDI “Acción polo Clima”.

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como sétimo libro “Descubramos o océano”de Mia Cee Cee da Editorial Émbora. O libro foi traballado nos meses de febreiro e marzo traballamos o coidado dos océanos a través dun cómic.

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como oitavo libro “Os bolechas no entroido”.de Pepe Carreiro da Editorial Promocións Cultuaris Galegas. A través do caderno que ten este libro, os nenos aprenderon sobre o entroido e as súas peculiaridades.

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como noveno libro “Xela, a superheroína da aldea”.de Inma Soto Iglesias da Editorial Aira. Este libro foi lido en Abril. Deseñamos un caderno de actividades onde os nenos facían comprensión lectora xunto con xogos onde o alumnado coñeceu o nome de animais da fauna típica galega. Ao rematar, tivemos o privilexio de ter como invitada a autora do libro representándonos o conto e firmando aos seus cadernos.

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como noveno libro “Te necesitamos”de José Luis Gallego da Editorial WWF. Libro que trata o tema dos animais en perigo de extinción. Ao igual que o libro da Dra Peteiro, que mencionamos anteriormente, este libro está ligado a temática do noso PDI.

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como décimo libro “Quen me quere adoptar? de Fina Caslderrey da Editorial Xerais. O mes de maio comezamos lendo este libro coa finalidade de enganchar aos nenos na lectura a través dun divertido relato corto.

O Club de lectura de 3º de curso de Educación Primaria do CEIP Plurilingüe Manuel Sueiro, elixiu como undécimo libro “Estrela...fugaz?” de Carlos Labraña da Editorial Galaxia. Seguindo no mes de maio e como aínda non traballáramos nada de teatro, escollemos esta obra para enganchalos a outro estilo de libro onde cada neno poderíamos practicar a dramatización.

DOBRAXE NA ESCOLA

Mar, 14/05/2024 - 10:53 — admin

O 14 de maio o alumnado de 5º e 6º de Ed. Primaria participou no obradoiro de “Dobraxe na escola” que organizou a concellería de educación do noso Concello no Auditorio.

Da man dos actores e dobradores profesionais Suso Pando e Manuel Pombal achegámonos á técnica da dobraxe, concretamente á das películas de animación para coñecer esta máxica e innovadora ferramenta que foi quen de captar a atención, do alumnado, sobre aspectos básicos na comunicación oral, como cadencia, ritmo ou intención.

A técnica de dobraxe fai que os nenos e as nenas traballen aspectos tan importantes como a concentración, a empatía e a colaboración en equipo; ao tempo que os motiva a divertirse na nosa lingua.

Ao principio, os monitores fixeron un xogo dramático no que nos contaron todos os pasos da creación dunha película, desde a elaboración do guión ata a dobraxe. A continuación, ensaiamos un fragmento de Bob Esponxa, aprendendo a encaixar as nosas propias voces nas bocas dos personaxes. Para rematar, fixemos de dobradores e dobradoras, lendo o guión facilitado, ensaiamos, para gravar a continuación a dobraxe.

Os nenos e nenas de 1º e 2º de Primaria convértense en artistas do cómic

Lun, 13/05/2024 - 19:26 — admin

Os nenos e nenas de 1º e 2º de Primaria convértense en artistas da banda deseñada

O alumnado de 1º e 2º do Mnuel Sueiro embarcáronse nunha emocionante viaxe ao mundo da banda deseñada, aprendendo a crear as súas propias historias a través de debuxos, globos de diálogo e onomatopeas.

Nesta divertida actividade, os pequenos e pequenas artistas descubriron os elementos básicos do cómic, dende as viñetas que enmarcan cada escena ata os globos que dan voz aos seus personaxes.

Aprenderon a diferenciar entre os diferentes tipos de globos, como os de diálogo para as conversas, os de pensamento para mostrar o que están a imaxinar, ou os de voz baixa para os susurros. Tamén practicaron a creación de onomatopeas, esas palabras que imitan sons como "boom", "crash" ou "miau", para dar máis vida ás súas historias.

Para completar as súas obras de arte, o alumnado incorporou símbolos que transmiten emocións, como corazóns para o amor ou raios para o enfado, e liñas de movemento que indican a acción que está a ocorrer.

O resultado final foi unha colección de cómics cheos de creatividade e imaxinación, onde cada viñeta conta unha pequena historia e cada personaxe ten algo que dicir.

1º Premio Rexional do Exército

Lun, 13/05/2024 - 17:36 — admin

1º PREMIO FASE REXIONAL

Por cuarto ano consecutivo, o alumnado de 5º E. Primaria acadou o 1º PREMIO na súa "FASE REGIONAL" dos "Premios Ejército 2024", obtendo así o pase á Fase Nacional da que resultaron gañadores os dous últimos anos.

No curso 2020-2021 gañaron por primeira vez a Fase Rexional e quedaron finalistas na Fase Nacional cun proxecto titulado “SI FUERA FÁCIL, LEERÍAN OTROS”, no que destacaron o traballo que mulleres e homes da Base Gabriel de Castilla desenvolven na Antártida, coidando ese ecosistema tan fráxil.

No curso 2021-2022 acadaron o 1º premio na súa Fase Nacional co proxecto “DE BASE A BASE E LEO PORQUE ME TOCA”. Nesa ocasión o proxecto poñía de relevo a importancia do persoal da Base Cid Campeador na escavación no xacemento de Atapuerca.

O curso 2022-2023 decidimos valorar o traballo do persoal da Base Oroel San Bernardo en Jaca a prol da inclusión das persoas con discapacidade visual cun proxecto títulado “MIRANDO SIN VER”.

Este curso o proxecto gañador leva por título “MIS PIES JUNTO A LOS TUYOS”, destacando o coidado dos máis débiles, en especial, nenos e nenas nas zonas de conflito internacional. E onde son precisos axudan na construción de pozos de auga potable, protección de almacéns de alimentos, creación de hospitais, ...

Despois do fallo do xurado nacional daremos conta de todo o noso traballo, resulte gañador ou non.

MOITA SORTE!

1º Premio Rexional

ODS nº 2: Fame cero

Lun, 13/05/2024 - 16:09 — admin

Traballando o ODS nº 2; "Fame Cero"

Nun esforzo por abordar a problemática global da fame e promover unha alimentación responsable, o alumnado de 2º de primaria mergullouse nun emocionante proxecto centrado no Obxectivo de Desenvolvemento Sostible (ODS) número 2: "Fame Cero".

Ao longo do curso escolar, investigamos e exploramos en profundidade o significado do ODS 2, participando en actividades educativas innovadoras que van dende a lectura de textos informativos ata a creación de emocionantes creacións audiovisuais.

O alumnado non só mellorou as súas habilidades de lectura e comprensión, senón que tamén recitou poemas con entoación, investigaron sobre a fame no mundo e aprenderon sobre a importancia dunha alimentación saudable e o consumo responsable.

Ademais, os estudantes volveron participar na creación dun horto escolar, onde aprenderon de primeira man sobre o cultivo de alimentos locais e de proximidade. Esta experiencia práctica non só fortaleceu a súa conexión coa natureza, senón que tamén lles ensinou sobre a importancia de apoiar a produción local para combater a fame e promover a sostibilidade.

A colaboración foi fundamental para o éxito desta iniciativa. Os estudantes demostraron unha notable mellora na súa autoestima ao compartir os seus coñecementos coa comunidade escolar de forma audiovisuale ao traballar xuntos para crear conciencia sobre un tema tan relevante.

Con estas actividades, desde o cole demostramos o noso compromiso coa educación integral do noso alumnado, preparándoos para converterse en cidadáns conscientes e axentes de cambio na loita contra a fame e a promoción de hábitos alimenticios sostíbeis.

Este proxecto continuará desenvolvéndose ao longo do curso, coa esperanza de inspirar a máis nenos e nenas a unirse a esta importante causa e traballar cara un mundo onde a fame sexa só un recordo do pasado.

Nas seguintes ligazóns ampliamos información de algunhas das actividades realizadas:

Club de lectura de 1º Ciclo

Lun, 13/05/2024 - 14:07 — admin

O Club de Lectura do 1º Ciclo experimenta un impresionante crecemento e éxito durante o Curso 2023/2024

Tras o éxito do curso anterior, o Club de Lectura do 1º Ciclo experimentou un notable crecemento e consolidación durante o curso académico 2023/2024. A participación e o entusiasmo do alumnado alcanzaron niveis sen precedentes, convertendo esta iniciativa nun pilar destacado dentro do programa educativo.

Durante este ano escolar, o club explorou unha variedade de libros cativadores, abordando temas que espertaron a curiosidade e o interese dos mozos lectores. Os títulos traballados incluíron unha selección diversa que podedes consultar máis abaixo.

Un dos aspectos máis destacados foi a continuación e o éxito dos concursos de animación á lectura, organizados como actividade final despois da lectura de cada un dos libros seleccionados. Estes concursos non só incentivaron a comprensión e o goce coa lectura, senón que tamén fomentaron a participación activa e a creatividade entre o alumnado.

Unha innovación notable este ano foi a introdución de técnicas de relaxación antes da lectura, utilizando técnicas de mindfulness. Esta práctica permitiu que os nenos e nenas se prepararan mentalmente para a lectura, creando un ambiente propicio para absorber e disfrutar das historias.

Ademais, como parte das actividades do club, incorporouse a gravación de lecturas de algúns capítulos dos libros utilizando o programa Audacity. Esta iniciativa non só mellorou as habilidades de lectura en voz alta do alumnado, senón que tamén contribuíu significativamente a elevar o nivel lector de todos os participantes.

En resumo, o Club de Lectura do 1º Ciclo foi unha experiencia enriquecedora e exitosa para todos os implicados. A combinación de actividades innovadoras, concursos emocionantes e unha coidadosa selección de lecturas contribuíu a fomentar o amor pola lectura e o desenvolvemento integral do alumnado.

A continuación, encontraredes unha lista dalgunhas das actividades realizadas este ano no club: