Iniciar sesión: Acceso
Inicio

Blogues

PLANTAMOS COLES DE BRUSELAS

Sáb, 04/01/2020 - 15:32 — rocio

   Aproveitando que o martes fixo bo tempo decidimos saír ao invernadoiro para plantar coles de bruselas.
   Cada un dos nenos e nenas fixo un burato na terra coas mans para poder meter a planta e botoulle de novo terra enriba. Despois colleron a regadeira para regalas. 
   Para rematar puxeron o seu nome ao lado da súa planta.
   Agora queda coidalas con moito mimo para que crezan e así poidamos recoller máis adiante as coles.

 

 

 

 

 

 

 

 

 











   
   

   Como nos gustou tanto plantar no invernadoiro, despois axudamos a Ricardo a plantar un arbusto diante do colexio. 

   El ensinounos como fixo o burato coa pa e despois plantámolo. Ao mesmo que fixemos coas coles de bruselas, tamén regamos o arbusto novo e os demais que hai ao seu redor.
   Foi unha experiencia moi divertida e xa somos grandes agriculoras e agricultores!!!!

 

 

 

 

ACTUACIÓN DO MAGO BENXAMÍN

Sáb, 04/01/2020 - 15:29 — rocio

   O martes tivemos unha sesión de maxia con Mago Benxamín. Fixo trucos que nos gustaron moito, como cando sacou moitas cintas de cores, cando pasou un coelliño dunha pizarra a outra ou cando puxo a súa chaqueta rosa estando atado cunhas cordas.
   Que ben o pasamos!!!!

 

CELEBRACIÓN DO MAGOSTO E DO SAMAÍN

Sáb, 04/01/2020 - 15:28 — rocio

   Onte celebramos o Magosto e o Samaín, pero nos días anteriores estivemos elaborando materiais para decorar a clase e o colexio, e logramos un ambiente terrorífico!!

   Primeiro creamos o noso esqueleto HUESITOS (nome que escollemos entre todos e todas) para que protexera a nosa porta.
   Despois elaboramos cabazas terroríficas para decorar a nosa clase.
   Tamén fixemos monstruos que daban moito medo: bruxas, pantasmas, momias, morcegos, gatos negros e ata un Frankestein.
   Ademais elaboramos unhas marionetas de Samaín.

   

        
   E este foi o resultado:
   O luns tivemos unha sesión de maquillaxe e pintamos as nosas caras de vampiros, cabazas, gatiños e ata arañas!!
     E por fin chegou o día da celebración!!!! 
   Habería moitas sorpresas e para iso viñemos disfrazados: esqueletos, bruxas, zombies, diabliñas, morcegos, vampiros e vampiresas. 
   Ademais, Alejo e Lois trouxeron unhas cabazas terroríficas que fixeron na casa.
   
   

       A primeira das sorpresas estaba na biblioteca. Os nenos e nenas de infantil, xunto cos compañeiros/as de 1º de Educación Primaria xogamos a "frío e quente" para poder atopar obxectos do Samaín (bruxa, farol, morcego, libro máxico, caldeiro e unha curuxa) cos que Begoña nos contou unha historia.
   
   Despois dos bailes por fin comezaron os xogos puidemos comer castañas!!!
    

   Que ben o pasamos!!!!!

RECOLLEMOS PIPAS

Sáb, 04/01/2020 - 15:25 — rocio

  O outro día Alejo e Lois trouxeron á clase un xirasol. Primeiro observámolo e falamos un pouco desta planta, coñecendo por que ten ese nome.
  Despois, en grupos pequenos fomos recollendo as pipas. Ten moitísimas!!!
  Moitas grazas por traelo compañeiros!!!

DECORACIÓN DE OUTONO

Sáb, 04/01/2020 - 15:24 — rocio

   O 23 de setembro comezou o outono e os nenos e nenas de Infantil comezamos a elaborar a decoración da aula para esta estación.
   Pintamos follas para poñer na árbore que hai na entrada do colexio, ademais de traballar en equipo para decorar animais, erizos e esquíos, con follas que previamente recollemos no patio do colexio (follas e castañas).
   Ademais os nenos e nenas de primaria elaboraron uns carteis de benvida que puxeron na árbore.


    Tamén decoramos unha das nosas portas e para iso pintamos con témperas un debuxo xigante. Encantounos como quedou!!!

                       

                          E este foi o resultado final!!

Distribuir contido