As vivencias do Grupo

Seguimos coa campaña de limpar, pasear e gozar das nosas praias.

Os nosos nenos e nenas queren desexar  a toda a comunidade educativa un moi Bo Nadal e que o vindeiro Aninovo 2023 nos traia moita ledicia, enerxía e folgos para que entre todos sigamos avanzando cara un mundo e unha sociedade mellor.

Premede na imaxe para vela.

O 3 de decembro, todos e todas celebramos a festa da diversidade. No colexio e tamén indo a Boiro, a participar coa Asociación Amicos, no seu super festival Festiritititi 2022.

Aprendemos que todos e todas temos cualidades polas que sentirnos orgullosos e orgullosas do que somos e do que somos capaces de facer. Que nada nos poña límites, que cada un de nós poda desenvolver as cualidades que nos fan sentir ben, felices e integrados  e integradas plenamente na nosa comunidade educativa.

Os nosos reporteiros e reporteiras entrevistaron na nosa emisora RAdioTOdiño a Álex Vidal, o noso campión paralímpico, que é un exemplo de  tesón, loita, superación,...

Premede na imaxe para escoitalo.

Por iso, que ninguén poña en dúbida, que podemos voar tan alto como nos propoñamos.

O noso centro, o noso alumnado e as mestras e mestres seguimos a traballar por un mundo máis limpo,  que a nosa cidade estea cada vez máis limpa, con menos lixo, con menos elementos contaminantes. Dentro dos programas do Plan Proxecta, a través do Proxecto Terra, da man do arquitecto Luís Carretero, os nenos e nenas saíron a recoller lixo polos arredores do colexio, para logo facer un mapeado  do mesmo, para rematar dándolle unha dimensión artística. Mirade o proceso.

Sementeira Ciscabyte 22 23 Canva

Neste mar de violencia, que é unha lacra para a nosa sociedade, o noso alumnado e os  mestres e mestras estamos a desenvolver actividades e dinámicas que deixen pouso, para que todos e todas coma cidadáns contribuamos a erradicala da nosa comunidade educativa e da nosa cidade.

FROITA E LEITE FRESCOS!!

Este ano co FOGGA da Xunta de Galicia, participamos na campaña de consumo de froita e leite frescos. Como desfrutamos comendo amorodos, plátanos, sandía, mandarinas, mazás ou nectarinas. Que boas estaban!! E logo,... a beber leite fresco, cento por cento galego!!!

Esto si que é merendar san!!

TI SI QUE ES UN BO PEIXE

Con este obradoiro, aprendemos moito sobre os tipos de peixes, os tipos que hai e os aportes alimentarios que cada un  proporciona.

Movémonos cada día máis

No cole estamos a procurar unha vida cada día máis activa e san.

Aproveitamos cada oportunidade para bailar, facer coreografías, xogos divertidos ao son da música,..., Animádevos con nós!

Premede na imaxe para coller ideiñas.

Este curso gozamos da natureza, do aire libre, do noso patrimonio material e inmaterial. Fixemos moito exercicio físico, e divertímonos moito todos xuntos, no parque de San Roque.