Este ano construimos o noso propio muro da PAZ, cargado de boas accións e desexos. Preme aquí para ver algunha foto do momento

O Apalpador estivo no cole!! Graciñas á ANPA por chamalo e pedirlle que viñese, encantáronnos os agasallos que nos trouxo!!!

Din que habelas hainas....pois ben, de merendola nun recuncho e de contacontos noutro, pero houbo quen viu meigas no cole!

Se ti tamén as  queres ver preme aquí.

Neste curso, no que estamos recuperando as máis vellas tradicións galegas, tamén festexamos no cole o magosto.

Un magosto no que non podemos deixar a parte os agradecementos ás familias por traernos as castañas para asar, a un antigo alumno por agasallarnos co son da súa gaita, a Confecciones Lage por prestarnos un dos seus maniquies para lucir a nosa castañeira ben fermosa e ao Concello de Arzúa por deixarnos desfrutar das súas instalacións nas que poidemos xogar á petanca e á chave. Graciñas a todos!!!!

Durante esta xornada, pasámolo en grande cos xogos populares (a ra, os aros, os bolos, a carreira de sacos, o tiro da corda, as botellas, as cadeiras musicais, as tartarugas, a petanca, a chave,...) para, posteriormente, desfrutar dunhas ricas castañas asadas.

Preme aquí para ver algunha foto do momento.

Nestes días, todo o cole, tivemos oportunidade de visitar unha exposición sita na Capela da Madalena, sobre as "Xornadas do pan". Ali, poidemos coñecer o proceso de fabricación do pan, dende a súa sega ata que o sacan do forno....parace que arrecende!!

Aos nenos e ás nenas de 4 anos pilláronnos cas mans na masa.....Preme aquí para descubrilo.

O pasado día 8 de outubro tivemos ocasión de movelo esqueleto ao ritmo do grupo Mamá Cabra. Se queres ver algunha foto do momento preme na imaxe.

Aquí vos presentamos ao CLUBE DA CASTAÑA.

Estas entusiastas da natureza, agasállannos cada outono, dende hai tres anos, co seu bo facer. Cando os ourizos dos castiñeiros chegan ao chan do cole comeza o seu traballo...adícanse a recollelos, limpalos, danlle os mellores dos coidados e expóñenos no patio para que os demais compañeiros e compañeiras os poidan ver, ulir, tocar...

Rapazas, animámosvos a que sigades realizando con tanta paixón esta orixinal idea, que axuda a manter viva a tradicional labor da recolleita das castañas....esperamos que as teñades ben preparadiñas para a vindeira festa do magosto do cole!!!!

E aquí remata un curso máis. Un curso que estivo cargado de arte, e como non podía ser doutro xeito, no último día de cole houbo moreas de arte!

Ollade as fotos  da entrega de premios dos xogos de primavera e do festival de fin de curso premendo na imaxe

FELICES VACACIÓNS!

O pasado día 28 de maio fixemos un tramo do Camiño de Santiago a pé, dentro do concello de Arzúa. Saímos dende o cole e chegamos ata o campo da festa de Preguntoño....chegaron ata os máis peques do cole, están feitos uns camiñantes!!

Foron uns 3 quilómetros do máis divertido, nos que poidemos desfrutar da natureza, das fermosas paisaxes do noso concello, nos que coñecimos a outros peregrinos,...Foi unha moi boa xornada de convivencia, que nos deixou ganas de repetir!!

Ollade o ben co pasamos premendo aquí ou na imaxe.