As sesións formativas desenvolveranse o día 5 de maio en horario de mañá e tarde no Salón de Actos do Pazo de San Roque, en Santiago de Compostela.

Na sesión de mañá, ademais da conferencia inaugural, que impartirán Xesús Alonso Montero e Xesús Rábade Paredes, haberá relatorios de Ánxela Gracián, Marilar Aleixandre, Xavier Senín e Ana Blanca Roig Rechou. A tarde estará destinada á presentación de experiencias dos centros educativos, entre elas as dos centros gañadores do Concurso-Exposición das Letras Galegas 2018.

O obxectivo fundamental desta iniciativa é achegarlle a figura de María Victoria Moreno a toda comunidade educativa e, alén diso, propiciar no seu seo o intercambio de materiais, recursos e experiencias creados e desenvolvidos polos equipos de dinamización da lingua galega.

O profesorado interesado en participar pode inscribirse en: fprofe

Título:

Obradoiro práctico de creatividade

Forma de participación:

Presencial

Modalidade:

Curso

Competencias profesionais:

Investigador/a e innovador/a - Realización e execución de propostas.

Educador/a guía no proceso ensino-aprendizaxe - Programación, seguimento e avaliación.

Referencia: S1701067
Centro de formación e recursos: CAFI
Temporalización:  23/02/2018  -  23/03/2018
Data límite de inscrición: 04/02/2018
Lugar: CAFI
Prazas:  25

Horas totais

Asesor responsable da actividade:

Laura Mª Mosquera Escudero

Enderezo electrónico:  cafi.equipos.directivos1@edu.xunta.es

Para máis información preme aquí.

As Xornadas de Lingua e Literatura. Curso 2017-2018 teñen este ano como centro de interese "ler e escribir na era audiovisual".

Con esta actividade, da man do profesor Henrique Monteagudo, queremos percorrer os espazos literarios e vitais dos trobadores do Mar de Vigo.

Iniciaremos o percorrido xunto ao sartego de Pai Gómez Chariño na igrexa/convento de San Francisco e, na capital do Lérez, visitaremos o que foi o Pazo do almirante. A segunda parada será a Illa de San Simón da man de Mendiño. De aí, como terceiro punto, nos achegaremos á Illa do Santo do Mar ou de San Clemente onde rememoraremos, na ermida, as cantigas de Nuno Treez. A cuarta parada será a Capela de San Amedio de Bon, en Beluso, onde Johan de Cangas era o seu cantor primordial. Como quinta parada teremos a Igrexa de Santa María de Castrelos identificada con Johan Soarez Somesso. Remataremos no Museo do Mar de Galicia con Martin Codax e o Pergamiño Videl.

O código da actividade en fprofe é: G1703017

Data: 11 de novembro de 2017

Consulta do programa da actividade: enlace

O Roteiro Hernandiana é un percorrido polos recantos de Orihuela relacionados coa vida e coa obra do poeta.

Data: 02-12-2017

Lugar: Orihuela

Relator: Aitor Luis Larrabide Achuátegui (Director da Fundación Miguel Hernández)

Os lugares da vida de Miguel Hernádndez en Orihuela estarán marcados por dúas etapas:

Primeira etapa

Nesta primeira etapa descubriremos os lugares que marcaron a vida do poeta en Orihuela.

• "Rincón" Hernandiano: formado na zona existente entre o Centro de Estudios Hernandianos, a Casa Museo e a Sala de Exposicións.
• Casa Museo Miguel Hernández: lugar no que viviu o poeta.
• Centro de Estudos Hernandianos
• Colexio de Santo Domingo
• Casa do Cóengo don Luis Almarcha
• Casa natal do poeta
• Praza do Marqués de Rafal
• Casa de Ramón Sijé...

Segunda etapa

Lugares que marcaron a vida de Miguel Hernández como:

• Casa del Paso (Museo da Muralla)
• Seminario Diocesano de San Miguel
• Casino Orcelitano
• Pinturas do Río
• Sepultura de Ramón Sijé....

Máis información neste enlace.

A sigla CLIL (Content and Language Integrated Learning, en galego AICLE) representa a aprendizaxe integrada de contidos de determinadas materias curriculares e unha lingua estranxeira. Estas materias non lingüísticas poden ser as ciencias naturais, ciencias sociais e humanidades, música ou educación física.

Na primeira parte do curso imos coñecer as tendencias recentes sobre o tema CLIL na investigación de linguas estranxeiras e imos analizar posibilidades para poñer en práctica a metodoloxía CLIL en Galicia. Xa existen moitas experiencias en centros de varias comunidades autónomas que tamén teremos en conta.

Na segunda parte do curso, imos experimentar xuntos con diversos materiais e suxestións para o fomento lingüístico nas materias non lingüísticas. Tamén nos centraremos nas preguntas sobre onde poder encontrar material concreto e apropiado para CLIL e de que maneira se pode usar na clase

O curso será impartido en alemán e diríxese a profesores de todas as materias non lingüísticas e tamén a profesores de alemán que se poderán beneficiar igualmente das técnicas de ensino. Convidamos a todos os profesores de primaria e secundaria que se interesan polo tema do ensino bilingüe ou por proxectos bilingües curtos.

Relatores: Virginia Gil (Editorial Klett) e Karsten Wiemann (Goethe-Institut Madrid)

Premendo no seguinte enlace terás máis información sobre a actividade en fprofe.

A Fundación Otero Pedrayo e o Servizo de Formación do profesorado queremos participarvos da organización das xornadas nas que baixo o título de Domingo Fontán e Otero Pedrayo, dúas vídas ao servizo de Galicia homenaxearemos ao polifacético ilustrado con motivo do 151 aniversario da súa morte e o 200 do comenzo da elaboración da Carta Xeométrica de Galicia, o primeiro mapa moderno feito na península, e a Otero Pedrayo, grandísimo amador da figura de Fontán.