As probas de nivel para participar nos cursos CALC están pensadas para o alumnado que se quere matricular nalgún dos cursos que se ofertan en colaboración coa EOI e, tendo coñecementos previos, carece da titulación necesaria. A proba de nivel non certifica o nivel de competencia do alumnado, senón que, simplemente, diagnostica o seu nivel de acceso e permítelle matricularse nun curso máis adiantado. A proba de nivel tampouco outorga automaticamente unha praza, hai que se apuntar no curso e aplicaranse os criterios publicados no Plan anual de formación do profesorado.

A data de realización será o vindeiro mércores 25 de setembro de 2019 ás 17:00h.

Os códigos das probas de nivel que se realizan no CAFI e CFR son os seguintes:

- CAFI - S1902019

- CFR da Coruña - C1902015

- CFR de Ferrol - F1902014

- CFR de Lugo - L1902014

- CFR de Ourense - O1902012

- CFR de Pontevedra - P1902018

- CFR de Vigo - V1902021

Escritura creativa, dinamización da lectura e creación de materiais educativos:

• Título: Ludificación da lectura e da escritura
• Código en fprofe: S1903007
• Relatora: Alicia Romero López
• Lugar: CAFI, Santiago de Compostela
• Data: 3 - 10 - 17 - 24 de outubro de 2019, de 18:00 a 20:00h excepto o último día que é de 17:00 a 20:00h

O profesorado somos un colectivo que temos a voz como a principal ferramenta de traballo. É moi frecuente que o seu uso diario durante longas horas obrigue a un esforzo que vaia deteriorando pouco a pouco a súa calidade e é moi complicado recuperala sen someterse a tempadas de repouso. Malos hábitos de vida, acompañados dun mal uso desta pode provocar longas tempadas de afonía.

Nesta activiade impartida por Ana Isabel Gravata Rodrigues Silva Ramos, pescudaremos outros xeitos de abordar a lingua e a literatura portuguesas.

• Título: O portugués a través da literatura
• Código en fprofe: G1903004
• Relatora: Ana Isabel Gravata Rodrigues Silva Ramos, lectora da Facultade de Filoloxía da Universidade da Coruña
• Lugar: CAFI, Santiago de Compostela
• Data: Sábado 9 de novembro de 2019, de 10:00 a 14:00h e de 16:00 a 20:00h.

Inhalt:

• In diesem Workshop werden verschiedene Lesemodelle analysiert und praktisch ausprobiert, die vor allem die Kooperation und Sprachmittlung fördern sollen.
• Dabei werden die Grundlagen für eine flüssige mündliche Produktion geschaffen.
• Es werden die entsprechenden Hilfsmittel und Techniken bereitgestellt und ausprobiert.

Ziele:

• Erarbeitung verschiedener Lesetechniken unter Berücksichtigung der sprachlichen und kulturellen Sprachmittlung.
• Die Lesetechniken sollen auf einen flüssigen Sprachgebrauch vorbereiten und die Kooperation fördern.

• Título: Erfolgreiches Lesen und Sprechen auf Deutsch
• Código en fprofe: G1903003
• Lugar: Santiago de Compostela - CAFI
• Data: Sábado 09 de novembro de 2019, de 10:00 a 14:00h e de 16:00 a 20:00h.

Os Cursos de Actualización Lingüística do Profesorado (CALC), están orientados ao desenvolvemento das destrezas orais e da competencia comunicativa nunha lingua estranxeira, co fin de que o profesorado participante consiga a capacidade expresiva necesaria para poder impartir as súas aulas baixo estas premisas. Por este motivo, os CALC están dirixidos, preferentemente, ao profesorado de centros plurilingües e seccións bilingües que debe dar a súa materia en lingua estranxeira, pero pode matricularse calquera profesor que desexe acreditarse para impartir áreas, materias ou módulos non lingüísticos nunha segunda lingua.

O curso, impartido por varios membros do grupo Iacobus (grupo de investigación en Historia da arte da Universidade de Santiago de Compostela) e diversos representantes dos museos desta cidade. Ten como obxectivo achegarlle ao profesorado as posibilidades e recursos didácticos existentes nos diferentes museos, así como os do patrimonio histórico-artístico de Compostela.

Como relatores figuran destacados investigadores no eido da Historia da arte como José Manuel García Iglesias (Catedrático da USC), Juan Monterroso Montero (Decano da Facultade de Xeografía e Historia da USC), Leopoldo Fernández Gasalla (IES Rosalía de Castro, Santiago), Begoña Fernández Rodríguez (Profesora da USC), Rosa Cacheda Barreiro (Profesora da USC), así como o docente e investigador en bioloxía Carlos Rodríguez Dacal (IES Antón Fraguas, Santiago). Participan, así mesmo, representantes de varios museos da cidade como Eduardo López Valiña (Conservador Xefe do Museo da Fundación Eugenio Granell), Esperanza Gigirey Liste (Técnica da área de Difusión e Comunicación do Museo das Peregrinacións e de Santiago), Rori Suárez Barreto (Director do Museo de Terra Santa), Ramón Yzquierdo Peiró (Director técnico do Museo da Catedral de Santiago).

A actividade inclúe varias visitas guiadas: ao Museo da Fundación Eugenio Granell, ao Museo de Historia Natural da USC, ao Museo das Peregrinacións e de Santiago, ao Paraninfo da Universidade de Santiago, ao Museo de Terra Santa e ao Museo da Catedral de Santiago. Realízanse, igualmente, varios roteiros pola cidade, entre eles San Martiño Pinario, a Zona Vella e a Alameda, co fin de explorar as súas posibilidades didácticas.

• Título: Museos e itinerarios histórico-artísticos. Ensinar e aprender noutros contextos
• Código en fprofe: S1901059
• Lugar: Santiago de Compostela
• Data: Inicio o 2 de outubro e remate o 20 de novembro.

A Consellería de Educación, Universidade e Formación Profesional ten interese en lle facilitar ao profesorado, preferentemente vinculados aos programas plurilingües, a posibilidade de certificar o seu nivel de francés a través dun sistema de acreditación externa. Para tal efecto, co obxectivo de avaliar o nivel de francés, a Consellería dará a oportunidade de se presentar ao exame DELF B2 e DALF C1 desenvolvido pola Alianza Francesa.

O DELF, Diplôme d’études en langue française e o DALF, Diplôme approfondi de langue française,  son as certificacións oficiais internacionais expedidas polo Ministerio de Educación Nacional de Francia, para acreditar as competencias en francés dos candidatos estranxeiros e dos franceses oriúndos dun país non francófono e que non posúen un Diploma do Ensino Público Secundario ou Superior francé.

Avalía as competencias comunicativas en  todas as situacións habituais no ambiente laboral e profesional:

• Comprensión oral
• Comprensión escrita
• Produción oral
• Produción escrita

Referencia dos cursos para se apuntar en fprofe:

DELF. Alianza francesa. Nivel B2

- Código en fprofe: G1802071

• Exame escrito: 7 de xuño de 2019, horario, de 09:30 a 13:00h. O lugar de celebración, agás cambios de última hora, será no CIFP Compostela (en Santiago de Compostela).

• Exame oral: o profesorado será convocado un día entre o 27 de maio e o 21 de xuño de 2019 nas Alianzas Francesas correspondentes. A duración do exame será de, aproximadamente, 30 minutos.

• Data límite de inscrición: 12/04/2019

• Prazas: 53

Para máis información: DELF

Podedes atopar máis información sobre estrutura e modelos de exame en www.delf-dalf.es

DALF. Alianza francesa. Nivel C1

- Código en fprofe: G1802072

• Exame escrito: 4 de xuño de 2019, horario, de 09:30 a 13:00h. O lugar de celebración, agás cambios de última hora, será no CIFP Compostela (en Santiago de Compostela).

• Exame oral: o profesorado será convocado un día entre o 27 de maio e o 21 de xuño de 2019 nas Alianzas Francesas correspondentes. A duración do exame será de, aproximadamente, 30 minutos.

• Data límite de inscrición: 12/04/2019

• Prazas: 25

Para máis información: DALF

Podedes atopar máis información sobre estrutura e modelos de exame en www.delf-dalf.es