A pasada semana tivemos a oportunidade de ter unha "masterclass" de tenis de mesa, dentro do proxecto do centro CONTRATOS-PROGRAMA. Con este proxecto búscase a prevención do abanono temperán e do absentismo escolar dos alumnos e alumnas motivándoos facendo deporte.
O Pasado venres 4 de maio, o alumnado de 3º e 4º de primaria, fomos de excursión a Avifauna, un parque zoolóxico que está deseñado para a realización de visitas guiadas, mediante un percorrido a través dun coidado xardín botánico no que os participantes poden observar a riqueza e variedade de aves dos 5 continentes, repartidos en 76 recintos. Foi unha experiencia moi enriquecedora e pasámolo moi ben!!!
O plan proxecta continua no mes de marzo con A Mariña:
Este é o mural como resultado final:
Os alumnos de 3ºA dedicáronse as feiras e festas da comarca de A mariña, divindindo a zona en Mariña Oriental ( cos concellos de Trabada, Pontenova, Ribadeo e Barreiros), Mariña Central (Valadouro, Lourenza, Foz, Alfoz, Burela e Mondoñedo) e mariña Occidental (Cervo, Ourol, Viveiro e Vicedo). Investigaron sobre as feiras e festas mais importantes de cada unha das localidades, facendo un pequeno resumo delas.
Primeiro situámonos na provincia de Lugo:
Os alumnos de 4ºA de primaria en colaboración con 2ºA de primaria, traballaron as orixes da Mariña:
No mes de decembro continuamos traballando no PLAN PROXECTA, para coñecer a contorna que nos rodea.
Os alumnos de 6 B traballaron feiras tradicionais e festas gastronómicas da Fonsagrada, concretamente sobre a festa do botelo e a festa da caza e da seta silvestre de Fonsagrada:
Como a festa da caza e da seta ecolóxica:
A festa do botelo (Fonsagrada):
Todos os alumnos de 2ºA buscaron información sobre lendas e refráns e fixeron este mural tan bonito e colorido, sobre o ARCO DA VELLA:
E por último, os alumnos e alumnas de 4ºB traballaron sobre os ORIXES da Fonsagrada:
Os alumnos e alumnas de 5º e 6º tiveron a oportunidade de coñecer mellor o parkour e todos os seus beneficios, os cales podemos aproveitar para a nosa vida diaria.
A pesar de que o parkour practícase de maneira individual, a forma de traballo é maiormente cooperativa.
“Eu axúdoche a ti, e ti axúdasme a min”, porque non existe competición, existe unha meta que é a aprendizaxe, non o gañar ou o perder.
Se non o consegues, téntao de novo. Repetir a tarefa de novo non é malo, aprender do erro é necesario.
Grazas ao parkour temos como consecuencia: humildade, creatividade, autosuperación, autocontrol, amizade...
O parkour non é perigoso, perigosa é a desinformación que existe.
Hai uns días celebramos o día da muller co lema ROMPENDO ESTEREOTIPOS, onde os nenos de infantil puideron ver que "bailar" profesionalmente non só fano as mozas. O 8 de marzo puidemos contar coa axuda dos bailaríns de Gravity, e os nenos pasáronllo xenial aprendendo un BAILE, vese no seguinte vídeo:
No mes de Decembro os alumnos e alumnas do noso centro seguiron traballando sobre o Plan Proxecta Etnografía e Medio Ambiente en Lugo, investigando a comarca de Terra Chá "moito que ver..."
Os alumnos de 3ºA abordamos as orixes da comarca da Terra Cha. Traballaron sobre as orixes de todas as localidades que conforman a comarca (vilalba, Castro de Rei, Outeiro de Rei, Begonte, Muras, Xermade, Guitiriz, Cospeito e Pastoriaza) a súa bandeira, os lugares de interese... así como as orixes da Mancomunidade de Municipios da Terra Cha.
Un mural, onde buscaron información sobre os seus dez concellos, destacando un lugar interesante para visitar de cada concello:
E de cada concello, as súas parroquias, onde está situado, a súa historia...
No referente a festas, os alumnos de 6B achegaron información da FESTA DA FILLOA DE MUIMENTA.
E sobre LENDAS E TRADICIÓNS, traballaron AS TRES BESTAS FERIDAS os alumnos de 1ºB:
Ao aproximarse o entroido e vinculado coa comarca os alumnos de 3ºA fixemos un estudio do entroido máis popular , o de Val de Francos, no Concello de Castro de Rei:
O venres 6 de Abril, os alumnos de 6º de Primaria visitaron os principais vestixios do LugoRomano, acompañados polo arqueólogo, que previamente impartira no centro unha charla sobre este tema. Ao longo de toda a mañá puideron apreciar diversos restos como: o Acueduto Romano na Rúa de San Marcos, a Piscina Romana na Praza de Santa María, o Templo Romano no Círculo das Artes, a Casa dos Mosaicos en Doutor Castro, a fascinante Domus do Mitreo e algunhas das catro portas romanas que aínda conserva a muralla hoxe en día. Ademáis na Sala de exposicións Porta Miñá viron moitos obxectos dos que se atoparon en diferentes excavacións, algúns deles con gafas tridimensionais! Foi unha mañá verdadeiramente intensa e emocionante!
Hoxe, 23 de abril de 2018, conmemoramos na escola o DÍA DO LIBRO. O alumnado de 6ºB de primaria, foi ler un conto ao alumnado de 4º A e 4º B. Para iso, xuntámonos todos na mesma aula e escoitamos con moita atención aos nosos compañeiros/as. Fixeron unha pequena representación dun pequeno conto; MARIQUIÑA, do libro Mar adiante, de María Victoria Moreno, autora á que se adican este ano as Letras Galegas. Antía, recitounos un poema que ela mesma inventou.
Continuando co Plan Proxecta, Etnografía e Medio Ambiente en Lugo, os alumnos e alumnas de 5 de Primaria, fixeron unha visita neste mes de abril a Santa Eulalia de Bóveda.
Santa Eulalia de Bóveda, é un santuario tardo-romano do século III construído a 14 quilómetros da Antiga Lucus Augusti. É un dos lugares máxicos de Galicia e único en toda Europa . Descóbrese en 1926 e en 1931 declárase Monumento Artístico Nacional. Hoxe cualifícase como Ben de Interese Cultural, baixo titularidade da Xunta de Galicia.
Non contamos con outro edificio das mesmas características en todo o territorio ocupado polo Imperio Romano. Consérvanse unhas pinturas murais romanas extraordinarias e de gran realismo con colorido impresionante nas que se representan diversas aves como pavos reais, pombas ou faisanes.
TERMAS ROMANAS
Aproveitamos a saída para visitar as Termas Romanas e a Ponte Romana da nosa cidade.
As Termas Romanas é un dos monumentos mais representativos do legado cultural romano.
Para cruzar o río, os romanos construíron unha gran ponte de granito , da que se conservan partes de fábrica orixinal romana en varios dos seus alicerces.
