Ed. Infantil

O último día deste curso, nenos e nenas do CEIP Paradai vivimos a experiencia de ir ó cine para ver a película Do revés 2.

Que emoción!

Ata o vindeiro curso!

O entomólogo santiagués, Miguel Santamaría, veu ao noso colexio a facer un obradoiro de bichos. Falou e amosounos insectos bastante raros e outros bichos que nunca vimos. Ó principio, algúns daban algo de medo, pero a maioría dos nenos e nenas rematamos a sesión tocándoos ou colléndoos (con moito coidadiño e sen facer nin chis, para non molestalos…)

O luns, 10 de xuño, visitamos unha granxa de vacas leiteiras, chamada O Palomar, no concello de Láncara. Alí pasamos a mañá, acompañados pola cadela Lúa, escoitando as explicacións dunha persoa que traballa nela. Axudamos a achegarlles a comida cunhas vasoiras moi xeitosas. Visitamos a gardería que ten moitos becerriños, e deixáronnos darlles a mamadeira a algúns. Foi moi divertido!

Despóis de tanto traballo, deunos fame...

Logo da merenda con productos lácteos, mentras dous grupos aprendían a facer queixo, os outros dous tentaban muxir unha vaca especial... qué risa!

Celebrouse o Día da Familia escoitando o conto de Ana Meilán "Familiando xuntos", que logo ilustramos ó noso xeito. Tamén debuxamos a nosa familia dentro dunha casa feita con depresores de cores.

Actividade feita polo alumnado de infantil

para conmemorar o

Día do Libro.

O mércores 24, o alumnado de prácticas agasallou aos cursos de educación infantil ca lenda maorí:

"Cómo Maui capturó el Sol",

adaptada por eles, e empregando a técnica do retroproxector...

O 15 de abril celebramos o Día Mundial da Arte.

O alumnado de 6º de infantil plantamos leitugas e observamos os bichiños que habitan no horto.

O 22 de marzo, xusto antes de comenzar as vacacións de Semana Santa, xogamos ao xogo de atopar os ovos de Pascua, agochados no campo de infantil...