Educación infantil

O entomólogo santiagués, Miguel Santamaría, veu ao noso colexio a facer un obradoiro de bichos. Falou e amosounos insectos bastante raros e outros bichos que nunca vimos. Ó principio, algúns daban algo de medo, pero a maioría dos nenos e nenas rematamos a sesión tocándoos ou colléndoos (con moito coidadiño e sen facer nin chis, para non molestalos…)

O luns, 10 de xuño, visitamos unha granxa de vacas leiteiras, chamada O Palomar, no concello de Láncara. Alí pasamos a mañá, acompañados pola cadela Lúa, escoitando as explicacións dunha persoa que traballa nela. Axudamos a achegarlles a comida cunhas vasoiras moi xeitosas. Visitamos a gardería que ten moitos becerriños, e deixáronnos darlles a mamadeira a algúns. Foi moi divertido!

Despóis de tanto traballo, deunos fame...

Logo da merenda con productos lácteos, mentras dous grupos aprendían a facer queixo, os outros dous tentaban muxir unha vaca especial... qué risa!

Aproveitando o bo día que ía facer, o venres 10 de maio tivemos unha saída ao parque de xogos infantís da Milagrosa. Alí pasamos  case toda a mañá indo dun xogo a outro.

Para repoñer forzas, tomamos a merenda baixo a sombra das fermosas árbores que hai.

O alumnado de 6º de infantil plantamos leitugas e observamos os bichiños que habitan no horto.

O 21 de marzo celebramos o día da árbore sementando algunhas sementes en macetas...

E qué mellor que conectar ca natureza este día que facendo ioga ó aire libre!

O 23 de febreiro celebrouse no noso cole, como en toda Galicia, o Día de Rosalía de Castro, xa que é a data do 187 aniversario do nacemento desta famosa escritora galega.

Non imaxinábamos que a mesma Rosalía (ou non?) nos faría unha visita a nós, nese día tan especial.

Comenzamos o Entroido seguindo os mandatos do Meco...

E chegou o día central no que todos os nenos e nenas (e profes tamén) nos disfrazamos, ben disfrazados. Este ano elexiuse o lema de Nova Zelandia, e infantil escolleu o paxaro kiwi: