Co gallo dunha mellor organización, funcionamento e atención ao alumnado do centro, precisamos,como cada inicio de curso, levar a cabo unha actualización de datos do alumnado que neste curso será online. Simplemente terán que acceder ao seguinte enlace e ir contestando dende calquera dispositivo electrónico (móbil, tablet ou pc) ás preguntas formuladas para cada alumno. Unha vez finalizado o formulario deberán premer en "enviar" para que os datos cubertos sexan recibidos no centro.

É de suma importancia para o centro que contesten á enquisa. O feito de non cubrila eximirá ao centro de todo tipo de responsabilidade en caso dunha incorrecta actuación por falta de información.

Un saúdo.

O Director

Estimadas familias, 

Para mellorar o grao de coordinación co servizo de Ludoteca ofertado polo Concello de A Rúa e que se leva a cabo nas instalacións do centro, comunicamos que no CEIP Manuel Respino non se atenderán recados que teñan que ver coa ausencia dos seus fillos/as a este servizo. Os pais/nais/titores legais do alumnado usuario do servizo de Ludoteca deberán comunicar as súas ausencias ao persoal monitor da mesma. Unha vez comunicada a ausencia ao persoal monitor da Ludoteca, os pais/nais/titores legais ou persoas autorizadas poderán recoller aos seus fillos/as pola porta da Ludoteca unha vez finalizado o servizo de Transporte Escolar, ás 15:40. Recordamos tamén que os usuarios da Ludoteca deben facer un uso continuado do servizo. 

Por outra parte, para mellorar a organización do centro, as ausencias do alumnado ao servizo de comdeor escolar deberán ser notificadas ao centro educativo chamando ao teléfono móbil do centro (653035336) ou ben a través do servizo de WhatsApp antes das 10:00 horas da mañá tal e como se recolle na lexislación vixente.

No caso de alumnado usuario do servizo de transporte escolar que non vaia facer uso do mesmo e vaia ser recollido polo seu pai/nai/titor legal ou persoa autorizada á saída do centro, tamén o deberán comunicar do mesmo xeito indicado con anterioridade antes das 10:00 horas da mañá.

Recalcamos que este tipo de comunicación se fará ao centro directamente, non a través do alumnado. O alumnado do centro usuario dos servizos complementarios de comedor escolar e transporte escolar deberán facer un uso continuado dos mesmo para non perder a súa condición de usuario lexítimo.

O Director

 Emilio González López

Como cada inicio de curso, este ano cada titor/a terá unha reunión informativa cos pais/nais/titores legais do alumnado da súa titoría. Para mais información prema na seguinte imaxe:

Ábrese o prazo de admisión de solicitudes para colaborar como voluntarios no comedor escolar para o curso 2021-2022. Para mais información prema na imaxe:

Recibidos as adquisicións complementarias para o Fondo de Libros Solidarios, dende o día de hoxe ata o venres día 23 de xullo, xa se pode pasar a recoller os lotes de libros de 3º curso. 

Xa está publicada a listaxe definitiva de admitidos do Fondo Solidario de Libros de texto para 3º e 4º de Educación Primaria. Farase entrega dos libros aos alumnos  de 4º dende o luns 19 de xullo ata o mércores 21 de xullo. Avisarase das datas de reparto para os alumnos de 3º. 

Comunícase que están publicadas no taboleiro de anuncios do centro a listaxe provisonal de alumnos de 3º e 4º nivel de Educación Primaria admitidos no fondo libros. Ábrese desde hoxe un prazo de dous días para posibles reclamacións. A listaxe definitiva será publicada o xoves día 15 de xullo de 2021. A entrega de libros realizarase a vindeira semana en horario de 09:30 horas a 13:30 horas. 

Dende o CEIP Manuel Respino queremos por en marcha un novo sistema de información mais áxil e accesible para as familias a través da creación dunha listaxe de difusión de whatsap.

Para mais información premer na seguinte ligazón:                                                                  

As autorizacións estarán á vosa disposición no centro ou podense imprimir directamente dende a paxina web e entregalas asinadas antes do 23 de xullo na secretaría en horario de mañá ou depositalas no buzón da cancela principal fóra do horario de apertura do centro.