Xoves 30 de xaneiro, un curso máis, cita coa Paz, cita coa solidaridade. Participamos na convocatoria de Save the Children para axudar á infancia de Etiopía. Tamén fixemos unha lectura colectiva do libro "Seis Homes", a través da megafonía do Colexio e utilizando o soporte audiovisual das aulas. Xornada de festa e concienciación.

Foi o venres 20 de decembro. Ao longo da mañán celebramos a chegada do Nadal con dous festivais no Salón de Actos. No primeiro participou o alumnado de infantil e 1ºEP, e no segundo o resto. Tivemos un pouco de teatro e moito de música, todo dentro dun ambiente de festa e alegría. Norabóa ao profesorado e alumnado participante, e moitas grazas por agasallarnos co voso talento.

Os días 2, 3 e 4 de decembro, conmemoramos no Colexio a Semana das Persoas con Discapacidade Funcional. Para isto contamos coa colaboración de entidades como Aspronaga, que colaborou coa realización de talleres de manualidades con cápsulas de café, tamén colaborou a Federación de Persoas Xordas de Galicia, con contacontos en linguaxe de signos para o alumnado ata 3º de primaria, e por último, as nenas e nenos de 5º e 6ºEP visionaron o documental "Cara a cara coa vida" para coñecer o día a día dunha nena con parálisis cerebral. Agradecemos a colaboración das diferentes asociacións. PROGRAMA

Pois acabou o curso 2012-2013. Como ven sendo tradición, o celebramos organizando unha Festa de Xogos para todo o alumnado, na que colabora e participa todo o profesorado. Unha actividade de éxito garantido na que nenas e nenos disfrutan moitísimo. Ademáis como colofón entregamos as orlas ao alumnado que termina a etapa de infantil e primaria. Boas vacacións para tod@s.

Para comezar a semana da interculturalidade que estabamos a celebrar no cole, na biblioteca, eliximos un conto que narra a historia dunha raíña un pouco trotamundos. que vai coñecer China.

Claudia, Clara, Sheila, Ángela, Adrián, Miguel, Martín, Álex, Yanira e Ale, da clase de 4º, foron os encargados de transmitirnos todo o que esta raíña tan viaxeira, atopou na súa viaxe pola China.

Deixámosvos unhas fotos do momento.

Como colofón, no día previo á festividade das Letras Galegas, celebramos dous festivais para todo o alumnado. O primeiro para os máis pequenos e o segundo para os "maiores".  Como novidade acudiron invitados-as as familias participantes na actividade de "Contos compartidos", unindose tamén a esta festa de exaltación da nosa língua. Parabéns para todos os artistas que subiron a o escenario. No seguinte vídeo podedes disfrutar con todas as actuacións.

Durante a semana do 22 ao 26 de abril conmemoramos o Día do Libro no Colexio con diferentes actividades. Dende a construcción dunha torre de libros preferidos entre todo o alumnado, pasando por contacontos diarios na Biblioteca, e ata un certame de elaboración de marcapáxinas. Todo coa finalidade de contribuir e fomentar o hábito de lectura e o cariño polos libros.

  Este venres 8 de febreiro celebramos a festa do Entroido cun festival cheo de      colorido, música e baile. Este curso a temática central foi as diferentes culturas a través nas nacións do Mundo. Déronse todos os ingredientes para que resultara un éxito: moito público, participación e un tempo máis que aceptable, tendo en conta as previsións. Quédanos agora dar as gracias a familias, profesorado e alumnado por traballar e colaborar na realización desta festa.

Rematado o reconto, conseguimos entre todos a cantidade de 925 euros, que servirán para sufragar en parte a construcción da nova escola para os nenos da aldea de Denbanje en Guinea Bissau, promovida pola ONG Miradas al Mundo.

Moitas grazas pola vosa implicación.

Xa entramos de cheo nesta época de alegría e desenfado, e o celebraremos co noso tradicional Festival o venres 8 de febreiro no patio do Colexio, sempre que o tempo acompañe. Este ano a temática elexida foi as diferentes culturas do noso planeta. Contamos coa colaboración de todos e todas, xa sabedes, traballo en equipo. Por certo, tamén a ANPA celebrará a súa festa-merendola o mesmo día pola tarde.

Mentres ocupamos o tempo en disfraces, festas, repostería, cocidos, etc, tamén poden os rapaces xogar coas actividades interactivas que aquí vos deixamos, e nas que será quen de aprender máis sobre o entroido en Galicia.

           INFANTIL                        1º-2º-3º                         4º-5º-6º