Articles

O pasado día 8 de marzo recibimos a visita de Gonzalo Moure. Para comezar,   recordamos un correo que Gonzalo enviou ao noso club de lectura cando o inauguramos e limos por primeira vez o seu libro “Palabras de Caramelo”.

Para agradecerlle os momentos tan bos que pasamos lendo os seus libros, e como ademais era o día Internacional da Muller, limos unha reseña dedicada a unha muller moi especial para él, a súa nai.

Para rematar a presentación, cantamos todos xuntos, como homenaxe a ese fermoso proxecto que é “Coñecernos para querernos”, a canción “Mano con mano buscando el Bubisher”.

Despois chegou o turno de Gonzalo, contounos un montón de cousas sobre os seus libros e a súa vida. As súas experiencias no Sahara,  que inspiraron moitas das súas obras, e ese proxecto do Bubisher. Tantas historias interesantes...
Foi moi emocionante, porque Gonzalo sabe transmitir de "corazón a corazón".  
Moitas grazas e ata pronto!!!Coma sempre tedes as fotos na GALERÍA  e os vídeos no seguinte enlace VIDEOS.

Este ano o CEIP Plurilingüe de Andrade quere adicar o día da poesía a esas persoas que fan posible que o cole sexa o que é, UNHA GRAN FAMILIA", estamos a referir "AS MULLERES DO COLE".

Para esta celebración adaptamos, RAIOTECA troúxonos varias poesías que despois leron os nenos:

• Para as mulleres de Infantil (Adela, Mariví, Malú e Isabel V.) adaptamos a poesía "Cando eu saiba ler" de Yolanda Castaño.
• Para as do Primeiro ciclo de Primaria (Cointa e Mª Engracia) unha poesía de Xosé Rodríguez Ferrer, "Xogando, xogando".
• Para o segundo ciclo (Mª Jesús e Amandina)  "Un conto" de Ana Mª Fernández.
• Para o terceiro ciclo (Ánxeles e Paloma) "A cincenta" de Ana Mª Fernández.
• Para Amy e Nieves  unha poesía de Xosé Mª Álvarez Blázquez. Fragmento extraido do seu libro "Roseira do teu mencer".

Tedes todas as fotografías na GALERIA, e os vídeos no seguinte enlace DÍA DA POESIA.

Deixámosvos cunhas imaxes da xornada.

O pasado mércores 14 de marzo o alumnado de 4º, 5º e 6º de primaria visitaron a central de Meirama onde, un técnico da central, explicoulles o funcionamento da central, tipos de enerxía,...

Posteriormente visitaron o pantano, para posteriormente regresar ao centro.

Tedes as fotos da saída na GALERIA.

Deixámosvos cunha presentación de fotos da xornada.

Durante estes días estivemos traballando para participar nunha proposta do Concello para os Centros Escolares de Pontedeume:
Cada Centro escollerá unha muller dunha lista de Mulleres que marcaron a historia das mulleres e levará a cabo un traballo que versará sobre os seguintes puntos:

• Trazos máis relevantes da súa vida e as súas accións máis destacadas.
• Breve referencia ao contexto histórico e social no que viviu.
• Aportacións que ralizou na loita pola igualdade.

A mostra con todos os traballos realizados polo alumnado de todos os Centros Escolares do Concello de Pontedeume, permanecerá exposta na Casa da Cultura e despois pasará por cada un dos Centros participantes.
A nosa aportación a este proxecto é un traballo colectivo sobre "Clara Campoamor" no que participamos todas e todos dende E. Infantil ata 6º de Primaria.

Posteriormente o alumnado de sexto baixou a Casa da Cultura, para asistir a inauguración da exposición e posterior conferencia a cargo de Rosana Volio Monge.

Como sempre deixámosvos cunha mostra das forografias do acto. O resto de fotos a tedes na GALERÍA.

Este ano, co motivo da visita ao centro do escritor Gonzalo Moure, iniciamos as Lecturas compartidas de libros do mencionado autor. Nesta ocasión son os nenos maiores os que len os libros para o resto do alumnado.

Na primeira sesión foi o alumnado de quinto os que leron o libro "El mejor amigo del perro".

Na segunda sesión o alumnado de cuarto leu o libro "Nacho chichones".

Deixámosvos un pase de diapositivas da xornada. Podedes encontrar o resto das fotos na GALERÍA e os vídeos no seguinte enlace: VIDEOS.

Este ano celébrase o 150 aniversario do nacemento de Rosalía de Castro. No CEIP Plurilingüe de Andrade realizamos unha lectura da súa biografia, baseada no libro: "Rosalia" escrito por Helena Villar Janeiro e ilustrado por Ánxeles Ferrer. En cada ciclo fixemos o recitado dalgún dos seus poemas relacionados con momentos da súa vida.

Podedes ver as fotos da xornada na Galería. Do mesmo xeito atoparedes o vídeo no seguinte enlace: Rosalía.

Deixámosvos con algunhas fotos da xornada.

"O ENTROIDO NAMORADO DOS CONTOS"

Este ano o noso entroido ven namorado dos contos. Sábedes a que sabe a Lúa, quen é Karikú, soabos Hamelín e que sabedes dos contos vellos para rapaces novos. Pois ben os rapaces e rapazas de Andrade van representarvos eses contos, para que saibades moitas cousas deles.

INFANTIL: os de infantil co seu "carnaval Salvaxe" queren saber "a que sabe a lúa". Neste conto os animais: tartarugas, elefantes, xirafas, cebras, leóns, raposos, monos, ratos e peixes, colabran para chegar a lúa e roubarlle un anaco.

1º CICLO DE PRIMARIA: os do 1º ciclo viaxan a unha pequena aldea no corazón de Africa, onde naceu "Karikú", un neno con habilidades especiais que loita contra a maldición da bruxa Caravá. Os nenos representan a boda entre Karikú e Caravá.

2º CICLO DE PRIMAIRA: o alumando do 2º ciclo viaxa ata Hamelín, unha cidade tranquila gobernada por un alcalde preocupado de contar as riquezas, ata que apareceu no pobo unha praga de ratas. Veremos como chega un frautista que libera a Hamelín das ratas e ..... Que comece o conto.

3º CICLO DE PRIMARIA: os do 3º ciclo fan unha representación baeada no libro de Neiras Vilas "Contos vellos para rapaces novos". Unha historia de encontros entre pobos. Para escenificar este conto escollemos os paises de México, Cuba e Brasil. AZUCARRR.  Que comece a festa.

Como sempre podedes atopar as fotos da xornada na GALERÍA. Tamén tedes os vídeos no seguinte enlace: VÍDEOS.

Deixámosvos cunha pequena presentación das actuacións. Grazas a todos pola vosa colaboración e ata o ano próximo.

Este ano, dentro da colaboración das bibliotecas escolares da zona de Ferrolterra cos nenos saharauis de Smira, comezamos a celebración do Día da Paz, coa lectura por parte do alumnado do 2º e 3º ciclo de primaria, dunha serie de frases enviadas polos nenos saharauis.

O día 30 de xaneiro, como todos os anos, dende o CEIP Plurilingüe de Andrade celebramos o "DÍA DA PAZ". Este ano queremos compartir cos mais próximos a nos (os nosos compañeiros de cole), desexos de PAZ, polo que cada ciclo pegará no árbol dos desexos, o que eles queren para os seus compañeiros. Tamén recitarán poemas de Paz. Todos xuntos cantermos, bailaremos e remataremos a xornada compartindo entre todos un pouquiño de pan con chocolate.

Este ano enmarcado no programa de PAZ do Concello de Pontedeume, participamos no "IV Pleno Municipal Infantil", onde o alumnado fai o papel de oposición, prantexando ao goberno municipal, todas aquelas inquedanzas e deficiencias que eles atopan no Concello. Grazas ao Concello de Pontedeume por facernos partícipes da vida pública do  noso concello.

Os nosos mellores desexos de PAZ dende o CEIP Plurilingüe de Andrade.

Deixámosvos cun pequno reportaxe de fotos da xornada. Como sempre podedes ver o resto de fotos na GALERÍA e os VIDEOS da xornada.

FESTIVAL DE NADAL 2011

Nesta obra navideña, mostramos os distintos persoaxes que aparecen no noso Nadal: o Belén, pastores, anxos, distintos oficios como carpinteiro, leñador, lavandeiras,... tamén cobran vida seres como: a Lúa, as estrelas, as nubes, o abeto,... levándonos a un mundo de imaxinación e fantasía, tan axeitado para estas datas. Como remate non poden faltar os Reis Magos, que este ano deciden vir a Belén empregando un medio de transporte más acorde co século XXI, o avión, isto si, sin retrasos e sin folga de piloto nin controladores.

A obra remata coa petición dos nenos e nenas de Andrade: mais cariño para todos os nenos do mundo.

O pasado xoves 12 de xaneiro, organizado polo equipo de convivenia, tivemos a "I xornada de xogos tradicionais". Nesta ocasión contamos coa colaboración dalgúns pais e nais que ensinaron aos nenos e nenas a xogar a diferentes xogos e deste xeito tentar recuperar aqueles xogos aos que xogábamos cando eramos cativos.

Os xogos elixidos nesta ocasión son os seguintes:

• PRIMARIA: brilé, a corda, a goma, o peón, as chapas, a mariola, as bolas.
• INFANTIL: a corda, as cadeiras, a galiña e os indios.

Grazas a todos por compartir con nos unha xornada tan especial, esperamos contar coa vosa colaboración para a realización das futuras xornadas de xogos tradicionais.

Esperamos as vosas suxerencias.

Deixámosvos cunha presentación de fotos. Coma sempre tedes o resto de fotos na Galería e os vídeos da xornada no seguinte enlace: Vídeos