Articles

Este ano estamos a realizar as actividades do centro en torno ao tema "A Idade Media, e por ese motivo realizamos a visita ao Castelo de Andrade. Durante a visita contamos coa colaboración dos responsables do Concello de Pontedeume que explicaron ao alumnado a historia do Castelo e a axuda do persoal de protección civil.

A continuación tedes unhas imaxes da visita, coma sempre tedes todas as imaxes na GALERÍA.

O pasado mércores 30 de outubro, celebramos a 6ª Festa da Froita Autóctona, tendo como tema central a Idade Media. Comezamos cun torneo de xogos medievais. O alumnado de infantil xogou aos "bolos", os do 1º ciclo fixeron unha "carreira de sacos", so do 2º ciclo xogaron a "morder a mazá" e os do 3º ciclo "tiro da corda".

Despois dun desfile comezou a presentación dos produtos elaborados polos diferentes ciclos:

• Infantil: marmelada de mazá.
• 1º ciclo: receitas con froitos secos.
• 2º ciclo: receitas de cabaza.
• 3º ciclo: recitas con mazá.

Despois da degustación por parte do alumnado, pasamos a entrega de premios do concurso de Froita Autóctona (organizado pola AGFA do Eume) e de cabazas (premios entregados polo ANPA do cole). Rematamos a festa cunha gran degustación para todo o público asistente.

Deixámosvos cunha pequena presentación da celebración. Tedes todas as fotos na GALERÍA. Tamén podedes ver os VÍDEOS.

Ata o vindeiro ano.

Festa da Froita 2013 on PhotoPeach

O pasado xoves día 20 de xuno, realizamos unha xornada de convivencia na Praia de Cabanas. O alumnado tanto de infantil como de primaria, xogaron na praia a diferentes xogos, fixeron castelos de area, etc.

Foi unha xornada moi entretida a pesar do mal tempo.

Tedes as fotos na GALERÍA.

Deixámosvos cunha presentación da xornada.

O pasado 21 de xuño, no CEIP Plurilingüe de andrade, celebramos a festa de fin de curso e as graduacións do alumnado de 6º de infantil e 6º de primaria.

Comezamos a xornada coa representación, por parte do alumnado do 3º ciclo, da obra de teatro "TOUPORROUTOU DA LÚA E DO SOL" de Roberto Vidal Bolaño.

O alumnado de 6º de infantil bailou, para eles, a banda sonora de "TADEO JONES".

Procedeuse a entrega de diplomas ao alumnado de 6º de infantil e 6º de primaria.

Realizamos o visionado dun vídeo, elaborado por Mila e Isabel Galán, sobre a  traxectoria do alumnado de 6º no noso centro, un momento tremendamente emotivo.

Rematamos todos xuntos bailando e cantando o "RAP DE ANDRADE".

FELIZ VERÁN E ATA SETEMBRO.

Tedes os vídeos e as fotos nos seguintes enlaces. FOTOS   VÍDEOS

Coma sempre deixámosvos cunha pequena mostra fotográfica da xornada.

O pasado día 30 de maio, dentro dos actos programados para celebrar o día das Letras Galegas, contamos no centro coa "Agrupación musical Musicreques" (Loreto e Alma) que representaron, a trates de títeres a obra " O quebranoces" con música de Chaikovski.

Tedes as fotos na Galería e podedes visionar os vídeos.

Deixámosvos cunha pequena presentación dos actos.

O pasado xoves 23 de maio, fixemos unha actividade de intercambio de auxiliares de conversa co CEIP Couceiro Freijomil. Dominic, o auxiliar do noso cole, baixou ao Couceiro e contoulles aos rapaces como é o lugar onde vive, "Arizona" e un conto titulado "Amelie wants a dog".

Despois Stephanie, a auxiliar do Couceiro, visitou o noso cole e contoulles aos nenos o conto "What would like to be?". Foi unha xornada moi interesante e que fixo moita ilusión ao alumnado.

Tedes as fotos na GALERÍA.

O pasado luns día 27 de maio, continuando coa celebración do día das LETRAS GALEGAS, o alumnado dos distintos ciclos presentaron os traballos que realizaron sobre Roberto Vidal Bolaño, autor teatral homenaxeado.

Podedes atopar TODAS as imaxes da xornada na GALERÍA. 

O pasado día 23 de maio, realizamos unha ruta pola ría de Pontedeume, organizado polo Concello de Pontedeume e o Clube Firrete. O alumnado do 3º ciclo, disfrutou dunha xornada de iniciación ao piragüismo dunha forma lúdica e divertida, coa realización de diferentes xogos coa piragua.

Podedes ver as fotos na GALERÍA.

Este ano, coma en anos anteriores, participamos nas actividades organizadas pola asociación de vecionos "Olmo", co gallo da conmemoración do día das Letras Galegas. O alumnado de Infantil 1º, 3º e 5º tiveron a oportunidade de ver traballar a distintos artesáns: zoqueiros, ferreiros, artesáns do cristal,...

Tedes as fotos da xornada na GALERÍA.

Este no adicamos o día das letras Galegas a "Roberto Vidal Bolaño" e para celebralo temos unha serie de actos preparados:

• O día 15 de maio participamos nos actos organizados pola asociación "O Olmo", onde o noso alumnado estra en contacto con diferentes artesáns (zoquieros, artesáns do vidro,....).
• O día 16 de maio, celebramos o día das "Letras Gaelgas". Nesta ocasión contamos coa colaboración da escola de música "Xario", que interpretou diferentes cancións e acompañou ao noso alumnadona interpretación de diferentes obras de música típica galega.
• O día 27 de maio presentaranse os diferentes traballos, elaborados polos nenos sobre a vida e obra de Roberto Vidal Bolaño.
• Remataremos o 14 de xuño coa representación da obra "Touporroutou " de Roberto Vidal Bolaño. A representación correrá a cargo do alumndo do 3º ciclo.

Podedes ver as fotos das diferentes xornadas na GALERÍA. T amén tedes a vosa disposición os VÍDEOS.

Coma sempre deixámosvos cunha pequena presentación dos diferentes actos levados a cabo.