Articles

23 DE ABRIL          DÍA DO LIBRO  2008

Este ano, como en anos anteriores, no CEIP de Andrade celebramos o Día do Libro coas seguintes actividades.

• En primeiro lugar os alumnos e alumnas de 6º curso explicáronnos a razón pola que a UNESCO elexiu este día en concreto, un 23 de Abril (un 23 de abril de 1616 finaban Cervantes, Shakespeare e Garcilaso de la Vega. Tamén nun 23 de abril naceron e morreron outros eminentes escritores). Tamén nos contaron que nesta data en España faise entrega dos "Premios Cervantes" que son o galardón máis importante para os autores hispanos.
• A continuación fixemos unha lectura do Quixote, unha adaptación de Carmen Gil. Cada ciclo representou unha personaxe: E.Infantil e 1º Ciclo a Don Quixote. 2º Ciclo a Sancho Panza e no 3º Ciclo, 5º encargouse de Dulcinea e 6º de Rocinante. Léronse uns versos moi divertidos e ao remate houbo adiviñas, para descubrir de que personaxe se trataba.Despois o alumnado de 1º Ciclo de Primaria, representaron unha obra de teatro titulada "El árbol miedoso".
• Despois da lectura, cada un de nós, incluidos os mestres, pasamos a recoller un libro e unha flor que previamente fixemos nas clases de Plástica (as flores de papel) e nas de Lingua (o libro). Nadie saíu do colexio sen un libro e unha flor dun compañeiro ou compañeira da escola, todo de fabricación propia.
  
• Os mellores lectores e lectoras de cada curso recibiron un diploma de parte de "Raioteca". Noraboa aos gañadores e gañadoras. FELIZ DÍA DO LIBRO!!!!

• DEICA LOGO. 

   

¡ Hola Entroidas e Entroidos de Andrade!

Un ano mais xuntámonos para recibir a Don Carnaval, estamos preparados con: carautas, disfraces, e moitas ganas de troula e diversión

Este Entroido 2008 o Colexio de Andrade disponse para o baile e movémonos ao ritmo da batuka.

Nas clases de Educación Infantil as nenas e nenos bailarán ao ritmo do "chi-ki-cha", os do Primeiro ciclo de Primaria (1º e 2º) coa canción "es mejor bailar", os do 2º ciclo bailan "bandolera" e os maiores nos farán unha demostración da súa arte coa canción "Esta pena mía".

Para  rematar a festa faremos unha degustación de productos típicos destas datas, aportados polo alumnado.

BubbleShare: Share photos - Powered by BubbleShare

SAMAÍN 2008

O SAMAÍN celébrase o 1 de novembro. É unha festa de orixe Celta. Nese día acendíanse luces nas caveiras dos inimigos e colocábanse nos cruces dos camiños. Facían rituais no seu carón coa intención de apoderarse do seu poder e forza. Erán datas claves para se reunir nos camposantos, comer o rutual e comunal porco de samaín e celebrar as farradas festeiras dos guerreiros.

Actualmente seguense facendo caveiras como tradición, aínda que non coa mesma intención.

O colexio de Andrade quere contrubuir o rexurdimento desta festa e celebrámola o día 30 con actividades moi variadas:

O alumnado do 4º curso fixeron a representación teatral: "Indo para o Samaín".

Os de terceiro bailaron o "Baile dos pantasmas".

O alumnado do 1º ciclo cantáronnos unha canción en inglés cunha proxección onde aparecián cabazas que eles chamaron "pumpkin lanterns".

Os rapaces de 5ºexplicáronnos moitas cousas sobre esta festividade. E por último os de 6º, continuando co seu taller de cociña, fixeron para todos nós un "bizcoito de cabaza".

Ao remate cantamos todos xuntos a canción de Mamá Cabra: "Samaín"

Podedes ver as fotos das actuacións na Galería.

A continuación podedes ver os videos das actuacións 

O magosto e unha festa de varias persoas para asar e comer castañas. Celébrase do 15 de outubro ó 15 de novembro, sendo o día de Todos os Santos o mais tradicional.

O mais clásico é o da mocidade no que era costume que as mozas puxeran as castañas e os mozos o viño mosto.

Unha vez asadas comíanse as castañas acompañadas de viño. Coas últimas, sempre as mais queimadas, os mozos e as mozas tirábanllas uns aos outros. Preto do remate comezaba a festa con pandeiretas e pandeiros acompañando as cantigas.

O magostoé unha exaltación da castaña, base da alimentación Galega, producto de exportación e que hoxe segue conservando a súa festa tradicional: "O MAGOSTO, FESTA DA CASTAÑA E DO VIÑO MOSTO".

En Andrade, como non podía ser doutra maneira, tamén o celebramos para axudar a conservar a tradición.

Podedes ver as fotos na Galeria ou clicando neste enlace: Magosto

O CEIP de Andrade participa, como complemento a asignatura de Educación Física, en diversas actividades deportivas:

• Deporte na escola
• Eumeolimpiadas
• Xornada de iniciación o Piragüísmo.

DEPORTE NA ESCOLA

É unha actividade polideportiva-cultural, organizada pola Consellería de Cultura e Deporte (Dirección Xeral para o Deporte) en colaboración coa Consellería de Educación e Ordenación universitaria. é unha actividade totalmente gratuita para o alumnado e para o centro.

Esta actividade divídese, no que respecta o noso centro, en dúas categorías:

• Categoría A: Equipos mixtos co alumnado de 3º e 4º de Primaria.
• Categoría B: equipos mixtos co alumnado de 5º e 6º de Primaria.

Participamos en diversas probas como son: Badminton, Baloncesto, balonmán, futbol sala, Voleibos e un xogo cultural (con sinxelas preguntas culturais adaptadas as idades do alumnado). Ademais haberá unha xornada de atletismo e natación.

O calendario para estas actividades será o seguinte:

EUMEOLIMPIADAS

Este ano, como xa ven sendo habitual nos últimos anos, participamos nas "Eumeolimpiadas". Xornadas de deporte organizadas polo Concello de Pontedeume, nas que participamos todos os centros do Concello.

Este ano ditas xornadas se celebraran nas seguintes datas:

• Día  : 5º de Primaria
• Día  : 6º de Primaria.

PIRAGÜÍSMO:

Todos os anos facemos, en colaboración co Clube de Remo Firrete de Pontedeume, unha xornada adicada a iniciación ó piragüísmo.

A Actividade se celebra na ría de Pontedeume e ainda temos por confirmar a data que será cara a Primavera ou Verán, cando o tempo sexa mais agradable.