Hoxe o bicentenario da Constitución de Cádiz de 1812 foi lembrado por alumnado de Historia de 2ºBacharelato cunha orixinal manifestación ao mando da súa profesora Tere Leira polas dependencias do centro, amosando cartaces con algúns dos máis senlleiros artigos.
A cartelería quedou no vestíbulo ao dispor da comunidade do Sofía.
Diana Fonseca, unha representante nicaraguense da ONG Axuda en Acción, acudiu ao centro para falarlle ao alumnado de 3º e 4ºESO sobre os programas da organización no seu país.
O cineasta Héctor Carré Menéndez visitou o Sofía Casanova o 6 de marzo para compartir co alumnado de bacharelato a súa experiencia como escritor, axudante de dirección e, de novo en 2011, director, co seu filme Personal Movie.
Os alumnos de Física e Química de 2º de bacharelato visitaron as instalacións que a empresa Sogarisa ten no polígono industrial de As Somozas.
Botaron a andar as actividades de xadrez no Sofía. Grazas á iniciativa do noso alumnado, algún chegado do Ferrolterra, e á dirección deste centro que cedeu o uso dos xogos, xa hai partidas de xadrez nos recreos. Un alicerce máis nos recreos do Sofía por iniciativa desta mocedade afeccionada.
Con máis alumnado e profesorado que na edición anterior comezaron as actividades do Clube de Lectura do Sofía.
Fóisenos Chiqui. Pero non se foi de baleiro. Poi un pioneiro da revolución tecnolóxica das aulas e moitos e moitas de nós coñecemos da súa man o funcionamento da pizarra dixital e do sistema operativo Ubuntu.
Sempre é difícil dar unha nova que nunca se quixera dar, pero o centro debe anunciar o falecemento a pasada noite de José María del Sola Baqueiro, Chiqui, para todos nós.
