Nun emotivo acto académico, contando coa presenza da súa viúva e os seus dous fillos, acompañados de numerosos claustrais e alumnos, descibriuse a placa que dedica o Laboratorio de Física do centro á memoria de Chiqui, Jose Mª del Solar Baqueiro.
Ramón Rico leeu un texto en nome dos seus compañeiros de Departamento. Sonou a continuación o tema Danny Boy, interpretado por Johnny Cash.
Palabras do director, Juan Rodríguez Silvar
Os humanos formamos a paisaxe da memoria colectiva. Os fogares, os centros de traballo, as cidades e as aldeas son os escenario da nosa vida, pero nós formamos parte do decorado, da parte visible, cultural e emocional da nosa época. E formamos parte involuntaria dese paisaxe mentres camiñamos por el, somos referente involuntario do colectivo ao que pertencemos, contribuímos á memoria dos demais, coma os demais modelan a nosa. Por iso é vontade deste centro promover a memoria de Chiqui dedicándolle este laboratorio de Física. Teño para min que probablemente a el lle parecera excesivo, innecesario. Probablemente tería razón, pois vivimos na memoria dos que conviviron connosco, pervivimos o que dure a lembranza, e para iso Chiqui non precisa unha marca material. Pero cando pasen os anos, e por este corredor pase alumnado e profesorado que non o coñeceu persoalmente, quizá alguén lles fale da persoa que era ou, mellor, do espírito co que viviu.Palabras de Ramón Rico
Bos días. Ante todo quixera darvos a benvida en nome do Departamento deFísica e Química e agradecer a vosa presencia neste laboratorio, laboratorio
que dende hoxe quedará especialmente unido á memoria do noso
compañeiro Chiqui.
Recordaba un destes días o difícil que resulta para filósofos, científicos e
calquera outro definir con precisión que é iso ó que todos chamamos vida.
Téñense escrito libros dedicados exclusivamente a atopar esa definición.
Agora ben, aínda que non sexamos capaces de atopar unha definición
precisa, calquera de nos pode observar as súas manifestacións e ver como
transcorren distintas vidas. Dunhas case non nos enteramos. Outras
manifestan con máis intensidade a súa presenza.
Tódolos que estamos aquí tivemos o privilexio de compartir espazos e
tempos das nosas vidas con Chiqui e sabemos que a súa non foi unha vida
que resultase indiferente. Non pasou xunto a nos desapercibido.
En cada momento vimos nel unha persoa amable, xenerosa, entregada ós
seus compañeiros e alumnos.
A nosa profesión hónrase de telo entre os seus.
Por iso nos reunimos aquí, para renderlle unha homenaxe coa nosa
presenza e o noso recordo.
Del non teremos un último recordo. Os que convivimos con el
recordarémolo sempre, e recordarémolo co seu sorriso.
Algúns pensamos que estar no ceo é permanecer no recordo dos demais
como unha persoa de bondade e xenerosidade. Así, ahí, está Chiqui.
Esta ausencia, presencia das persoas queridas, foi expresada polos poetas
de moitas maneiras, e como colofón ás miñas palabras quero poñervos a
interpretación que Johnny Cash fai duns versos de Edward Weatherly.
Descarga da versión de Danny boy aquí. Para reproducir os dous ficheiros deben estar no mesmo cartafol.
Jazz no Sofía.
O Día do Libro foi celebrado no Sofía cunha ampla participación do alumnado. O Departamento de Lingua Española organizou un fermoso acto no que se combinou o recordo dos autores recoñecidos e a lectura de textos na voz dos alumnos participantes.
O venres, 20 de abril de 2012, os alumnos de tecnoloxía de 4ºESO
Por iniciativa do alumnado de 1º e 2º de ESO tivo lugar o primeiro torneo de fútbol sala masculino e feminino no pavillón do Centro, entre o día previo ás vacacións de Semana Santa e o lúns 16, día da final.
Alumnado de primeiro de bacharelato, acompañado de profesorado do departamento de Ciencias, pasou a fin de semana percorrendo algúns dos lugares máis fermosos do Courel (Lugo).
Hoxe conmemoran as Nacións Unidas o Día Mundial da Auga, probablemente o principal problema presente e futuro para unha humanidade que sobrepasou os 7.000 millóns de persoas.
