Skip to Content

Curso 2021-2022

Conmemoración do día de San Valentín

Mér, 16/02/2022 - 23:09 — karina
Na materia de Cultura Clásica como estábamos a traballar coa mitoloxía, o alumnado fixo unha narración da historia do mito de Eros/Cupido xunto coa incorporación de poemas orixinais de contido amoroso e unha ilustración que o representaba.

O alumnado de Latín aportou frases de amor escritas na lingua que está a estudar, o latín.

O mesmo fixeron o resto dos grupos, cada quen aportou a súa frase de amor escrita na lingua que traballamos na aula, uns en galego e os outros en francés.

Accede á reportaxe fotográfica AQUÍ.

Efigenia Maseda Paz, Xefe de Departamento de Latín

Participantes: alumnado de Latín I (1º BAC B), de Cultura Clásica (3º ESO B e C), de agrupamento de Lingua Galega (1º ESO A e B), de Francés de 1º ESO A e B.

  • 42 lecturas

Obradoiro Linguaxe de signos

Mér, 16/02/2022 - 20:26 — karina
O pasado venres 11 de febreiro a Federación de Asociacións de Persoas Xordas de Galicia (FAXPG) impartiu un obradoiro de dúas horas de aproximación á linguaxe de signos destinado ao alumnado de 2º CM de Xestión Administrativa e 1º CS de Administración e finanzas. Informaron sobre o traballo que realizan e concienciaron aos asistentes sobre os problemas que sofren as persoas xordas e como a lingua de signos é unha ferramenta fundamental para superar barreiras comunicativas e sociais do día a día.
Nunha primeira parte máis teórica, Xavier Sánchez Álvarez, logopeda, ofreceu un panorama amplo respecto ao que significa ser unha persoa xorda: tipos de xordeira, detección, modos de actuación (familia, colexio, médicos), principais barreiras ás que se enfrontan e alternativas para solucionar ou adaptarse a esta discapacidade. Ademais, explicou cales son os servizos que ofrece a fundación e en que provincias se encontra.
Na segunda parte máis práctica,  Isabel Pardo Sampayo, persoa xorda, fixo unha breve introdución á linguaxe de signos española e púxoo en práctica. Non todo se comunica co abecedario, utilízanse expresións, movementos, xestos e sobre todo coas mans. Ensinoulles desde adxectivos, días do ano, días da semana, sentimentos e todo con moito humor e alegría que os cativou a todos.
Accede AQUÍ á reportaxe fotográfica.
 
Aurora e Nenúfar, 1º CS de Administración e finanzas
  • 37 lecturas

Concurso Aulas limpas mes xaneiro: aula gañadora 2º ESO B

Mar, 08/02/2022 - 14:30 — miruca
 
Continúa o concurso Aulas Limpas. No mes de xaneiro de novo a de 2º ESO B foi a aula gañadora. Rapaces, estádelo facendo xenial!!

Nesta ocasión, a moi poucos puntos de 3º ESO A ou 1º ESO B. 

Aínda queda curso por diante, prestaremos moita atención a aqueles grupos que vaian mellorando. 

Animámosvos a que teñades as aulas cada día máis limpas e ordenadas!

Podedes consultar a rúbrica cos apartados que puntúan aquí. 

Parabéns á aula gañadora!

 

  • 226 lecturas

Obradoiro de xoguetes naturais

Dom, 06/02/2022 - 23:46 — miruca
No marco das celebracións do San Xoán Bosco, a nosa Asociación Cultural Os Matos programa un obradoiro de elaboración de xoguetes con elementos da natureza impartido por José M. García Fernández, un dos autores dos cadernos Xoguetes naturais Primavera-Verán Outono-Inverno, publicados conxuntamente co profesor Xosé López González.
 
  • 191 lecturas

Ecoauditoria da Oficina de Medio Ambiente da UDC

Dom, 06/02/2022 - 23:45 — miruca
O pasado 24 de xaneiro viñeron, dende a Oficina de Medio Ambiente da Universidade da Coruña, Verónica e Martina, para facer unha Auditoría Ambiental no noso centro. Neste proxecto analizamos os restos do día anterior acumulados no noso instituto para ser conscientes do lixo que xeramos e valorar a posibilidade de separar os residuos segundo a porcentaxe de cada tipo de lixo previamente separado e calcular a porcentaxe de cada un.
 
Antes de nada, déronnos unha breve charla na que nos explicaron de onde veñen e as cousas que se fan no seu departamento. Faláronnos tamén sobre os residuos, a súa composición e a reciclaxe. A media galega de lixo xerada ao día por persoa é de 1,5 kg aproximadamente e vimos tamén a súa clasificación, os modelos de xestión de residuos, o ciclo da materia orgánica e os seus beneficios. 
 
Logo, fixemos a auditoría.  Primeiro dedicámonos á fase de diagnóstico para saber como está o noso centro. Para facelo, comezamos separando o lixo xerado no centro en plásticos, aluminio, papel, materia orgánica, vidro e restos. A continuación, pesamos cada unha das partes previamente clasificadas e finalmente apuntamos e interpretamos os resultados nunha táboa que nos deron. 
 
Pódese acceder ao resto das imaxes aquí. 
 
Dámari Carballo Dorado – 1° Bach A
  • 137 lecturas

Mulleres Premios Nobel da Paz

Dom, 30/01/2022 - 22:43 — karina
Dende 1901 en que existen os Premios Nobel da Paz, só foron 18 as mulleres merecedoras deste maior recoñecemento mundial. 
Aquí tedes unhas infografías realizadas polo alumnado de 2°A de Investigación e tratamento da información. 
As 18 mulleres en recibir o Premio Nobel da Paz aparecen por ordenación cronolóxica. 
 
  • 121 lecturas

Celebramos o Día escolar da paz

Ven, 28/01/2022 - 04:17 — miruca
O alumnado de 2º PMAR quere conmemorar o Día escolar da paz, que se celebra o 30 de xaneiro, lendo versos de Antonio García Teijeiro. 
 
A súa obra Bicos e non balas recórdanos a importancia da paz no mundo e as desastrosas consecuencias dos conflitos bélicos. 
 
Esperamos que vos gusten as súas palabras e que vos fagan reflexionar sobre a importancia de convivir en paz.
 
  • 167 lecturas

Xa somos punto de recollida de material de escritura!

Dom, 23/01/2022 - 02:06 — miruca
O IES Perdouro xa aparece no mapa como punto de recollida deste tipo de material, grazas á colaboración con TerraCycle, unha empresa innovadora que se encarga da reciclaxe de residuos difíciles de recuperar.

TerraCycle ofrece unha gama de programas aos que institucións e empresas se poden acoller para reciclar distintos tipos de produtos. No caso do material de escritura usado, unha vez recollido, é transportado a un dos seus almacéns. Logo, límpase e recíclase nunha das súas fábricas e transfórmase en produtos de uso diario, por exemplo, cadeiras e bancos para parques.

TerraCycle recicla e superrecicla os residuos en vez de incineralos ou mandalos a vertedoiros. Deste xeito, evítase o sistema lineal para pasar a un sistema circular, permitindo que o residuo siga dentro da cadea económica.

De momento, recóllense estes materiais nas aulas de ESO e Bacharelato, mais proximamente colocarase un colector para que toda a comunidade educativa e mesmo calquera persoa se poida achegar ao centro e depositar o material de escritura desde fóra do recinto.

Con cada envío que pese máis de 20 kg recibiranse puntos canxeables por doazóns. Un punto equivale a 1 céntimo. Cada vez que cheguemos a 1.000 puntos o centro poderá recibir a doazón que lle corresponda. 

Anímate a reciclar e trae o teu material de escritura usado: bolígrafos, rotuladores fluorescentes ou de encerado, portaminas, plumas e cartuchos e correctores líquidos ou de cinta.

Podes buscar máis infomación aquí. 

 

  • 216 lecturas

Coñecemos a nosa vila

Xov, 20/01/2022 - 22:17 — miruca
O martes 14 de decembro o alumnado de 1º ESO tivemos unha saída para coñecer mellor o noso pobo. Os nosos guías nesta visita foron Antón Niñe e Maribel Crecente, antigos profesores do IES Perdouro.

 A reunión comezou no aparcamento do instituto. Alí o profesor Niñe contounos que o noso centro foi inaugurado no ano 1978, que nos seus comezos só había cinco profesores e que máis tarde foron construídos o instituto Monte Castelo e tamén o pavillón Vista Alegre. 

Recolle pilas e participa en Pilabot!

Mar, 18/01/2022 - 14:54 — miruca
Pilabot é un concurso de recollida de pilas e acumuladores en centros educativos de Galicia que ten como obxectivo que se tome conciencia sobre a importancia da reciclaxe deste tipo de residuos. 

 Comezou o 13 de xaneiro e finalizará o 31 de marzo de 2022. 

Considéranse pilas e acumuladores portátiles calquera pila, pila botón, acumulador ou batería que estea precintado, poida portarse coa man e non sexa industrial nin de automóbiles. 

Cada grupo irá traendo as pilas para o instituto nas caixiñas que se repartiron para iso, depositaraas na caixa da súa aula e logo irán a un gran colector que se colocará nun punto de fácil acceso no centro.

Recordade que a cantidade de pilas que cada mes teñades na aula tamén puntúa para o concurso Aulas Limpas. 

Moito ánimo! E cantas máis pilas recollamos mellor! Estes son os premios: 

 
Se queres máis información, podes procurala en pilabot.gal
  • 138 lecturas

Aulas Limpas: o grupo gañador do mes de decembro é 2º ESO B

Mar, 11/01/2022 - 14:57 — miruca
No mes de decembro o grupo que máis limpa e ordenada mantivo a súa aula foi 2º ESO B. 

A aula 116 destacou pola orde no mobiliario e pola limpeza no chan e no encerado. Nas visitas do xurado, os caixóns estaban ordenados, as ventás coa ventilación correcta e os estantes ben organizados. Á parte, tiñan expostas algunhas das súas creacións no seu ben organizado taboleiro. 

O premio consistirá en que Fernando, o responsable da cafetería, preparará unhas pizzas para o recreo do venres 14 de xaneiro. Cada persoa do grupo terá a súa porción envolta individualmente e comerá con coidado de manter a distancia de seguridade, como se debe facer diariamente durante o recreo. 

Recordade que o concurso continúa e que haberá un premio final para a "Aula Magnífica", ademais dos premios mensuais. 

Parabéns, rapaces! Seguide así! 

Esta é a clasificación por grupos: 

  • 279 lecturas

Feliz 2022!

Lun, 03/01/2022 - 21:06 — miruca

 

  • 121 lecturas

Charla do Plan Director sobre adicción aos videoxogos

Lun, 03/01/2022 - 21:04 — miruca

O xoves 2 de decembro veu un garda civil chamado Ramón Peña a falarnos sobre os videoxogos e demais aspectos relacionados con eles. Falounos mentres ía pasando unha presentación con diferentes vídeos e fotos tratando o tema. Primeiro, presentouse coma un garda civil ao que lle gustaban moito os videoxogos, ensinounos as súas contas dalgúns videoxogos e mais o seu ordenador, moi potente, para xogar. Todo isto, eu penso que para ir pouco a pouco chamando a nosa atención e introducíndonos no tema do que estaba a falar. 

Chegaron os premios para as Portas de Nadal!

Mar, 21/12/2021 - 02:29 — miruca

 Por fin coñecemos quen gañou os premios Portas de Nadal da edición 2021! 

  • 1º premio para 1º ESO A, polo volume da árbore, polos desexos compartidos en cada bóla e polos agasallos en tres dimensións.
  • 2º premio para 4º ESO A, pola súa orixinalidade, pola concordancia entre as dúas portas da aula e pola súa singular caixa de correo. 
  • 3º premio para 1º BAC A, pola limpeza da súa obra, polo emprego de distintas texturas e polo coidado nos detalles dos diferentes elementos decorativos. 
Para o xurado resultou moi difícil escoller as portas gañadoras, polo que resolveu conceder dous accésits: 
  • A 2º ESO PMAR, pola realización dun gran traballo, aínda sendo o grupo menos numeroso, e polo emprego de elementos decorativos de orixe natural. 
  • A 2º FPBásica de Fabricación e Montaxe, por utilizar a reciclaxe para a decoración da súa porta e polo esforzo realizado para serrar os compoñentes que empregaron. 
Moitos parabéns!!
 
 
 
Podedes ver as portas participantes nesta edición AQUÍ. 
  • 192 lecturas

Din que a unión fai a forza e tamén... se cadra... a árbore de Nadal!

Lun, 20/12/2021 - 00:26 — miruca
Un curso máis, distintos departamentos do IES Perdouro uníronse para fabricar unha fermosa árbore de Nadal. 
 
Aplicando os seus coñecementos de trigonometría, artes plásticas, proporción aúrea, soldadura, origami e kusudama, o alumnado de: 
  • FP Básica de Fabricación e Montaxe,
  • 2º ESO de Relixión, 
  • 3º ESO de Matemáticas, 
  • 4º ESO de EPeV, 
  • 4º ESO de Tecnoloxía, 
  • CM de Mecanizado, 
  • CM de Instalacións de Telecomunicacións
elaboraron a árbore que se pode contemplar na entrada do centro.
 
 
 
Podedes ver máis imaxes da árbore de Nadal e dos autores destes magnífico traballo AQUÍ.
  • 174 lecturas
Distribuir contido


by Dr. Radut