Skip to Content

Curso 2023-2024

Calendario de exames - Convocatoria extraordinaria xuño 2024 (1º Bacharelato e 1º Ciclos Básicos)

Mér, 12/06/2024 - 10:42 — antonio.galdo

No enlace que aparece a continuación pódense consultar os calendarios de exames correspondentes á convocatoria extraordinaria de 1º Bacharelato e 1º Ciclos Básicos.

1º Bacharelato

1º Ciclo Básico Fabricación e Montaxe

1º Ciclo Básico Servizos Administrativos

  • 35 lecturas

Actividades Quérote+ do curso 2023-24

Mar, 02/07/2024 - 13:18 — miruca

Ao longo do presente curso 23/24, o IES Perdouro aplicou o programa Quérote + nas aulas de 3º ESO que se enmarca dentro dos Plans Proxecta. Froito diso, mostrámosvos unha parte do traballo realizado co noso alumnado que participou activamente realizando murais, en debates, así como o visionado de curtametraxes e un longo etcétera difícil de plasmar só a través de imaxes.

 

  • 20 lecturas

Maruxía nº 30 - Desvelamos as portadas gañadoras

Xov, 20/06/2024 - 21:28 — karina
Os alumnxs de 4º de ESO TIC capitaneados por Natalia Irimia e Natalia Aldegunde remataron estes días de compoñer o número 30 da revista MARUXÍA. Xa está na imprenta.

A biblioteca acollerá o acto de presentación de revista escolar así como a entrega de premios dos certames literarios e de imaxe da A.C. os Matos, o vindeiro venres 21 de xuño ás 11h30.

Desvelamos a portada e o dorso da revista deste ano.

Parabéns a :
- Djessica Tavares Pereira Barbosa, alumna de 4° ESO - portada
- Álvaro Guisande Rego, alumno de 4° ESO - dorso

 

 

 

  • 1057 lecturas

Fallo do xurado Concursos OS MATOS

Xov, 20/06/2024 - 21:28 — karina

O xurado resolveu outorgarlles os premios aos traballos presentados polos seguintes alumnos baixo o lema "As viaxes":

XVII Concurso literario da As. Cultural Os Matos 

RELATO CURTO:

Categoría 1º e 2º ESO:

  • 1º premio: Dani Borrajo Trelles (1º ESO A)
  • 2º premio: Nicolás Amorín Vázquez (1º ESO A)

Categoría 3º e 4º ESO:

  • 1º premio: Ana Lestao Ben (4ºESO A)

 Categoría Bacharelato e CF:

  • 1º premio: Noa Gudín González (2º Bach.B)

POESÍA:

Categoría ESO:

  • 1º premio: Ana Lestao Ben (4ºESO A)

XV Concurso de Imaxeda As. Cultural Os Matos

Categoría ESO:

  • 1º premio: Ximena Riopedre Orosa (4ºESO A)

Concurso de Portadas da Revista Maruxía 

  • Djessica Tavares Pereira Barbosa (4ºESO C) 
  • Alvaro Guisande Rego (4ºESO A)

Moitos parabéns a todxs!

  • 22 lecturas

Actividades de Educación emocional por niveis educativos

Xov, 20/06/2024 - 20:12 — miruca

Durante este curso leváronse a cabo distintas actividades de Educación emocional que foron propostas para cada curso das distintas etapas educativas. 

A continuación presentámosvos a planificación temporal no cadro. No enlace podedes acceder á explicación de cada actividade. 

  • 31 lecturas

Gañadores nun dos retos de InnovatechFP 2023-24

Mér, 19/06/2024 - 01:08 — miruca

O equipo de alumnado formado por Alicia Cabarcos e Sonia González do Ciclo Medio de Peiteado e cosmética capilar e Raúl Fraga e Alberto Cabana, estudantes do CS de Mecatrónica industrial, acompañados da directora do IES Perdouro María José Pardiñas, de Fernando López, profesor de Mecatrónica, e de Javier Rouco, coordinador do proxecto INNOVATECHFP 23-24 e profesor de Imaxe persoal, viaxamos ao recinto Expourense para recibir o galardón do programa InnovatechFP 23-24 da Consellería de Educación, que nos outorgou o primeiro premio na final celebrada na mañá de hoxe martes 18 de xuño por ter presentado e defendido un proxecto que deu resposta ao reto empresarial que a marca L’Oréal España-Portugal presentou ante 170 centros educativos da FP de Galicia na localidade de Culleredo a finais do ano pasado.

Andaina polo bo trato ás persoas maiores

Dom, 16/06/2024 - 11:06 — miruca


O venres 14 de xuño o alumnado de 1º ESO participou nunha andaina organizada pola Cruz Vermella co obxectivo de convivir durante unhas horas con persoas maiores. Esta actividade pretende fomentar o bo trato a este colectivo e a maior maneira é coñecelo compartindo con eles unhas horas de paseo, xogos e mesmo de comida. 

Ás 11:30h comezou a andaina que percorreu parte do paseo marítimo de Burela, tempo no que o alumnado puido ir conversando cos seus correspondentes maiores. A partir das 13:00h comezaron os xogos, a música e, finalmente, o picoteo. 

Foi unha actividade divertida e enriquecedora na que a comprensión e a solidariedade entre xoves e maiores estivo moi presente. 

Podedes acceder a máis imaxes AQUÍ. 

No noso programa de radio Proxecto Neo emitido o 20/06/2024, tamén adiantamos nos primeiros minutos a crónica feita polo alumnado e profesorado grazas o seu profesor Fernando Losada.

  • 35 lecturas

Ximnasia emocional con María Navarrete

Dom, 16/06/2024 - 10:29 — miruca
Do luns 10 de xuño ata o xoves 13, María Navarrete Fa, experta en Educación e Xestión Emocional realizou dúas sesións de obradoiros de Ximnasia emocional co alumnado da ESO. 

A ximnasia emocional é un tipo de adestramento das competencias emocionais (consciencia, regulación e autonomía emocionais, competencias socioemocionais e habilidades para a vida e o benestar). Traballa temas como o crecemento persoal desde unha metodoloxía baseada na participación activa e con recursos como o xogo, a música, o teatro, a reflexión e o debate, a risa, a meditación, a atención plena...

Ela mesma afirma que na frase "Vale máis previr ca curar" entraría a ximnasia emocional, xa que o adestramento espértanos a consciencia emocional e dános ferramentas de regulación que fan que aumente progresivamente a autoestima e a sensación de estás ben e feliz. 

E isto é o que o alumnado da ESO experimentou: procurar ser consciente das súas emocións e coñecer ferramentas para autorregulalas co obxectivo de mellorar a súa autoestima, sentirse mellor e ser máis feliz. 

Podedes acceder a máis imaxes AQUÍ. 

  • 41 lecturas

Participación do IES Perdouro na iniciativa "Aquí tamén se fala"

Xov, 13/06/2024 - 16:03 — miruca

O 10 de maio celebrouse o acto final da participación do IES Perdouro na campaña "Aquí tamén se fala". Durante o 2º e o 3º trimestre o alumnado de 3º ESO traballou nesta iniciativa compartindo labor con estudantes de 4º ESO do IES Monte Castelo. 

En primeiro lugar, informáronse sobre esta iniciativa do IES Rafael Dieste da Coruña. Aquí tamén se fala reuniu este curso a máis de 200 centros educativos de toda Galicia para demostrar que o galego se emprega na atención ao público en comercios, institucións etc. 

Nunha primeira fase o alumnado recolleu datos realizando enquisas en numerosos establecementos de Burela. Unha vez analizada esta información, na segunda fase, procedeuse ao reparto de carteis. Para iso, reunímonos cos nosos compañeiros do IES Monte Castelo o venres 10 de maio na praza do Concello, onde nos acompañou a alcaldesa, Carmela López, e o tenente da alcaldesa, Mario Pillado. Tamén estivo representada a ACIA de Burela e o Burela FS, que promocionou a campaña con varios vídeos de xogadoras e xogadores. 

Despois da presentación do acto na praza do Concello e da lectura compartida de alumnado dos dous centros educativos da vila, a rapazada percorreu as rúas entregando os carteis da campaña en establecementos, organismos e institucións. 

A campaña foi un éxito en Burela, porque AQUÍ TAMÉN SE FALA!

 

Podedes acceder ás imaxes deste día AQUÍ. 

  • 18 lecturas

II Día da Literatura Cabo-Verdiana

Mér, 12/06/2024 - 22:04 — karina
Após o suceso da celebración do I Dia da Literatura Cabo-Verdiana, desde a iniciativa educativa Modelo Burela queríamos continuar a pór o foco na inclusión social das diferentes comunidades migrantes, por iso decidimos dar continuidade a este tipo de encontros, onde a literatura volveu a converterse nunha ferramenta fantástica para traballar millares de competencias e saberes e, ao mesmo tempo, para coñecer mellor as culturas coas que convivimos no noso día a día.

Así, comezamos o II Día da Literatura Cabo-Verdiana, coa intervención de Issac Sosa, alumno de 4º ESO, Carmela López, alcaldesa de Burela, seguida de Joaquim Arena, autor do romance que este ano nos reuniu na biblioteca do Perdouro, inmediatamente despois tiramos a fotografa de familia. 

 
Por volta das 11h30 demos inicio ás sesións de lectura onde ouvimos o portugués nalgúns dos seus sotaques, obviamente tamén no sotaque galego. Entre as 13h e as 14h realizaron as súas lecturas o artista Nuno Pico (Grande Amore), Conchi Pernas e o persoal de atención ás migracións; e finalizou a sesión o escritor Lionel Rexes. 

Durante a hora e media reservada para o xantar de irmandade, celebrado no café da propia escola, foron proxectadas as lecturas gravadas en vídeo por profesorado e alumnado de diferentes escolas da Galiza onde se imparte a materia de portugués. 

O programa da tarde deu comezo ás 15h30. Xunto cos representantes das asociacións culturais de Burela, participaron Alfredo Llano, Luzia Oca, Ramón Reimunde ou representantes da USC, tal como Elías Torres, decano da Facultade de Filoloxía ou Felisa Prado profesora de literaturas africanas na USC. Contamos tamén coa presencia do Director da Rádio Comercial de Cabo Verde.

Finalmente por volta das 18h30 chegamos á clausura da xornada coa participación de Maria J. Pardiñas, directora do IES Perdouro, Edilson S. Tavares, filólogo especialista en Linguas Modernas e Mario Pillado, tenente da alcaldía e concelleiro responsable das áreas de Xustiza Social, Xuventude e Inmigración e Cooperación. 

Foi fantástico verificar o entusiasmo e compromiso das preto de 150 persoas que foron pasando pola biblioteca, quer presencialmente quer por medios telemáticos, para daren voz ás páxinas do romance Siríaco e Mr. Charles xunto co seu autor, Joaquim Arena cuxa colaboración e dedicación foi algo único. Un modelo de boas prácticas na comunicación entre artista e público. 
 
Pódese acceder ao álbum de fotos AQUÍ.
  • 71 lecturas

III Feira TecnoCienciArte 2024

Mér, 12/06/2024 - 14:11 — miruca

O luns 10 de xuño celebrouse a III Feira TecnoCienciArte do IES Perdouro. Nesta edición podíanse visitar 24 postos con diferentes experiencias e proxectos que saíron das aulas para que o alumnado puidese mostrar as súas aprendizaxes á comunidade educativa. 

 

Aquí podedes ver máis fotos da feira. 

Os postos deste curso incluían: 

  1. Les Jeux Olympiques (Francés)
  2. Le Jeu de l'Alphabet e Les Victoires de la Musique (Francés)
  3. Intelixencia Artificial (Tecnoloxía)
  4. Robótica (Tecnoloxía)
  5. Enerxía solar fotovoltaica (Tecnoloxía)
  6. Luz + luz = escuridade? (Física)
  7. A pesca en Burela (Proxecto Competencial)
  8. A Guerra fría e a IIª Guerra Mundial (Xeografía e Historia)
  9. Oca Express (Relixión)
  10. Axencia de Viaxes e Caderno de Viaxes (Relixión)
  11. Tatoo Nails, Sweet Nails e Maquillaxe semipermanente (Imaxe Persoal)
  12. Estilismo masculino (Imaxe Persoal)
  13.  O arco da vella (coloración capilar) e Peiteando (peiteados e recollidos) (Imaxe Persoal)
  14. Cremas faciais e osiños de xabón (Imaxe Persoal)
  15. EmoXogos do Perdouro (Benestar Emocional e Convivencia)
  16. Noria e Tangram (Tecnoloxía)
  17. Estruturas, electricidade, mecanismos e scape room Mulleres na Ciencia (Tecnoloxía)
  18. Impresión láser (Mecanizado)
  19. Domótica do fogar e obradoiro de soldadura (Electrónica)
  20. Badiahs galegas - peiteados con trenzas africanas e o seu significado (CB Servizos Administrativos)
  21. Badiahs galegas - peiteados con trenzas africanas e o seu significado (CB Servizos Administrativos)
  22. Elaboración de ecoinstrumentos, instrumentos musicais mecánicos e presentación de instrumentos musicais (Música)
  23. Instrumentos musicais, retratos picassianos e personaxes con texturas (Plástica)
  24. Mesas de cultivo e composteiros (Bioloxía)
  • 35 lecturas

Vídeo da I Semana do Benestar Emocional e a Convivencia

Mar, 11/06/2024 - 19:37 — miruca

A nosa coordinadora de Convivencia, Yolanda Fernández, preparou un vídeo coas mellores imaxes da Semana do Benestar Emocional e a Convivencia, uns días nos que quixemos reforzar a vosa conciencia emocional. Agardamos que estas imaxes vos transmitan emocións que gardedes como bos recordos. 

Podedes acceder a máis imaxes das distintas charlas e talleres: 

- Charla de resiliencia

- Taller de baile

- Taller de Imaxe Persoal

- Taller de teatro

- Taller de maxia

- Taller de comida saudable

- Charla coas familias: a comunicación cos adolescentes

- Recital de Lúa Mosquetera

- Taller de cociña con sobras

- Taller de xabóns

- Taller de meditación

  • 16 lecturas

II Día da literatura caboverdiana

Lun, 10/06/2024 - 21:37 — karina

  • 24 lecturas

Les Victoires de la Musique 2024

Dom, 09/06/2024 - 23:18 — karina

O alumnado de 4º de ESO fixo unhas investigacións sobre os artistas nominados e premiados nas Victorias da musica en Francia.

Podes xogar no seguinte scapegame:

  • 16 lecturas

III Feira TecnoCienciArte: luns 10 de xuño

Xov, 06/06/2024 - 00:07 — miruca
O luns 10 de xuño celebraremos a terceira edición da Feira da Ciencia, da Tecnoloxía e da Arte, Tecnocienciarte. 

Terá horario de mañá e de tarde. Todo o alumnado do centro visitará os distintos postos e tamén o farán estudantes de 6º de Educación Primaria. 

Pola tarde, estará aberta ás familias que queiran achegarse ao centro para ver os traballos e proxectos desenvolvidos este curso.  

A feira contará este ano con 24 postos nos que se poderá participar en scape rooms, kahoots, escoitar a exposición de diferentes traballos ou mesmo saír cun novo peiteado ou con algún agasallo. 

O plano da feira será o seguinte: 

 

 

 

  • 39 lecturas
Distribuir contido


by Dr. Radut