Novas

Más información

Nesta edición, viaxamos a Andorra 70 alumnos e alumnas e 4 docentes, do 14 ao 21 de xaneiro.

A estación de acollida para esquiar e facer snowboard foi Ordino-Arcalís en compañía do IES As Bizocas.

Foto de familia do alumnado do IES Monte da Vila e o IES As Bizocas

A experiencia foi moi satisfactoria, o alumnado tivo un comportamento estupendo e desfrutou moitísimo da experiencia, da paisaxe e da interacción social fóra do centro. Tivemos a triste noticia de non poder esquiar o último día por malas condicións meteorolóxicas e entristeceunos moito. 
Ademais, non regresamos con ningún lesionado ou lesionada!

Os rapaces e rapazas puxeron en práctica o aprendido nunha contorna natural idílica

Por favor, que a aventura da Semana Branca non remate nunca!

Nesta edición, viaxamos a Andorra 70 alumnos e alumnas e 4 docentes, do 14 ao 21 de xaneiro. A estación de acollida para aprender a esquiar e facer snowboard foi Ordino-Arcalís en compañía do IES As Bizocas. A actividade, coma todos anos, foi organizada polo Departamento de Educación Física.

Foto de familia do alumnado do Grove en Andorra

Os rapaces e rapazas, poñendo en práctica o aprendido nun entorno idílico

A experiencia foi moi satisfactoria, o alumnado tivo un comportamento estupendo e desfrutou moitísimo da experiencia, da paisaxe e da interacción social fóra do centro. Tivemos a triste noticia de non poder esquiar o último día por malas condicións meteorolóxicas e entristeceunos moito. 
Ademais, non regresamos con ningún lesionado ou lesionada!

Por favor, que a aventura da Semana Branca non remate nunca!

Os días 2 e 3 de febreiro o alumnado de 2º ESO e 1º Bacharelato (Linguaxe e Práctica Musical) desfrutaron dos concertos didácticos do Auditorio de Galicia en dúas xornadas consecutivas. Organizou a actividade o Departamento de Música.

Nesta ocasión foi dentro do programa Xogo de espellos. Unha ollada a través da música electrónica. 

Preámbulo do concerto

Javier Otero, pianista e artista experimental, presentou o seu novo  proxecto “Saraiba” para piano e electrónica xunto coa Real Filharmonía de Galicia. Unha aposta pola estética actual, con influencias da natureza e da vida cotiá. Abrir as fiestras para osixenarse e deixarse levar...

No escenario, a Real Filharmonía de Galicia e Javier Otero ao piano

Xogo de espellos

O noso centro participou no programa “Nin+ nin-, iguais” da Secretaría Xeral de Igualdade. A actividade foi organizada polo Departamento de Orientación.

Desde mediados de xaneiro puido verse no primeiro andar unha exposición adicada a Mulleres Senlleiras da cultura galega, con carreiras destacadas en todos os campos do saber e do coñecemento:

Ademais desta interesante exposición, o pasado 20 de xaneiro o alumnado de 4º da ESO tivo o privilexio de recibir a visita da catedrática de Farmacia da USC María José Alonso Fernández, Premio María Josefa Wonenburguer 2013, para escoitala falar sobre a súa experiencia como muller no eido académico e científico.

Polo 20º aniversario do Día da Internet Segura, o Instituto Nacional de Ciberseguridade (INCIBE) ofreceu varios obradoiros para o alumnado dos centros educativos, co obxectivo de promover o uso seguro dos dispositivos e da tecnoloxía entre os estudantes menores e a súa contorna.

O IES Monte da Vila participou o día 7 de febreiro no obradoiro “Aprendendo a configurar o noso dispositivo”. Trátase dun obradoiro en liña, a través da plataforma ZOOM. A relatora foi Rosa Liarte, profesora de Xeografía e Historia da Junta de Andalucía. Organizou a actividade o Departamento de Informática.

Foi un obradoiro interactivo sobre ciberseguridade no que o alumnado de 1º e 2º SMR coñeceu boas prácticas básicas sobre o uso de internet: utilización de contrasinais fortes e seguras, riscos das redes sociais (suplantación  de identidade, ciberacoso, fraudes, contidos inapropiados, etc.), precaución á hora de conectarse a redes públicas (xa que estas non teñen as mesmas garantías de seguridade que as redes privadas), importancia do acceso a internet cos equipos e aplicación empre actualizados para contrarrestar as ciberameazas, etc.

Dentro do obradoiro levouse a cabo unha actividade práctica a realizar individualmente por parte de cada alumno/a, e unha dinámica gamificada con todas as persoas participantes (Kahoot!).

Ademais, o INCIBE facilitounos os seguintes recursos de interese para toda a comunidade educativa:

• Un repositorio web de xogos educativos
• Un catálogo de recursos para un internet seguro para menores
• O teléfono 017 para recibir axuda e poder denunciar calquera incidencia ocorrida en internet

O 1 de febreiro o alumnado do 1º curso de SMR ampliou os contidos vistos na materia de Formación e Orientación Laboral (FOL) cun cursiño de primeiros auxilios impartido polo Servizo de Emerxencias do Grove. Organizou a actividade o Departamento de Informática.

En primeiro lugar, o alumnado escoitou atentamente as indicacións sobre maniobras de seguridade, a posición lateral de seguridade e os principios básicos dos primeiros auxilios.

Despois pasaron á parte práctica, con oito bonecos facilitados polo persoal do Servizo de Emerxencias do Grove: reanimación caridiopulmonar (RCP), asfixia, posturas de seguridade...

Desde aquí o noso agradecemento ao Servizo de Emerxencias do Grove, polo seu labor imprescindible.

O Departamento de Informática, en colaboración coa Factultade de Telecomunicacións da Universidade de Vigo, organizou dúas charlas dirixidas ao alumnado do ciclo de Sistemas Microinformáticos e Redes (SMR).

O 17 de xaneiro o Dr. José Carlos López Ardao impartiu a charla "Érase unha vez internet...". Nesta charla fíxose un percorrido pola historia de internet ata hoxe, intentando explicar dunha maneira sinxela o seu funcionamento e o de moitas tecnoloxías que resultan familiares para a mocidade (ciberseguridade, bitcoins, internet das cousas, móbiles ,intelixencia artificial, big data, etc.). Todo isto acompañado de anécdotas que sacaron algún que outro sorriso.

O 25 de xaneiro foi o turno da Dra. Cristina López Bravo, que falou co alumnado sobre "Seguridade en dispositivos móbiles". O alumnado de 1º SMR e 2º SMR disfrutou da charla no salón multiusos, participando en todo momento dos contidos e experiencia da relatora. En primeiro lugar, analizáronse cales son as principais vulnerabilidades (a través de exemplos reais) que afectan aos dispositivos móbiles, para despois expoñer as medidas adoptadas para mitigalas e conseguir así dispositivos máis seguros. As medidas van desde a correcta configuración dos equipos ata a concienciación dos usuarios/as, pasando polo deseño e a programación de aplicacións seguras.

O 21 de decembro, xusto antes das vacacións de Nadal, tivemos a sorte de que David Ballesteros viñera ao noso instituto, convidado polo Departamento de Física e Química.

O encontro titulouse “Momentos estelares da Ciencia”. Foi unha charla interactiva cun enfoque de show de ciencia, na que o alumnado de 2º e 3º ESO tivo a oportunidade de poñer en práctica de inmediato o que se lle ía explicando.

Deste xeito ameno e entretido, o divulgador presentoulles aos rapaces e rapazas a evolución do pensamento científico ao longo da historia, para animalos de seguido a participar en diferentes experiencias científicas.

Sen dúbida, a maneira máis divertida de espertar a curiosidade e descubrir a ciencia da vida cotiá.

Ao alumnado arrepiáronselle os pelos... pola electricidade estática:

Por fin foi posible saber quen estaba concentrado (e quen non):

as ondas Beta non minten!

A xornada tamén deu para descargar un condensador e aprender que somos bos condutores eléctricos... gracias a un calambrazo colectivo:

Por último, comprobáronse en directo os efectos da forza segundo a superficie:

O pasado 14 de decembro, o alumnado da materia de Bioloxía de 2º de Barcharelato visitou as instalacións do INIBIC, un centro composto polos grupos de investigación do Hospital, a Universidade e a Área de Atención Primaria da Coruña.

Así describe o propio alumnado a súa experiencia no INIBIC: