Novas

Prazo de solicitude:     do 20/5/2023 a 21/6/2023, incluídos

Texto da convocatoria:   ORDE do 10 de maio de 2023 (DOG do 19 de maio)

Procedemento administrativo:     ED330B

 Forma de presentación:

• Electrónica: utilice esta aplicación e presente solicitude na Sede Electrónica  (inicie premendo no icono de botón na esquina superior dereita da pantalla)

           NOTA: na presentación electrónica deberá presentar unha solicitude individual para cada un dos seus fillos

• Presencial con asistencia da aplicación : cubra os datos nesta aplicación, imprima os Anexos I e II producidos e presenteos no centro educativo (inicie premendo no icono de botón na esquina superior dereita da pantalla)
• Presencial manual: utilice os Anexo I e Anexo II da Orde da convocatoria e presenteos no centro educativo

O alumnado que non estea admitido nin coñeza en que centro vai estar escolarizado no curso escolar 2023-2024, deberá presentar a solicitude no centro no que está matriculado no curso 2022-2023

O venres 8 de maio o alumnado de 1º ESO visitou a base do Campiño, dentro do Proxecta+ "O monte vivo" (departamentos de Matemáticas e Xeografía e historia).

O alumnado máis novo do IES Monte da Vila probou por un día a “poñerse na pel” dos bombeiros, soñando con ser intrépidos pilotos a bordo do helicóptero (recibiron explicacións de primeira man sobre o seu funcionamento), usando a mangueira do camión ou manexando ferramentas para apagar un lume sobre o terreo.

O equipo de extinción de incendios de O Campiño acolleu ás e aos estudantes con enorme amabilidade, e resolveron en todo momento as súas dúbidas, animándoos a participar e premiando a quen fixo preguntas tras a proxección dun vídeo cunha gorra de recordo. Tamén agasallaron ao IES Monte da Vila con dous libros sobre as impresionantes paisaxes de Galicia que entre todos debemos protexer.

O venres 28 de abril o luthier Alberto Davila ofreceunos unha charla sobre o seu labor como produtor de instrumentos de corda. Trouxo mostras de laude, viola da gamba, zanfoña, arcos... Feitos no seu taller. Así como das madeiras de primeira calidade coidadosamente escollidas, para acadar un produto de excelente resultado sonoro e de ofrecer a mellor relación calidade –prezo.

A actividade foi organizada entre o Departamento de Matemáticas (Proxecta+ "O monte vivo") e o Departamento de Música. Participou o alumnado de 2º ESO.

O pasado venres 28 de abril o alumnado de 4º ESO e 1º Bacharelato de Humanidades (Latín I) asistiu á representación de “Crónicas clásicas”, unha divertida obra da compañía Vicus Teatro (Lois Blanco e Pablo Carrera).

O alumnado subiu ao escenario para poñerse na pel dos actores antigos.

O espectáculo reinterpreta a esencia das comedias clásicas e abre a porta a coñecer e situar aquela linguaxe teatral que se daba na Atenas e Roma da Antigüidade. A través da comedia, o alumnado achegouse aos mitos populares antigos, ás festas na honra dos deuses, e sobre todo, descubriu que a base do humor e do riso non cambiou tanto, igual que os comportamentos humanos.

Organizaron a actividade o Equipo de Dinamización da Lingua Galega (EDLG) e o Departamento de Latín, en colaboración coa Casa da Cultura Manuel Lueiro Rey do Concello do Grove.

Como cada curso escolar, dentro do Programa XOGADE, o alumnado de 1º ESO está convidado a desfrutar dunha xornada de Piragüismo na Escola, neste caso, do Dragón Boat. O pasado 24 de abril, a pesar de que estaba o día anubrado, foi perfecto para a práctica. Os/as técnicos déronnos instrucións moi sinxelas e con todas as medidas de seguridade, ocupamos dous Dragóns e saimos a remar, competir, colaborar en equipo e rir. Rematamos a xornada cunha volta á calma e cun aperitvo de froita.

Aquí tedes o vídeo co resumo e que reflexa o ben que saiu todo. Teremos Dragóns Boats para o 2024!

Publicada no taboleiro de anuncios do centro, a listaxe provisional do alumno admitido para o vindeiro curso académico 2023-2024.
Todo o alumnado que solicitou a admisión en prazo resultou ADMITIDO.
Prazo de formulación de reclamacións contra as listaxes provisionais: 5 días hábiles a partir do seguinte á publicación das listaxes provisionais.
A publicación das listaxes definitivas será o  día 15 de maio.

Cartel de Iñaki Méndez (2º Bach. A)

O venres 21 de abril, conmemorando o día do libro, presentouse o libro, editado por Iñaki Méndez, coas obras literarias e artísticas do V Festival Montenegro.

Podedes ver as fotos do acto no blog da Biblioteca.

Parabéns ao alumnado participante, e ao Equipo da Biblioteca!

O pasado venres 14 de abril o alumnado de 1º ESO puido participar nunha visita guiada ao xardín botánico de Lourizán, onde coñeceron a historia do Pazo e a historia de Euxenio Montero Ríos e puideron visitar os talleres e as instalacións da Escola de Capataces Forestais.

Posteriormente, disfrutaron da paisaxe da ría de Pontevedra de camiño a a Bueu onde, nunha pequena parada, puideron pasear pola Praza Massó, a praia e a contorna do Estaleiro de Purro, antes de dirixirse a Meiro, para coñecer a ruta dos Muíños, con motivo da XXIII Festa do Millo Corvo e presenciar unha muiñada.

A experiencia, que se enmarca no programa “O Monte Vivo” (Plan Proxecta + da Xunta de Galicia), foi satisfactoria, como reflicten as palabras da alumna Sara Álvarez:

Canto sabes dos incendios forestais? Ponte a proba!

https://forms.gle/ZWLpqwSH4GQM5uNU6