Actividades do centro

Tras a saída do centro (9:30h), o alumnado de 1º e 2º da ESO desprazouse en bus ata o Monte Montalvo (Sanxenxo) para participar nun cros con diferentes centros pertencente ao plan Xogade. As probas dividíronse por curso e sexo, realizando as saídas e entregas de medallas cada 20 minutos aproximadamente. O primeiro que fixemos cando chegamos ao lugar da proba foi localizar un punto de encontro donde poder agruparnos e repartir os dorsais. Posteriormente fomos cara a “zona de saída”, donde se facía o quecemento e ían chamando para dar comezo as diferentes probas. Unha ves que remataron as carreiras e entregaron os premios dos últimos grupos nos que participamos, reunímonos no punto de encontro e voltamos para o autobús. As 12:00 chegamos de volta ao centro.

Alumnas de 1º ESO preparadas para iniciar a proba

Alumnado durante o transcurso da proba

Alumnado do noso centro no podio

Tras a saída do centro (9:30), o alumnado de 1ºESO desprazouse en bus ata Sanxenxo (Real Clube Náutico de Sanxenxo) para embarcar en veleiro e facer un recorrido pola ría de Pontevedra, en especial polas costas de Sanxenxo. En primeiro lugar, os monitores recordaron algunhas normas e instrucións básicas, para de seguido facer diferentes grupos e embarcar nos veleiros. Estiveron navegando seguindo as indicacións dos diferentes “capitáns” de cada veleiro durante 2 horas e remataron a actividade dándose un chapuzón na ría para refrescar e unha ducha nas instalacións do clube. As 13.00 horas subimos ao autobús de volta ó centro.

Embarcando na liña de saída.

Navegando pola ría.

Practicando manobras.

Chapuzón final.

O mércores 30 de outubro celebramos o Samaín con curtas de terror, xogos, concursos de disfraces e de decoración de aulas e cabazas. As alumnas do bacharelato de artes decoraron parte do centro e coordinaron os xogos e as curtas de terror. A continuación móstranse aos gañadores e ao resto de participantes:

      Gañador porta de aula: 2ºESO B

PREMIO: ALMORZO NA CAFETERÍA

Gañador cabaza de aula: 1º ESO B     

PREMIO: ALMORZO NA CAFETERÍA  

 Gañadora disfraz: Mariajosé Ramírez

PREMIO: VALE DE 20€ PARA COMPRAR NO COMERCIO LOCAL DO GROVE

RESTO DE PARTICIPANTES:

COLABORADORAS, DECORACIÓN E XOGOS:

O pasado mércores 30 de outubro, o alumnado de ciclos formativos da familia de Informática do IES Monte da Vila participou nunha enriquecedora ponencia impartida por Fernando Rodríguez, Director da axencia galega "Con C de Comunicación".

Baixo o título "Como crear campañas publicitarias en Redes Sociais", Fernando explorou os pasos esenciais para deseñar e executar campañas publicitarias nas principais plataformas.

Durante a charla, Fernando destacou a importancia de seleccionar o público axeitado e a plataforma ideal para cada campaña, así coma os momentos de maior alcance, aspectos clave para maximizar a efectividade das accións publicitarias. O alumnado amosouse moi participativo, formulando preguntas interesantes que enriqueceron aínda máis a sesión.

Esta actividade, enmarcada no proxecto das aulas de emprendemento, proporcionoulles aos estudantes coñecementos prácticos sobre técnicas de segmentación, creación de contidos e optimización de campañas, ofrecendo ferramentas valiosas para proxectos reais. Esta iniciativa reflicte o compromiso do IES Monte da Vila en conectar o alumnado con profesionais do sector e ofrecer unha formación actualizada e orientada ao mundo laboral.

O pasado xoves día 10 de outubro, o alumnado da FP Básica de Informática de Oficina e do Ciclo Medio de Sistemas Microinformáticos e Redes do IES Monte da Vila realizou unha visita ao CGIFP Eduardo Barreiros (Centro Galego da Innovación da Formación Profesional), en Ourense.

Este centro conta con instalacións e equipos de última xeración, permitindo levar os proxectos e ideas dos centros educativos a outro nivel.

Durante a visita que se programou dentro do contexto das "Aulas de emprendemento", o alumnado recibiu explicacións sobre diferentes áreas tecnolóxicas de gran relevancia:

• Laboratorio de biotecnoloxía: Explicáronnos algúns avances no ámbito da biotecnoloxía.
• Laboratorio de industria 5.0: Observamos como funcionan maquetas industriais baseadas en tecnoloxías de última xeración.
• Fabricación aditiva: Coñecemos o funcionamento de diferentes impresoras 3D e dos escáneres 3D.
• Enerxía e auga: Explicáronnos algúns proxectos referentes a coches eléctricos e híbridos, como a creación de pinturas que optimizan o consumo dos mesmos.
• Sala inmersiva: Tivemos a oportunidade de asistir a unha proxección de vídeo en 270º, unha experiencia única e envolvente.
• Sala de metaverso: O alumnado puido probar as lentes de realidade virtual e ver de primeira man as posibilidades do metaverso.

HORARIO DE SAÍDAS DENDE AS PARADAS DO TRANSPORTE ESCOLAR

·     RUTA SAN VICENTE:

HORA DE SAÍDA: 08:20 H. (Balea – Reboredo – Estonllo –

Campos – Meloxo – Carballeira – IES Monte da Vila).

·       RUTA TERRA DE PORTO:

HORA DE SAÍDA:  8:30 H. (Terra de Porto – IES Monte da Vila)

·       O CON – PORTO DE MELOXO:

HORA DE SAÍDA: 08:05 H. (O Con – Boibas – Virxe das Mareas

– Porto de Meloxo – IES Monte da Vila)

Aquel profesorado que obtivo vacante no CADP definitivo que envíe un correo electrónico á dirección do centro para facilitarlle a súa incorporación.

ies.monte.vila@edu.xunta.gal