IES Macías o Namorado

INICIACIÓN Á DANZA URBANA

Mar, 2024-11-19 18:24 — admin

A pasada semana os grupos de 3º e 4º da ESO tiveron unhas sesións/obradorios de Iniciación á Danza Urbana e Breakdance. As sesións foron dirixidas por unha monitora da Escola Inquedanza de Vilagarcía.

3 adxuntos

Eleccions Consello Escolar 2024

Mar, 2024-11-12 12:11 — admin

Á Comunidade Escolar:

De acordo coa RESOLUCIÓN do 10 de setembro de 2024, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos. (DOG do 18/09), a Xunta Electoral deste Centro, en virtude das atribucións que lle son conferidas pola lexislación vixente, dispon a convocatoria de eleccións ao Consello Escolar.

Datas a ter en conta para as eleccións:

- Presentación de Candidaturas: do 1/11/2024 ao 8/11/2024, ámbolos os dous inclusive, de

10:00h a 13:00h, na Secretaría do Centro.

- Proclamación de candidatos/as: 11/11/2024

- Reclamacións: 12 e 13 de novembro de 2024

- Proclamación definitiva de candidatos: 14/11/2024

- Votación de alumnado: 19/11/2024, durante a mañá polas aulas

- Votación de Pais/Nais: 19/11/2024, de 16:30h a 18:30h

- Votación do profesorado: 19/11/2024

- Proclamación dos candidatos electos: 20/11/2024

O número de persoas que se elixirán nas distintas mesas é o seguinte:

-Alumnado: 4 representantes.

-Pais/Nais: 1 representante.

-Profesorado: 5 representantes.

Pode presentar a súa candidatura calquera membro da comunidade escolar.

Tendo dereito a presentar a súa candidatura e a votar, tanto a nai como o pai ou se é o caso o titor/a legal do alumno/a.

A Xunta electoral resolverá as dúbidas e reclamacións que se presenten.

Á espera de contar cunha elevada participación nos distintos colectivos, aproveito a ocasión para saudalos.

Atentamente,

Padrón, 29 de outubro de 2024.

A DIRECTORA

Rita Castiñeiras Sueiro

ALUMNADO DO CICLO SUPERIOR EN CIBERGAL

Mar, 2024-11-12 12:10 — admin

O alumnado de 2º de Ciclo Superior de Robótica e Automatización industrial participou o pasado 6 de novembro nas actividades englobadas en CIBER.GAL organizadas polo nodo galego de ciberseguridade que se desenvolveron no Gaiás. O alumnado formouse no programa NMAP (programa de código aberto que rastrexa portos na rede).

O programa baseado en Linux permite rastrexar e escanear dispositivos e aplicativos nunha rede para detectar vulnerabilidades.

2 adxuntos

REUNIÓNS INICIO DE CURSO E TITORÍAS

Mar, 2024-09-24 11:53 — admin

Convocamos ás familias a unha reunión de inicio de curso para os pais/nais do alumnado que terá lugar o vindeiro martes 01 de outubro, na que estarán presentes a Dirección do centro, o Departamento de Orientación e os/as titores/as dos distintos grupos.

A organización destas reunións será como segue:

CURSO	HORA	LUGAR
1º ESO	18 h	Salón de Actos
2º ESO	18 h	2º A Aula A11-08 2º B Aula A11-14
3º ESO	18 h	3º A Aula A11-15 3º B Aula A11-16
4º ESO	18 h	4º A Aula A11-17 4º B Aula A11-12 PDC Aula A12-25
1º BACH	18 h	1º Bac A A11-19 1º Bac B A11-18
1º FPB	18:30 h	Biblioteca
1º Ciclo Medio	19 h	CM Adm Aula A12-27 CM Elec Salon de Actos

ENTREGA DE VALES DE MATERIAL E LIBROS DE TEXTO

Lun, 2024-09-09 12:46 — admin

RECOLLIDA VALES E LIBROS DO FONDO SOLIDARIO.

Os solicitantes de Axudas do Fondo Solidario de Libros de Texto poderán recoller os vales e os libros preferentemente nos seguintes horarios:

MARTES 10: 1º E 2º da ESO de 16:00 a 19:00H.

MÉRCORES 11: 3º E 4º da ESO de 16:00 a 19:00h.

Lembramos que os VALES E OS LIBROS DO FONDO ENTREGARANSE SÓ ÁS PERSOAS SOLICITANTES, OU PERSOAS ADULTAS DEBIDAMENTE AUTORIZADAS (autorización escrita e DNI de ámbalas dúas persoas).

INICIO DO CURSO 24-25

Lun, 2024-09-09 09:14 — admin

As actividades lectivas comezarán o vindeiro 11 de setembro en horario habitual (08:45 a 14:25h).

O alumnado acudirá a primeira hora á súa aula de referencia, onde serán recibidos pola persoa titora que lles comunicará o horario, recordará as normas do centro e informará sobre outros temas do curso.

O alumnado de 1º da ESO será recibido polo equipo directivo e os seus titores no Salón de Graos.

A partir de 2ª hora o alumnado iniciará as clases co profesorado segundo o seu horario. O servizo de transporte para o alumnado tamén funcionará con normalidade.

O IES Macías o Namorado quere dar a benvida a toda a comunidade educativa a este novo curso 2024-2025.

LISTAXE DEFINITIVA FONDO SOLIDARIO E AXUDAS DE MATERIAL

Xov, 2024-07-11 11:29 — admin

Rematado prazo de dous días hábiles para reclamar á publicación das listaxes provisionais de admitidos e excluídos da Convocatoria do fondo solidario de libros de texto e axudas para libros de texto e material escolar, están publicadas no IES as LISTAXES DEFINITIVAS de admitidos e excluídos*. Esta publicación tamén será accesible con certificado electrónico ou Chave 365 a través da aplicación Fondolibros.

Lembramos que en cumprimento da normativa vixente en materia de Protección de Datos Persoais, as listaxes non se poden fotografar.

Os vales de material escolar e os libros entregaránse nas primeiras semanas de setembro. A tal efecto se enviará un ABALAR comunicando as datas e horas de recollida, que deberán facer sempre os SOLICITANTES DA AXUDA, ou unha persoa adulta debidamente autorizada (por escrito).

*Aínda que a data límite era 26 de xullo, para facilitar a organización familiar e a adquisición do material, publicamos xa as LISTAXES DEFINITIVAS.

O MACÍAS ENTRE OS MELLORES IES NAS ABAU

Mar, 2024-07-09 08:39 — admin

La Voz de Galicia publicou onte que o noso IES foi un dos poucos centros de Galicia que acadou unha nota media de máis de 7 puntos na parte xeral da ABAU, un indicador do nivel de preparación do noso alumnado, sendo o vixésimo de toda Galicia.

Nas comarcas dos arredores de Santiago, só 10 institutos acadaron esta cualificación, e o Macías foi o sexto mellor, cunha cualificación de 7,436 puntos, sendo ademáis o único da nosa comarca.

O Namorado é, ademáis, un dos centros que presenta unha menor diferencia entre a cualificación ABAU e a cualificación do Bacharelato (menos de 0,5 puntos) o que reflicte a coherencia das cualificacións do Bacharelato e a súa excelente preparación para esta proba. Nas ABAU tres alumnas do noso centro se situaron entre os mellores expedientes de toda Galicia.

Noraboa ao alumnado, as familias e ao profesorado polo seu traballo e esforzo, que nos colocan na elite da nosa contorna!!