Complementarias

A pasada semana os grupos de 3º e 4º da ESO tiveron unhas sesións/obradorios de Iniciación á Danza Urbana e Breakdance. As sesións foron dirixidas por unha monitora da Escola Inquedanza de Vilagarcía.

O pasado xoves 21 de marzo, o alumnado que cursa a materia de Proxecto Competencial de 1º e 2º ESO no IES Macías o Namorado visitou a fábrica de CLESA, localizada en Caldas de Reis (Pontevedra). 

CLESA é unha das marcas de produtos lácteos pertencentes á cooperativa CLUN, referente no sector agrogandeiro galego, que aposta pola sostibilidade e presenta un modelo de compromiso coa innovación e a calidade dos seus produtos.                                

Esta saída foi organizada polos departamentos de Bioloxía e Xeoloxía e de Educación Física, ambos os dous coordinadores do proxecto Nutriactívate co Macías!, co que neste curso 2023/2024 participamos no programa Nutriescolas (dentro do Plan Proxecta+).

No noso proxecto temos como obxectivo promocionar hábitos saudables no alumnado e resto da comunidade educativa, tanto desde o punto de vista da alimentación como da actividade física. Por este motivo, consideramos de gran interese a realización desta visita, pois os rapaces e rapazas que asistiron coñeceron de primeira man a fabricación de varios produtos lácteos e visitaron brevemente parte das instalacións. Tamén puideron probar algunhas das variedades de iogur (e incluso propoñer sabores novos!) e dar opinión sobre o novo logo e packaging dos produtos actuais.

O mércores, 6 de marzo, o alumnado de 3º da ESO tivo a oportunidade de coñecer á autora Sonia Mirón. Sonia amosouse cercana, accesible e moi contenta pola acollida que este centro lle brindou un ano máis, porque xa é a segunda visita ao Macías. Nesta ocasión disfrutou da lectura de Mi corazón en una caja de zapatos.

A autora falounos da súa experiencia como escritora, presentounos os seus libros e atendeu a todas as cuestións plantexadas polos nosos corazóns lectores; a continuación, firmou exemplares da súa última publicación No son mariposas, son elefantes. Un día inesquecible!

O pasado venres 23 de febreiro tivo lugar no ximnasio do IES un taller sobre técnicas de primeiros auxilios, impartido polo GES (Grupo de Emerxencias Sanitarias) de Padrón.

As emerxencias santiarias forman parte do curriculo de FOL (Formación e Orientación Laboral), polo que participou o alumnado do centro que cursa este módulo. durante a sesión, recibiron formación sobre diferentes manobras que en caso de emerxencia poden salvar vidas, como é a reanimación cardio-pulmonar (RCP), a Posición Lateral de Seguridade (PLS), ou a manobra de Heimlich, a coñecida como compresión abdominal que é moi útil en caso de atragantamentos.

O alumando segiu as explicacións con grande interese e levou á practica estas manobras, polo que resultou unha xornada moi útil e instructiva.

O Departamento de Orientación considera interesante para as familias a seguinte información sobre dous obradoiros online:

DÍA DE INTERNET SEGURA 2024 (6 de febreiro).

https://espazoabalar.edu.xunta.gal/consellos-de-seguridade/novas/obradoiros-dinamico-participativos-en-lina-para-o-alumnado-no-dia-de

 NOOC "Menores e seguridade na rede"

https://espazoabalar.edu.xunta.gal/consellos-de-seguridade/novas/nooc-menores-e-seguridade-na-rede