Complementarias

O pasado martes 14 de xuño o alumnado de 1º ESO realizou unha saída ao Parque Arqueolóxico de Arte Rupestre Campo Lameiro.

A xornada, organizada polo departamento de Xeografía e Historia, e coa colaboración dos docentes de Bioloxía e Xeoloxía e Matemáticas do curso, incluíu, ademais da visita ao xacemento e aos principais petroglifos do mesmo, obradoiros de arqueoloxía experimental sobre aspectos da vida na Prehistoria. 

Os petroglifos de Campo Lameiro, cunha antigüidade aproximada de 4000 anos, son un xacemento único en Europa. O parque amosa as formas de vida das sociedades neolíticas e da Idade dos Metais, e inclúe salas de exposición de materiais e reproducións, videoproxeccións e unha reconstrucción de un poboado con vivendas de pallabarro.

Os alumnos e alumnas, en dúas quendas, coñeceron o método para a fabricación de lume por fricción con arco, e practicaron a caza prehistórica con azagaias e propulsores.

Todos e todas amosaron excelentes cualidades para o lanzamento e sorprenderon aos monitores do Parque coa súa puntería e habilidade.

Este martes 7 de xuño a asociación ALAS (Asociación pola Liberdade Afectiva e Sexual) levou a cabo no noso IES unha xornada de formación en diversidade LGTBI+ para o alumnado de 2º ESO, organizada polo Equipo de Igualdade do noso centro.

A xornada estivo estruturada en 5 boques:

1.- Que sabes ti de diversidade?

2.- Identidade sexual

3.- Expresións da sexualidade

4.- Orientación sexual

5.- A saída do armario

As persoas encargadas do obradoiro entregaron ao alumnado unhas guías didácticas para consultar e utilizaron diferentes dinámicas de grupo. O alumnado mostrouse atento e participativo.

O principal obxectivo desta actividade é que o alumnado sexa un grupo de apoio para o colectivo LGTBI+, avanzando cara a un mundo máis igualitario.

Aquí amosámosvos o traballo gañador de Sara, alumna de 2º ESO que elaborou este magnífico VISUAL THINKING sobre o teatro, actividade proposta polo departamento de Lingua Castelá e Literatura:

Parabéns Sara pola túa obra!

Este martes 10 de maio, e por terceiro ano consecutivo, o Equipo de Igualdade do IES Macías o Namorado organizou a charla-coloquio sobre a igualdade no eido laboral, na que participou o alumnado de Ciclos Formativos.

Para esta xornada contamos coa colaboración de Luís Carreira, Técnico de persoal da empresa FINSA; Sara Rodríguez, garda civil; Pablo Lorenzo, da área legal laboral da empresa CORTIZO e Milagros González, presidenta do Consello Regulador da denominación de Orixe “Pemento de Herbón”.

Con esta actividade preténdese que o alumnado coñeza e reflexione sobre:

• A importancia de contar con Plans de Igualdade nas empresas.

• Medidas de conciliación laboral e familiar.

• A fenda salarial.

• A obrigatoriedade da transparencia salarial.

Podes acceder á noticia premendo en: El Correo Gallego.

Seguindo co seu compromiso de achegar ó alumnado a realidade do mundo laboral e a súa formación integral non ámbito profesional,  fomentando o contacto con iniciativas empresariais, o IES Macías o Namorado organizou o luns 25 de abril unha saída de estudos formativa a dous proxectos exemplarizantes no ámbito do emprendemento. Participaron nesta actividade alumnas e alumnos de FPB, CM e CS da rama de Administrativo.

Enoturismo María Manuela (Boqueixón), un complexo de 6 cabanas nun bosque autóctono e unha plantación de uva albariño, coa recente construción dunha adega. Aunando a paixón polo viño, o turismo e o bo facer dous seus promotores, fan desta iniciativa un referente de calidade, onde disfrutar da natureza. Premio autonómico ás Iniciativas de Desenvolvemento Rural na categoría de turismo e certificada coa distinción SICTED (Sistema Integral de Calidade Turística Española en Destinos), promovido pola Secretaría de Estado de Turismo. 

A Estación – Centro de Emprendemento (Vedra), iniciativa promovida polo concello de Vedra, e que ten como obxectivo, ser un axente de referencia que estimule a economía local e a creación de emprego, a través da creación de  coworking, asesoramento e acompañamento a futuros emprendedores. A singularidade principal  desta iniciativa é o aproveitamento e rehabilitación dun vagón de tren, como coworking, feito que lle levou a ser finalista na oitava convocatoria dos Premios de Boas Prácticas polo Clima promovido pola Federación Española de Municipios e Provincias. 

Os obxectivos plantexados polo departamento de Administrativo do IES Macías o Namorado, no marco desta saída de estudos, foron: 

• Coñecer experiencias e boas prácticas empresariais, onde a calidade e a innovación   estean presentes.

• Familiarizarse con todas as fases do proceso do emprendemento.

• Identificar as diferentes liñas de financiamento existentes para impulsar iniciativas empresariais. 

• Reflexionar sobre a importancia dunha correcta atención ao cliente.

• Identificar as diferentes distincións/certificacións de calidade ás que pode optar unha empresa. 

• Coñecer o traballo dos concellos, encamiñado a estimular a economía local a través da formación a mentorización e o apoio a pequenos emprendedores. 

 Podes ler a noticia premendo na ligazón de El Correo Gallego ou na de La Voz de Galicia.