|
||||||
|
||||
O pasado martes 12 de novembro, un grupo de profesoras e profesores de FP e ESO do noso centro mergullouse nun curso de formación en metodoloxía LEGO, unha innovadora estratexia educativa que aposta por unha aprendizaxe máis lúdica e motivadora. Impartido pola formadora acreditada Mónica Rodríguez Nieto, o curso achegou aos docentes novas ferramentas para transformar as súas clases en espazos creativos, onde o alumnado poida alcanzar o “flow”, ese estado de concentración profunda que permite aprender con entusiasmo e sen distraccións. A metodoloxía LEGO está especialmente deseñada para promover o desenvolvemento persoal e profesional do alumnado, potenciando competencias como o traballo en equipo, a creatividade e a resolución de problemas. Ademais, esta formación tamén serviu para fortalecer a colaboración entre o profesorado de distintas áreas, creando unha visión interdisciplinar que enriquecerá a experiencia educativa no noso centro. Con esta iniciativa, financiada pola Aula de Emprendemento, o IES Chapela aposta por unha educación que responda ás necesidades do século XXI, impulsando o desenvolvemento persoal e profesional de todo o seu alumnado. Máis fotos aquí.
|
|||
|
|||
O alumnado de 2º ESO do IES de Chapela despregou todo o seu talento e improvisación no V Certame Escolar Provincial de Regueifas, celebrado o pasado venres 8 de novembro no Centro Social e Cultural de Valadares. Tedes aquí un vídeo coas regueifas do noso alumnado.
|
|||
Seguindo as recomendacións da Federación Española de Municipios e Provincias (FEMP), que anima a priorizar neste momento as doazóns directas a Cruz Vermella como vía para canalizar a axuda dirixida a paliar as consecuencias da emerxencia, deixamos aquí unha ligazón para as persoas interesadas en facer a súa achega: https://www.cruzroja.es/inicio-web/
|
|||
|
|||
Lara Dopazo imparte, como fixo o curso anterior, un obradoiro de relatos arrepiantes para 4°ESO. O alumnado desfrutará do saber dunha das escritoras de relatos máis recoñecidas da literatura galega. A premiada autora por "O axolote e outros contos de bestas e augas" vén de tirar do prelo "Contos gringos", unha colección de contos ambientados no centro dos EEUU con abondosas mostras desa narrativa inquedante da que ela é mestra.
|
|||
|
|||
Chegou o outono e, como todos os anos, o IES de Chapela celebrou a súa tradicional festa de Magosto-Samaín. Castañas, música, bailes, xogos e disfraces encheron de diversión a xornada, onde tampouco faltaron os sustos e os arrepíos da man de experiencias paranormais como as vividas no túnel do terror! Pica na imaxe para acceder á galería de fotos e aquí para ver as fotos do noso photocall.
|
|||
