Escoitar, Aprender e Compartir

O ALUMNADO DE 1º E 2º DE ESO PARTICIPOU NA EDICIÓN DESTE CURSO DA CARREIRA CAMPO A TRAVÉS ORGANIZADA POR XOGADE E QUE TIVO LUGAR EN ZAMÁNS (VIGO). O ALUMNADO FIXO MOI BOAS CARREIRAS, TODOS E TODAS DISFRUTARON MOITO DO DEPORTE AO AIRE LIBRE E DE REALIZAR ACTIVIDADE FÍSICA NO MONTE ACOMPAÑADOS POR OUTROS RAPACES E RAPAZAS DOUTROS CENTROS. PARABÉNS!! PINCHA AQUÍ PARA VER MAIS FOTOS.

Parabéns ao noso alumnado de Francés de 2º de Bacharelato Gabriela Domínguez González, Andrés Rodríguez Cano e Sara Vilas Casal que acadou a súa certificación B1 expedida pola Alliance Française con excelentes resultados.

Podedes consultar aquí a resolución das solicitudes de validación de módulos profesionais do curso 2024/25.

Para calquera dúbida ou aclaración en relación con este tema, contactade coa xefatura de estudos de ciclos.

Contra a resolución de validación, a persoa solicitante poderá presentar recurso de alzada, no prazo máximo dun mes a partir da súa notificación, perante a persoa titular:

a) Do departamento territorial de cada provincia, para as validacións que sexan competencia da persoa titular da dirección do centro.

b) Da Secretaría Xeral de Formación Profesional do Ministerio de Educación e Formación Profesional e Deportes, para as validacións que sexan resoltas por este ministerio.

c) Da Consellería de Educación, Ciencia, Formación Profesional e Universidades, para as validacións que sexan resoltas pola persoa titular da Dirección Xeral de Formación Profesional da mesma consellería.

NOTA: Os datos aparecen anonimizados ocultando caracteres do documento de identidade das persoas solicitantes.

Un curso máis, dentro do Proxecta MeteoEscolas, comezamos co rexistro diario dos datos de temperatura máxima, temperatura mínima e choiva das últimas 24 horas, tomados polo alumnado de 1º ESO  ás 12:10. Estarán visibles no calendario ARASAAC do vestíbulo para toda a comunidade educativa e na páxina de Meteogalicia, no apartado de Observación/MeteoEscolas para público xeral.

O acceso aos cursos de FP a distancia realizarase a través da plataforma https://fpadistancia.edu.xunta.gal. Para isto, o alumnado deberá dispor previamente dunha conta de correo corporativa de edu.xunta.gal coa cal autenticarse.

Ao matricularse, un proceso automático enviará un correo electrónico coas instrucións para a activación da súa conta. Neste correo o alumnado recibirá un nome de usuario e un PIN.

Para modificar o contrasinal, o alumnado deberá ir á aplicación https://www.edu.xunta.gal/contausuario e seguir estes pasos: 4. Modificar contrasinal > 4.1 Modificar > Utilizo a miña conta para: Outros fins > Continuar > Esquecín o contrasinal pero recordo o PIN (introducir o PIN de activación recibido) > Continuar, e introducir e confirmar o contrasinal que o alumnado decida (sempre que sexa válido) até completar o proceso.

Finalmente, o alumnado poderá acceder á plataforma https://fpadistancia.edu.xunta.gal co seu nome de usuario (sen edu.xunta.gal) e o novo contrasinal creado.

No caso de haber algunha incidencia despois de seguir estas instrucións ou de non ter recibido o correo coas instrucións, o alumnado deberá contactar coa UAC (Unidade de Atención a Centros): 881 99 77 01 -uac@edu.xunta.gal.

Anunciamos que se suprime da oferta do IES de Chapela o CS Mediación Comunicativa, que era de nova implantación neste curso 2024/25 (na oferta ordinaria e en horario de tarde), por falta de matrícula.

Tedes aquí a ligazón para conectarvos á presentación dos ciclos a distancia (CS Dietética, CS Educación Infantil e CS Integración Social) o próximo xoves 12 de setembro ás 19:00 horas. Só tedes que picar nela para acceder (sen necesidade de descargar o programa).

Nova actualización 20/09/2024 nos libros de texto de 2º Bacharelato

ESO: O centro dispón de libros de texto correspondentes a doazóns das familias e ao anterior Fondo de Libros que poderá prestar ao alumnado que o precise. Recoméndase esperar a setembro e falar co profesorado de cada materia para ver a dispoñibilidade.

Os cadernos de música, debuxo e francés son individuais e non reutilizables, por iso todo o alumnado que curse estas materias debe mercalo.

Pica no curso para descargar as listas de libros correspondentes a cada nivel. 

1º ESO    2º ESO    3º ESO    4º ESO

1º Bacharelato    2º Bacharelato