IES Castelao

O alumnado de 4º da ESO asistiu o 15 de decembro ao pase da película Sicixia, do director Ignacio Villar

Sicixia narra a historia de amor entre Olaia, unha rapariga que «é a mesma encarnación da Costa dá Morte», e un técnico que chega ao lugar para gravar os sons do ambiente na zona. A película ten no ritual do namoramento a escusa para mostrar a forza da natureza e da cultura popular.

Os alumnos de 2º e 3º da ESO asistiron o 14 de decembro á representación da obra  Cousas, baseada no texto homónimo de Castelao, autor que dá nome ao noso centro. A adaptación teatral dos relatos foi representada pola compañía de teatro Quinquilláns, cuxa  magnífica actuación emocionou a todo o  público.

 O  alumnado que asistiu á actividade foi agasallado pola Editorial Galaxia cun exemplar de  Cousas.

Parabéns a Genoveva e Tais

   O IES CASTELAO quere felicitar as alumnas Tais González  e Genoveva Longueira, de 2º da ESO B, por quedaren finalistas no IV Certame de Relato Curto convocado pola FANPA, a Federación de ANPAS da provincia de Pontevedra. A este certame, que vai xa pola cuarta edición, presentáronse  máis de 700 relatos procedentes  dos  centros escolares de Galicia.

O pasado 30 de maio, o alumnado de 1º bacharelato A, E e 4º de PDC viaxou  ata Celanova para coñecer a vida e obra de dous ilustres escritores nados nesta vila: M. Curros Enríquez e Celso E. Ferreiro. Os alumnos estiveron acompañados polas profesoras Carme Liz e Gloria Paredes e, ademais, contamos coa compañía de Lucía Cerdeira, profesora do centro e titora de 1º Bac A ata xaneiro deste ano en que se xubilou.  Se queres ver algunhas fotos da viaxe, preme na imaxe. 

O pasado día 19 de maio tivemos a sorte de contar no noso centro coa presenza de Manuel Veiga Taboada, xornalista e  premiado escritor que acaba de publicar varios libros sobre a figura de Manuel María. Da vida e obra deste autor faloulles aos nosos  alumnos de 2º da ESO.

Que Manuel María? Esta  curiosa pregunta  daba título ao espectáculo, protagonizado polo profesor Serafín Marcos, que se desenvolveu no salón  de actos do centro o 13 de maio. Coa finalidade de profundizar neste persoeiro, Serafín Marcos foi contando ao noso alumnado de 1º de bacharelato, a través de divertidas escenas, aspectos da vida e obra do autor homenaxeado este ano o Día das Letras Galegas.  

Preme na imaxe para ver o ben que o pasaron no espectáculo.

O 12 de maio realizamos no IES Castelao unha pequena homenaxe a Manuel María, autor ao que se lle adica este ano o Día das Letras Galegas, a festa das  nosas Letras.

     Nesta celebración, que se desenvolveu no salón de actos do centro,  alumnos da ESO leron poemas, relatos, artigos e fragmentos das obras máis representativas do autor homenaxeado, intercalando estas lecturas con distintas pezas musicais (xota, muiñeiras…) interpretadas por alumnos de 1º  de Bach e de 3º da ESO, baixo a dirección de Ana Rubio, profesora de Música do centro.

Podes acceder ás fotos do acto premendo na imaxe.

                                                                                                   
Certame das Letras Galegas 2016   GAÑADORES                 

MODALIDADE CÓMIC

1º   PREMIO: Aarón  Hernández, de 4º PDC, por  “Máis terror que desta non haberá”
2ºPREMIO: Julia Alonso, de 4º ESO A,  por “Hortalizas e humanos”

MODALIDADE  POESÍA

1º PREMIO: Iván Fernández López, de 2º Bac C, por “A voz de Gaia”
2º PREMIO: Deserto

MODALIDADE  NARRATIVA

Debido á calidade dos traballos presentados, o Xurado decidiu conceder nesta modalidade, ademais do 1º e 2º premio, un  accésit.

1º   PREMIO: Tais González, de 2º ESO B, por “O reloxo de catro agullas”
2º  PREMIO: Samuel Fernández, de 2º ESO B, por “Seguir vivindo”
ACCÉSIT:  María Carrera, de 4º da ESO A,  por  “Amencer de sangue”

PARABÉNS!

O pasado 5 de maio os alumnos de 1º Bac C, D e E tiveron un ”encontro literario” con Santiago Lopo, autor de Hora zulú, unha das obras de lectura deste curso. O autor foinos contando, a  partir das preguntas do alumnado, como organizou a estrutura da novela, de onde xurdiron as historias,  como preparou e se informou sobre algúns aspectos da trama, os posibles finais…