RELATO CURTO
1º PREMIO CATEGORÍA A: "A lenda de Altamirán" (Iria Mariño, 1ºESO B)
2º PREMIO CATEGORÍA A: dúas obras premiadas

• "O Castro" (Roi Díaz Souto, 1ºESO A)
• "A vida de Carmen" (Pedro García Sobrido, 1ºESO A)

1º PREMIO CATEGORÍA B: "Virar as tellas" (Zoe de Rojas Rozas, 4ºESO A)
2º PREMIO CATEGORÍA B: "Recordos entre as tazas de café" (Laura Tajes Pais, 4°ESO B)

POEMAS
1º PREMIO CATEGORÍA A: "Á Miña Terra" (Diego Amandi Vidal. 1ºESO D)
2º PREMIO: deserto

1º PREMIO CATEGORÍA B: "Ondas de lembranzas" (Lucía Molinos Carro, 4ºESO A)
2º PREMIO CATEGORÍA B:  dúas obras premiadas

• "Unha Historia de AquÍ" (Laura Tajes Pais, 4°ESO B)
• "Eu son eu" (Rut Busto Domínguez, 4ºESO D)

NOVAS TECNOLOXÍAS-PODCAST
1º PREMIO: "Hora dos cereais: encerrados pero conectados" (Lucía Molinos Carro, 4ºESO A, e Laura Tajes Pais, 4ºESO B)
2º PREMIO: deserto

CARTACES
1º PREMIO CATEGORÍA A: "As lavandeiras" (Ainhoa Ibarra Alarcón, 3ºESO C)
2º PREMIO CATEGORÍA A: "Redeiras, unha profesión invisible pero imprescindible" (Greta Otero Nogueira  3ºESO C)

1º PREMIO CATEGORÍA B: "Unha historia de aquí" (Violeta Fornés Rodríguez, 2º BACHARELATO)
2º PREMIO: deserto

Este último martes 30 de abril, o alumnado de 1º de bacharelato puidemos desfrutar dun día por Padrón e no Río Ulla, organizado polo departamento de Educación Física xunto a empresa Arrepións.

Comezamos a mañá facendo un xogo de pistas pola vila de Padrón grazas ao cal, pese a algunha que outra chuvieira, aprendimos un pouco da historia do lugar.

Despois diso, puxemos rumbo cara a área de recreo O Xirimbao, onde nos distribuímos por grupos para montar nas balsas cos monitores e lanzarnos ao río Ulla para facer rafting.

Había moitas correntes e rápidos, que facían o traxecto moi divertido. Ademais, os monitores deixáronos tirar á auga nalgún tramo do río e incluso deixarnos levar pola corrente.

Tivemos sorte e non choveu case nada o resto do día, sendo unha experiencia diferente e entretida que, sen dúbida, repetiríamos.

Ángela Amandi, Martín Faraldo, Aixira Pampín e Marta Míguez, 1º BACH

Preme na seguinte icona para ver todas as fotos

Alumnado de Deseño (2º Bach) participou na actividade "Estarcido contra o masacre do pobo en Palestina" reproducindo a obra do artísta palestino Khaled Hourani titulada "Atlas Subxectivo de Palestina".
Como xa avanza o título da actividade, a técnica empregada foi o estarcido con spray sobre parede. A secuencia de traballo foi a seguinte:

1. Separación das diferentes cores da imaxe a partir dunha fotografía da obra orixinal.
2. Vectorizado do contorno das diferentes masas de cor.
3. Creación das máscaras de reserva en fieltro coa cortadora laser.
4. Aplicación das diferentes capas de cor empregando spray sobre as máscaras adheridas á parede.

O alumnado participante nesta acividade quere así, unha vez máis, amosar a súa solidariedade co pobo palestino e deixar pegada do seu compromiso.

O traballo “Simulación computacional de la interacción de la magainina con modelos simplificados de membranas bacterianas y de mamíferos sanos” realizado por Mikel Escobar Díaz, Álvaro Francos Martínez e Unai Peral Fernández, alumnos do STEMBACH de 2º de Bacharelato, foi merecedor dun 2º premio na VI convocatoria do  Premio Stephen Hawking de xóvenes investigadores convocado polo IES Plurilingüe Rosalía de Castro.

Neste traballo o alumnado  a través de simulacións computacionais estudou o comportamento da Magainina, un péptido antimicrobiano natural  (AMP)  e a súa interacción coas membranas de bacterias e de mamíferos sanos, observando como  este AMP era capaz de penetrar mellor na  membrana bacteriana. Esta actuación selectiva pode permitir nun futuro a creación  antibióticos máis específicos e potentes, empregando como diana terapeútica a  propia membrana bacteriana.

En total presentáronse 54 traballos de estudantes de once institutos: nove galegos, un de Soria e outro de Madrid. Os traballos xiraban en torno a dous eixos: a figura de Amparo Alonso Betanzos e a súa contribución á Intelixencia Artificial; e a lenda desta edición: Intelixencias. A bioloxía e xeoloxía foron os eidos con meirande peso, pero tamén houbo representación en física e química, matemáticas, no ámbito tecnolóxico coa presenza da robótica, das ciencias sociais ou de índole artística.

É un verdadeiro orgullo para o noso centro contar con alumnado como Álvaro, Mikel e Unai, dende aquí queremos  darlle a noraboa a estes tres alumnos, así como agradecerlle a Rebeca García Fandiño e Fabián Suárez Lestón, pertecentes  ao Grupo de investigación de Química Supramolecular e Nanotubos Peptídicos. (CIQUS) a coordinación e supervisión de este excelente traballo. Memoria: "Simulación computacional de la interacción de la magainina con modelos simplificados de membranas bacterianas y de mamíferos sanos" Póster: Simulación computacional de la interacción de la magainina con modelos simplificados de membranas bacterianas y de mamíferos sanos

"Entregados os VI Premios Stephen Hawking, auspiciados pola investigadora do CITIC Amparo Alonso", Código Cero, S. P. 19 de abril do 2024

No IES de Brión sumámonos ás concentracións convocadas o venres, día 12 de abril nos centros educativos baixo o lema PAREMOS O MASACRE EN PALESTINA.

A comunidade escolar temos a obriga de actuar fronte á barbarie e actuar como o que somos, parte da sociedade civil, para presionar ós nosos gobernos co fin de parar este xenocidio. A LOMLOE, no seu primeiro artigo, afirma como un dos nosos principios “a transmisión e posta en práctica de valores que favorezan a liberdade persoal, a cidadanía democrática, a solidariedade, a tolerancia, a igualdade, o respecto e a xustiza”. O silencio, a equidistancia, ignorar o que está a suceder en Gaza é incompatible coa solidariedade, a xustiza e a cidadanía democrática.

Con este acto simbólico, quixemos mostrar que Gaza somos todas e todos. A súa dor é a nosa, a súa esperanza é o noso compromiso e solidariedade co pobo palestino.

ENLACES:

• VOZ DE GALICIA
• COPE

Un curso máis, os departamentos de orientación do IESP de Ames, IES de Brión e IES Xulián Magariños de Negreira celebraremos o vindeiro xoves 4 de abril a V Feira das Profesións coa presenza dun importante número de colaborades entre os que contamos con Universidades, CIFP, IES, CFEA, etc., así como con profesionais individuais de diferentes campos que achegarán ao noso alumnado o día a día das súas respectivas ocupacións.

O evento terá lugar no Pavillón deportivo de Brión e o horario será o seguinte:

• De 10 a 14 horas asistirá o alumnado de 4º de ESO e bacharelato dos tres centros educativos.
• De 16 a 18:30 horas poderá asistir todo o alumnado dos tres centros e dos centros da contorna que o desexen, de xeito libre e acompañado polas súas familias.
• Ás 18:30 horas terá lugar o acto de clausura, coa presenza das alcaldías dos tres concellos e as direccións dos centros organizadores. 

Gustaríanos animarvos a que vos achegásedes a visitar a exposición no horario de tarde co fin de que os vosos fillos e fillas poidan beneficiarse desta actividade en familia, facilitando e acompañando así a súa toma de decisións educativa e profesional.

Agardámosvos en Brión 

TRÍPTICO

Outro ano máis, o IES de Brión publica o cuarto volume do Libro de receitas saudables.

Accedendo ao libro poderedes ver unha escolma de receitas, vídeos e menús saudables e saborosos, deseñados e creados polo alumnado de 1º de Bacharelato do curso 2022-23.

Isto é o que nos din Maura Garea e Pablo Docasar, do traballo desenvolvido para facer este Libro de receitas saudables:

"Para fomentar unha alimentación saudable e variada elaborouse un libro de receitas onde se recollen menús propostos polo alumnado inspirados polo prato de Harvard.

Para isto constituíronse parellas ou grupos de traballo para realizar un menú ao seu gusto, que cumprise as premisas establecidas para obter o máximo aporte nutricional do alimento, e así conformar o libro de receitas.

A receita que realizamos nós foi unha tortilla francesa con queixo e cenoria, acompañada dunhas noces e tomate natural, un prato creativo que nos pareceu interesante e ademais nos aportaba todo o que precisabamos.

Así aprendimos que comer san non requería moito esforzo nin tempo, e o noso corpo agradeceránolo.

Facer este traballo resultounos moi entretido e educativo, e desfrutamos cociñando e comendo!

Animámosvos a levar a cabo algunha destas receitas!"

Premendo na portada do libro ou no arquivo adxunto, pódese ver ou descargar o libro.

No libro, premendo na icona de vídeos de youtube, accédese a cada receita.

No libro, premendo na icona de menú, accédese ao menú saudable completo.

• Para ver o Volume I do libro de receitas saudables, premer na seguinte icona:

• Para ver o Volume II do libro de receitas saudables, premer na seguinte icona:

• Para ver o Volume III do libro de receitas saudables, premer na seguinte icona:

Parabéns ao alumnado de 1º de Bacharelato polo traballo realizado!

COME BEN E SAUDABLEMENTE!

Alumnado de 4° de ESO e 1° de Bacharelato participou na Olimpíada de Xeoloxía celebrada en Santiago de Compostela o pasado mércores 7 de febreiro.

Parabéns a Julia Rama, gañadora do accésit de 4°, e a Pablo Vidal, gañador do 2° premio, acadando así o pase á fase nacional que se celebrará o vindeiro 13 de abril en Zamora.

Moito éxito!

O alumnado da Sección Bilingüe de Educación Física de 2º de ESO deséxavos un moi Feliz Aninovo 2024!

Our best wishes for the New Year 2024!