Events
Data: 16 de decembro.
Horario:
- 8:20-10:00 h, 1º CMXA e 1º CS AF.
- 10:15-12:00 h, 1º CM Carrozaría, 1º CM Mecánica.
- 12:20-14:00 h: 1º CM Informática.
Lugar: aulas dos ciclos dispoñibles.
Alumnado que participa: 1º CMXA, 1º CS AF, 1ºCM Carrozaría, 1ºCM EMV, 1ºCM SMIR.
Impartida por: voluntaria da Cruz Vermella. Cruz Vermella: asemblea comarcal do Baixo Miño.
Programa:
- Os primeiros auxilios: que son?
- A obriga legal e moral de socorrer.
- Actuación xeral ante unha situación de emerxencia: PAS.
- Técnicas de primeiros auxilios: práctica con boneco e material de primeiros auxilios.
- O traslado dunha persoa accidentada.
- Asfixias, emerxencias respiratorias: manobra de Heimlich.
- Hemorraxias, fracturas, lipotimias, epilepsia.
Organiza: Departamento de FOL.
Alumnado de Bioloxía e Xeoloxía e de Portugués de 4º de ESO realizaron unha actividade de campo na praia da Lamiña para determinar o seu perfil topográfico e estudar a súa biodiversidade vexetal. A actividade estivo guiada pola profesora de Portugués Marisa Guerra e o profesor de Bioloxía e Xeoloxía, Juan Hermida.
A actividade práctica enmárcase dentro das actividades complementarias do alumnado nas correspondentes materias así como no estudo que o Departamento de Bioloxía e Xeoloxía leva realizando nos últimos anos da desembocadura do río Miño ao abeiro do proxecto “Un mar de coñecemento” dentro dos contratos programa.
Nesta ocasión o alumnado determinou o perfil topográfico da praia, actividade que volverán repetir en primavera xa que o perfil topográfico das praias cambia ao longo do ano en fución das estacións meteorolóxicas. Así mesmo, realizouse un estudo da biodiversidade vexetal dos fenais, o que permitirá determinar as diferentes adaptacións das especies vexetais a este medio físico. O alumnado de Portugués, realizará un estudo das especies vexetais, a súa relación coa denominación en lingua portuguesa e a súa importancia etnográfica.
Os resultados destes traballos exporanse a final de curso para toda a comunidade educativa.
Data: 16 de decembro.
Horario:
- 8:20-10:00 h, 1º CMXA e 1º CS AF.
- 10:15-12:00 h, 1º CM Carrozaría, 1º CM Mecánica.
- 12:20-14:00 h: 1º CM Informática.
Lugar: aulas dos ciclos dispoñibles.
Alumnado que participa: 1º CMXA, 1º CS AF, 1ºCM Carrozaría, 1ºCM EMV, 1ºCM SMIR.
Impartida por: voluntaria da Cruz Vermella. Cruz Vermella: asemblea comarcal do Baixo Miño.
Programa:
- Os primeiros auxilios: que son?
- A obriga legal e moral de socorrer.
- Actuación xeral ante unha situación de emerxencia: PAS.
- Técnicas de primeiros auxilios: práctica con boneco e material de primeiros auxilios.
- O traslado dunha persoa accidentada.
- Asfixias, emerxencias respiratorias: manobra de Heimlich.
- Hemorraxias, fracturas, lipotimias, epilepsia.
Organiza: Departamento de FOL.
Esta tarde proxectouse no salón de actos do noso centro para o alumnado de Bacharelato e Ciclos superiores o documental 15 pesetas por frete, traballo de Estefanía Alonso. O filme trata o contrabando e o estraperlo na posguerra na nosa zona de fonteira, concretamente en Camposancos, unha práctica de comercio ilegal en tempos de miseria, malia que nas gamelas pasaban mercadorías legais e de primeira necesidade, como poden ser aceite, azucre, ovos ou penicilina.
Contaron co asesoramento histórico dos profesores Antonio Cernadas e Xavier Crespo, quen tamén aparecen como colaboradores directos.
O pasado 20 de decembro, no desenvolvemento do proxecto CORPO, celebrouse no salón de actos do centro un festival de danza para a inclusión a cargo da coreógrafa Sheila Loira. Coma sempre, participaron os cinco integrantes do proxecto (A Asociación Avelaíña para a axuda ás Persoas con Enfermidades Mentais, o CEE San Xerome Emiliani, CEIP e o IES A Sangriña e a Residencia Monte Tecla para A Terceira Idade).
Bailarinas e bailaríns desde 5 anos de idade ata máis de 80 presentaron as súas coreografías, froito da constancia e perseverencia amosadas nun obradoiro de danza desenvolvido ao longo do trimestre. Foron convidadas ao evento as familias dos bailarins, alumnado de 1º e 2º de ESO e profesorado do centro. Máis de 200 persoas gozaron dun festival inesquecible, cheo de emocións, ritmo e sentimentos.
Parabéns a todas e todos e felices festas!!
