Events
Co motivo do Día da Paz, a Bibliotegra do Miño ofrece unha escolma de libros sobre Dereitos Humanos, tratando temas como a muller, a guerra, a tortura, a falta de liberdade de expresión, a homofobia e distintas violacións dos dereitos elementais dos seres humanos. Podedes consultala no seu blogue, premendo aquí.
Retrato de Miguel Hernández, realizado no cárcere por Buero Vallejo.
"ELLA: Ese eres tú, y tú y tú. Yo soy tú, y tú eres yo. Todos hemos vivido y viviremos, todas las vidas.
Él: Si todos hubiesen pensado al herir, al atropellar, al torturar, que eran ellos mismos quienes lo padecían, no lo habrían hecho...Pensémoslo así mientras la verdadera respuesta llega."
EL TRAGALUZ, ANTONIO BUERO VALLEJO.
O pasado día 5 de marzo tivo lugar no IES A Sangriña o 1º curso contra incendios impartido á totalidade do alumnado de automoción. Nesta primeira edición, os alumnos contaron coa explicación de varios membros do corpo de bombeiros dos riscos e perigos que teñen á hora de realizar as diversas actividades de traballo e a maneira de poder evitalas ou facerlle fronte en caso de ocurrir.
O curso contou cunha duración de sete horas. Na sesión de mañá o alumnado puido asistir a unha clase teórica dos riscos de incendios, propagación, extinción e medidas preventivas. Nesta xornada analizáronse os distintos tipos de incendios, os distintos tipos de medios de extinción así como a análise previa á hora de producirse un lume non desexado. Tamén se expuxo cales son os perigos máis habituais no lugar de traballo e no fogar. Na sesión de tarde todos os alumnos de automoción pasaron á acción, e practicaron a extinción dun incencio real e manexaron os medios contra incendios usados xeralmente.
O mércores 6 de marzo de 2013, ás 16.30, proxectarase no Salón de actos do IES A Sangriña o documental A pegada ecolóxica do ser humano, dentro do Ciclo de cine medioambiental organizado polo Programa Comenius REGIO.
Imaxinemos que temos ante nós todo o que consumimos ao longo da vida. A cantidade de residuos xerados por ese consumo é brutal. Este documental analiza o consumo no mundo desenvolvido, desde o nacemento ata chegar a anciáns, a través dunha ilustración visual do impacto que supón cada persoa sobre o resto da poboación e do planeta.
