Skip to Content

Events

« Domingo Maio 01, 2011 »
Dom
Alumnado de intercambio de Ronne (DK) e Terni (IT) visitan A Guarda A semana do luns 25 de abril ao martes 3 de maio alumnado de intercambio dos institutos de Terni, Italia e Ronne, Dinamarca visitan o IES A Sangriña e a súa contorna. Realizando unha serie de actividades entre as que destacan a de piragüismo, visitas a Santiago, o monte Tegra e as illas Cíes. 5ª Mostra de Teatro do Miño. Programación Start: 26/04/2011 19:00 End: 01/05/2011 21:30 Informática para pais e nais III Alumnado do IES proclámase campión de España no LXVIII campionato de bateis Start: 01/05/2011 00:00 O pasado Domingo 1 de Maio, celebrouse na cidade de Ferrol o LXVIII campionato de España de bateis, no que competiron as comunidades de Galicia, Euskadi, Asturias e Cantabria. Na categoría de xuvenís feminas, a tripulación guardesa composta por Silvia Loureiro Lomba, Cristina Araújo Acevedo, Laura Lomba González, Ángela Castro Álvarez, Silvia Pérez Rodríguez, Carla Pombal Domínguez e como timonel Iván Verde Martínez, proclamouse campiona de España, aínda que é importante dicir que gañaron nunha boia que se atopába desprazada 8 metros cara atrás con respeto ás outras, que fan un total de 32 metros máis que esta tripulación tivo que remar. Nesta boia a embarcación guardesa foi a única do campionato que se proclamou vencedora. O equipo das xuvenís do C.R. Robaleira xa conseguira o ano pasado o campionato galego e o subcampionato de España, e este ano conseguiron ser vencedoras no territorial, gañadoras do campionato gaelgo, e por suposto o 1º posto no campionato de España. O equipo de infantís deste club tamén acadou o segundo posto no campionato galego e a medalla de bronce no campionato de España. Noraboa a todo o equipo e noraboa ao C.R.Robaleira, por deixar a tan alto nivel o deporte guardés e á vila de A Guarda, esperamos que sigades con estes grandes logros! 5 MT: reportaxes das pezas do IES Vilar Ponte, Viveiro e RRHH d´O Aturuxo de Melpómene, Narón.Acto de peche Start: 01/05/2011 16:00 End: 01/05/2011 23:00 O 1 de maio, pechouse a 5ª MOSTRA DE TEATRO DO MIÑO no IES A Sangriña. Durante estes días, numeroso público tivo a ocasión de asistir ás representacións que se ofreceron en Goián, O Rosal e A Guarda. Todas as obras seleccionadas para esta Mostra, aínda sendo de teatro amador, deixáronnos impresionados pola súa extraordinaria calidade con traballos interpretativos dignos dos mellores actores e actrices do teatro e cine profesional. O sábado tivemos ocasión de ver OS PECADOS CAPITAIS, do grupo Gargallada, do Barco de Valdeorras, que foi representada no auditorio d’O Rosal. Tamén A VISITA DA VELLA DAMA, de Vichelocrego Teatro, de Gondomar, no auditorio de Goián. O domingo tivemos unha variada oferta, que comezou ás catro da tarde no auditorio de Goián, onde o alumnado do IES A Sangriña ofreceu, fóra de concurso, a obra A RAÍÑA CATARINA E AS SÚAS FILLAS, baseada na adaptación de Eduardo Alonso e Cándido Pazó do REI LEAR de Shakespeare. A continuación puidemos asistir ás AVENTURAS E DESVENTURAS NO CAMIÑO DE SANTIAGO DA PRINCESIÑA SOCORRO, O TROBEIRO CAROLO E O DEMO DOS CORNOS no auditorio d’O Rosal. A obra que pechou a Mostra foi RRHH (O MÉTODO), que representou n’A Sangriña o grupo de Narón O Aturuxo de Melpómene. No acto de peche ofrecéronnos actuacións musicais alumnos e alumnas do IES A Sangriña cos profesores Alfredo Garrido e Nuria Vázquez. Tamén as pandeireteiras SAE A LÚA nos deleitaron con varias das súas cántigas. Finalmente, o alcalde da Guarda, José Manuel Domínguez Freitas anunciou o nome da obra que recibiu este ano o premio do público: AVENTURAS E DESVENTURAS NO CAMIÑO DE SANTIAGO DA PRINCESIÑA SOCORRO, O TROBEIRO CAROLO E O DEMO DOS CORNOS, do IES Vilar Ponte de Viveiro.

Add to iCalendar