Skip to Content

Con pelos na lingua

Mar, 12/02/2019 - 15:30

Hoxe o alumnado de 2.ºESO asistiu a un clásico da nosa dramaturxia contemporánea: Pelos na lingua, coa que a compañía de teatro Talía leva anos polos escenarios galegos. Unha boa maneira de achegarse aos prexuízos lingüísticos contido importante deste curso.

Pelos na lingua

Pelos na lingua

III Congreso da Axencia Espacial Escolar Galega NOSA

Lun, 11/02/2019 - 19:42

O alumnado do club de ciencias e do StemBach asistiu o día 11 de febreiro ao III Congreso da Axencia Espacial Escolar Galega NOSA celebrado no IES Miraflores de Oleiros.

Congreso NOSA

A tradición indica que os centros participantes neste proxecto (ademais do citado, o CPI O Cruce de Cerceda, así como os IES Maruxa Mallo de Ordes, Marco do Camballón de Vila de Cruces, Ferrol Vello desa localidade e o noso Arcebispo Xelmírez II de Santiago) van organizando por turno o congreso de cada ano.

Esta edición estivo amadriñada pola escritora Marilar Aleixandre. O desenvolvemento do Congreso consistiu, como vén sendo habitual, na presentación dos resultados do lanzamento da sonda espacial e os experimentos instalados na mesma (nesta edición correspondían á misión Marumasat III) e a comunicación dos obxectivos científicos que se pretenden lograr na seguinte edición.

Visita ao observatorio astronómico da USC (Campus Sur)

Ven, 08/02/2019 - 20:17

O alumnado de StemBach visitou o Observatorio Astronómico Ramón María Aller, no que Pedro Pablo Campos, investigador no centro, exerceu de guía e explicou en detalle a estrutura do observatorio, as principais liñas de investigación coma o estudo de sistemas de estrelas dobres, e outros programas nos que colaboran.

Os estudantes puideron realizar unha visita ás instalacións e coñecer diverso material de medida utilizado polos investigadores nas súas tarefas.

Coma complemento a esta visita, os alumnos desfrutaron dunha sesión de observación dende o telescopio principal do observatorio, e que por mera casualidade rematou na observación en directo da caída dun bólido polo nordeste do ceo nocturno, complemento perfecto á visita realizada.

O encéfalo humano

Xov, 07/02/2019 - 19:15

O día 7 de febreiro visitounos a profesora titular da Universidade de Santiago Jannette Rodríguez Pallares,  realizou cos alumnos do STEM bach a actividade teórico -práctica : O encéfalo humano na saúde e na enfermidade.

Jannette e o seu equipo busca estratexias terapéuticas para a enfermidade de Parkinson. Falou cos nosos alumnos sobre esta enfermidade, o que se sabe dela e as liñas de investigacións nas que ela e o seu equio está a traballar. O alumnos puideron observar ao microscopio mostras de roedores con lesións da enfermidade de Parkinson.

 O encéfalo humano

Pódense ver fotos na seguinte ligazón Fotos

Visita a empresa Cultigar

Xov, 07/02/2019 - 19:00

O día 7 de febreiro os alumnos de cuarto da ESO da Materia de Bioloxía e Xeoloxía visitaron a empresa Cultigar. Alí nos ensinaron todas as súas instalacións e nos explicaron as investigacións e os traballos que realizan. Cultigar é un laboratorio ubicado no Concello de Brión adicado a Biotecnoloxía Vexetal, no que se  fai investigación e desenvolvemento tecnolóxico no campo da produción, cultivo e calidade sanitaria de difentes especies vexetais.

Puidemos ver os seus laboratorios, donde nos explicaron cómo realizan o cultivo in vitro de diferentes especies vexetais, despois obsevamos esas plantas nos seus viveiros. Recibimos una excelente atención e nos obsequiaron con exemplares de camelia olorosa.

Cultigar

Práctica STEM bach. Extracción ADN

Mér, 06/02/2019 - 13:04

Dentro das actividades do STEM bach o departamento de Bioloxía e Xeoloxía preparou unha práctica de illamento de ADN procedente de tecidos vexetais e animais. O ADN é  a molécula máis valiosa da célula, encárgase de cifrar e almacenar toda a información necesaria para que unha célula adopte unha determinada morfoloxía e fisioloxía. Todo o que somos está almacenado  na secuencia de nucléotidos que compoñen as  moléculas de ADN, que a súa vez forman os cromosomas.

Na  práctica que realizaron os nosos alumnos,  comprobaron o efecto de diferentes compostos químicos e tratamentos físicos para a extracción e purificación do ADN de tomate, feixón e mucosa bucal.

"Boa vida, boa morte".

Mar, 05/02/2019 - 12:03

Charla de Rafael Martínez Castro sobre o dereito a unha morte digna.

Dirixida a alumnado de Valores éticos 3º y 4º. Filosofía 4º. Psicoloxía 2º Bach

A casualidade quixo que fora o 5 de febreiro o día no que Ramón Sampedro - o primeiro cidadán español en solicitar a eutanasia- tería cumplido, contra a súa vontade, 76 anos. Sampedro- quen inspirou o filme de Alejandro Amenábar "Mar adentro"- solicitou unha e outra vez ante os tribunais a asistencia necesaria para unha morte digna. Denegáronllo sempre alegando o dereito á vida, a unha vida que el considerou que perdera aos 25 anos despois dun accidente na praia das Furnas que o deixou tetrapléxico.

A alumna do noso centro, Lucía Riveiro, plata na Copa de España de judo

Mar, 05/02/2019 - 00:49

EN SANTIAGO El pabellón compostelano del Restollal acogió ayer la XI Copa de España de Judo de la categoría infantil con la presencia de más de 300 inscritos. Los judokas gallegos consiguieron un total de 16 medallas tres de ellas de oro, siete de plata y seis de bronce), entre las que destacó la de la compostelana Lucía Riveiro, del Compostela Judo Club, que consigue el segundo podio consecutivo en este campeonato nacionao. La santiaguesa se colgó la medalla de plata en la categoría de +63 kilos. El resto de la expedición anfitriona no pudo luchar por las preseas. Además de con sus deportistas, el Compostela Judo Club colabora esta cita que finaliza en la jornada de hoy con la disputa del Campeonato Gallego júnior, aportando voluntarios y jueces.

Visita ao Aquarium Finisterrae

Mér, 30/01/2019 - 19:48

Os alumnos de 1º da ESO na materia de Bioloxía e Xeoloxía  desplazáronse o día 30 de Xaneiro ata o Aquarium Finisterrae, para observar in situ características  de organismos vertebrados e invertebrados  que previamente estudamos na aula, para iso nos días previos á visita  repasamos as características dos principais invertebrados e vertebrados acuáticos, morfoloxía externa, sistemas de respiración, aparato dixestivo…. E tamén realizamos unha disección dun peixe óseo no noso laboratorio para observar os órganos internos.

Pódense ver máis fotos na seguinte ligazón Fotos

Xornada de portas abertas

Mér, 30/01/2019 - 19:39

O vindeiro xoves 31 de xaneiro ás 18:30 h terá lugar a xornada de portas abertas que o IES Arcebispo Xelmírez II organiza para informar sobre o proceso de admisión de alumnado para o curso 2019-2020, con percorrido polas instalacións do centro e descrición da oferta educativa do mesmo.

Golf para principiantes: Santi Tarrío

Mér, 30/01/2019 - 19:23

O mércores 30 de xaneiro tivemos a inmensa sorte de recibir a un dos mellores xogadores de golf de Galicia: Santi Tarrío. E dun xeito moi ameno e divertido foinos explicando en que consistía un deporte que foi levando ao xogador de Touro por medio mundo. E, o mellor de todo, tivemos tempo e ocasión de practicalo dando uns golpes sobre o escenario do salón de actos. Daquela só nos queda agradecerlle que se achegara ata o centro para darnos a coñecer un deporte que semella moito máis divertido e interesante do que pensabamos.

https://youtu.be/Gg2tcFvz-nU

Charla de Coordinación Autonómica de Transplantes

Mar, 29/01/2019 - 21:16

Geny, Lola e Marta

O alumnado de 2bach tivo unha charla, o martes 29 de xaneiro de 2019, organizada pola Coordinación Autonómica de Transplantes. Marta Álvarez Vázquez, enfermeira especializada nesa área explicoulle ao alumnado toda parte "técnica" que rodea aos transplantes, ámbito no que España é referencia mundial.

Tamén adentrouse nos aspectos sociais, culturais e psicolóxicos que rodean a este acto que non é só un acto médico, senón un acto de xenerosidade e soliedariedade.

Lola e Geny, dúas mulleres que tiveron que recibir un transplante relataron como foi que chegaron a necesitar un órgano novo, como foi a recuperación da intervención e como é o seu día a día hoxe.

Visita aos ciclos formativos do CIFP Politécnico de Conxo e do CIFP Compostela

Mar, 29/01/2019 - 19:07

O día 29 de xaneiro participamos cos alumnos e alumnas de 4º de ESO e 1º de Bacharelato na xornada de portas abertas do CIFP Politécnico de Conxo e do CIFP Compostela de Santiago de Compostela.

O obxectivo desta visita foi:

  • Información sobre as diferentes familias profesionais que se imparten nos dous centros  tanto do sistema LOE como LOMCE
  • Acceso aos ciclos medios e superiores
  • Viveiro de empresas
  • Proxectos de FP Dual.

A visita foi coordinada por Vicedirección e Departamento de Orientación. Acompañaron aos alumnos e alumnas Mª José – coidadora do centro , Elisa e Cruz – membros do Departamento de Orientación.

Os alumnos e alumnas desfrutaron dunha sesión moi interesante que rematou cunha comida no CIFP Compostela , servida polos alumnos e alumnas do primeiro curso de FP de Grao Medio do ciclo de cociña e restauración.

Conferencia "Érase unha vez a Matemática Industrial"

Xov, 24/01/2019 - 20:46

Enmarcada dentro das actividades do STEMBach, o alumnado de 1.º de bacharelato asistiu o 24 de xaneiro á conferencia "Érase unha vez a Matemática Industrial" impartida pola profesora do departamento de Matemática Aplicada da USC María Elena Vázquez Cendón, esta profesora tamén é membro do Instituto Tecnolóxico en Matemática Industrial (ITMATI), do Instituto de Matemáticas (IMAT) e do Consello da Cultura Galega, ademáis de ser a actual decana da Facultade de Matemáticas. 

Charla Eduemprende

Xov, 24/01/2019 - 19:02

O xoves 24 de xaneiro tivo lugar no IES a charla Eduemprende dirixida ao alumnado que cursa economía, de 4º ESO, 1º e 2º BACH, que forma parte do programa do Plan Eduemprende da Consellería de Educación, Universidade e Formación Profesional.

Na primeira parte María Traveso, representante do IGAPE, falou da posibilidade de que nun futuro o alumnado crease a súa propia empresa, a partires dunha idea, e do asesoramento, viveiros, e axudas económicas ao seu alcance no IGAPE.

Na segunda parte foi Maite Vence, quen lles relatou a súa experiencia como creadora de OBSERVER Turismo Científico, unha spin off da USC moi innovadora en proceso de expansión.

O finalizar os alumnos participaron preguntando dúbidas e ampliando a información.

Distribuir contido


by Dr. Radut