IES Arcebispo Xelmírez II |

Calendario Setembro 2019

Mér, 24/07/2019 - 14:27

No arquivo adxunto está o calendario de setembro (exames, entrega de notas, revisión de notas, matrícula,...)

1 adxunto

Fondo solidario de libros. Listaxes provisionais

Mér, 10/07/2019 - 10:54

Con data 10/07/2019 publícanse as listaxes provisionais do fondo solidario de libros para o curso 2019/2020.

O prazo para presentar reclamacións ó dito listado finaliza o venres 12 de xullo.

1 adxunto

Exames de setembro. Curso 2018-2019

Mér, 03/07/2019 - 12:10

Xa se poden consultar os horarios dos exames de setembro no arquivo adxunto.

1 adxunto

Libros de texto 2019-2020

Xov, 27/06/2019 - 19:03

Os libros de texto para o curso 2019-2020 son os que figuran no seguinte enlace. Tamén se poden consultar no submenú de Secretaría na parte esquerda da páxina.

Libros de texto

Nota: Corrixíuse o ISBN do libro de Historia do Mundo Contemporáneo de 1º de Bacharelato.

Matrícula. Curso 2019-2020

Mar, 25/06/2019 - 13:45

Alumnado que estivo matriculado no IES "A. Xelmirez II" durante o curso 2018/2019.

Alumnado que se matricula no IES "A. Xelmirez II" por primeira vez.

Calendario ordinario de matrícula para o curso 2019-20

Mar, 25/06/2019 - 12:47

Aínda que o prazo ordinario de matrícula para ESO e Bacharelato é dende o 25 de xuño ao 10 de xullo, o centro establece para cada nivel educativo os seguintes días preferentes de matrícula:

Nivel	Datas
1º ESO	25-26-27 de xuño
2º ESO	28 de xuño e 1 de xullo
3º- 4º ESO	2-3 de xullo
1º BAC	4-5 de xullo
2º BAC	8-9 de xullo

Ler máis

A NOSA corrobora a teoría de Einstein sobre a relatividade

Ven, 21/06/2019 - 20:13

A NOSA

SANTIAGO / A VOZ 21/06/2019 05:10 H

Ler máis

Visita ao museo arqueolóxico da Terra Santa e a exposición Leonardo Da Vinci

Ven, 21/06/2019 - 20:08

O sábado 22 de xuño realizouse unha visita ao museo arqueolóxico da Terra Santa e a exposición Leonardo Da Vinci, aberta a toda a comunidade educativa: profesorado, persoal non docente, alumnado e familias.

Festa para rematar: DJ Suso Flores

Ven, 21/06/2019 - 17:21

E para rematar as actividades deste curso, estivo connosco Suso Flores un dos DJs máis reputados nas salas londinienses que fixo unha escapada para achegarse ata o noso centro. O compositor de Techno para meniños deixounos unha boa mostra da súa profesionalidade e do seu traballo nun set que preparou para a ocasión. Aquí unha foto xusto nos inicios.

Presentando a música de Vudú

Xov, 20/06/2019 - 18:24

O xoves 20 de xuño xa en plena recta final de curso tivemos a inmensa sorte de recibir no noso centro a Belém Tajes e Maritxinha, as dúas integrantes de Vudú. Grazas á colaboración da Fundación Paideia coñecemos o seu traballo musical baseado na tradición pero que tenta chegar a un público o máis diverso posible. Marabilla.

Mención especial no “IX Concurso Incubadora de Sondaxes e Experimentos”

Mar, 18/06/2019 - 19:12

Un grupo de catro alumnos e alumnas de 2º da ESO do noso centro acaba de recibir unha MENCIÓN ESPECIAL no “IX Concurso Incubadora de Sondaxes e Experimentos” organizado pola Sociedade Galega para a Promoción da Estatística e Investigación de Operacións (SGAPEIO) na Categoría: 1º- 2º da ESO.

A nosa participación foi cun proxecto chamado: “Hai violencia ou acoso escolar no meu instituto?”

O martes 18 de xuño fomos á entrega de premios que tivo lugar na facultade de Matemáticas da Universidade de Santiago (USC), onde disfrutamos da exposición dos traballos finalistas, dun pequeno ágape e compartimos sensacións cos demáis premiados.

Pódense ver fotos na seguinte ligazón Fotos

Ligazón ao facebook de SGAPEIO

Calendario de fin de curso 2018-19

Mar, 18/06/2019 - 15:11

Achegamos no ficheiro adxunto o calendario de fin de curso 2018-19, onde se concretan as datas de avaliacións, reclamacións e as datas preferentes de matrícula para os distintos niveis.

1 adxunto

Coa lingua na BBC

Lun, 17/06/2019 - 16:03

O luns 19 de novembro de 2018 visitounos no centro a xornalista galega da BBC Inma Gil. Podedes recordalo aquí. E como auténtica activista galega en Londres, lanzoulle como reto ao alumnado de 1ºBACH a posibilidade de que incorporaramos subtítulos a algúns dos vídeos do proxecto BBC Ideas que coordina para o medio inglés. E velaquí vos deixamos a primeira mostra. Activádelle os subtítulos en galego e a desfrutar. Grazas Inma pola idea e grazas Ana e rapazada; agardamos poder ampliala.

Tres centros escolares de Trabada, O Bolo e Santiago gañan o concurso ‘Faite eco do lóxico’

Lun, 10/06/2019 - 20:31

Estudantes de 1.º de ESO do noso centro obtiveron o premio da categoria de secundaria no concurso ‘Faite eco do lóxico’ organizado polo Consello Regulador de Agricultura Ecolóxica de Galicia (CRAEGA), participaron co título Consome ecolóxico, no que relatan nun vídeo as características deste tipo de produto e o seu sistema de produción.

Enlace á páxina de CRAEGA