Skip to Content

English week

English week

31/10/2019 05:00 H

Vinte e cinco estudantes de primeiro de ESO do IES Arcebispo Xelmírez II están a participar na actividade de inmersión lingüística English Week, que convoca a Consellería de Educación, e que se desenvolve nos Peares con profesorado nativo.

Ler a nova en La Voz de Galicia

Alumnado de 1º de ESO participa na English Week

Esta semana, do 27 de otubro ao 2 de novembro, 25 alumnos e alumnas de 1° de ESO do IES Arcebispo Xelmírez II están participando na actividade de inmersión lingüística English Week, que convoca a Consellería de Educación. Desenvólvese en Os Peares, no Centro de Inmersión Lingüística ubicado no antigo poboado dos traballadores do encoro dos Peares, con profesorado nativo. Ao longo das xornadas realízanse diferentes obradoiros centrados no medio ambiente, e actividades lúdicas tamén en inglés. O IES Xelmírez II é o único centro do concello de Santiago seleccionado na edición deste ano da English Week. O alumnado participante forma parte da sección bilingüe en inglés na materia de Educación Plástica, Visual e Audiovisual que se implantou este curso escolar con máis de 40 estudantes.

English Week

Visita á exposición: Química para un mundo mellor

A Real Academia Galega de Ciencias (RAGC) preparou unha exposición acerca do importante papel da química no mundo contemporáneo, que se puido visitar en Fonseca durante o mes de outubro.

Nela, case 20 paneis estaban adicados a diferentes campos nos que a química ten importantes aplicacións e nos que empresas galegas desenvolven investigacións e traballos de alto nivel: os bioplásticos, aplicacións médicas e farmacolóxicas, novos combustibles, usos e aplicacións da química na agricultura, as nanopartículas ou a potabilización da auga foron algunhas das temáticas desenvolvidas.

O IES Arcebispo Xelmírez II acudiu a visita o martes 29 de outubro cos grupos 1.º A e 1.º B de bacharelato científico.

Pódense ver fotos na seguinte ligazón Fotos

Charla: Pracer e sexualidade

Un curso máis, e gracias ao consello das anteriores xeracións, a psicóloga e sexóloga Noa Tilve, de Quérote+, charlou co alumnado da materia de Psicoloxía (2BACH) o día 29 de outubro de 2019, sobre aspectos da sexualidade que van máis aló do meramente anatómico, do ámbito da protección fronte ás ETS ou dos embarazos non desexados.

Pracer re sexualidade

 A charla foi moi interesante porque abordou aspectos sobre os que os adolescentes o xoves non “saben” ou non “teñen” con que falar dun xeito franco, empático e sen vergoña. Ante todo falouse de respecto, de tolerancia, de autocoñecemento, e de comunicación.

Quérote + e Noa Tilve aceptaron inmediatamente a petición do alumnado.

Dado o alto grao de satisfacción que ten esta charla, dende o Departamento de Filosofía pensamos que o próximo curso imos ter que repetir a petición.

Os Dardos de Xoana

Luns 21 de outubro foi o día escollido por Xoana para presentar no noso centro, grazas ao apoio da Fundación Paideia, o seu disco Dardos. A verdade é que nos deixou sen alento coa súa profesionalidade sobre o escenario no que interpretou algúns dos seus temas máis coñecidos; temas nos que a protesta e a reivindicación están presentes xunto con outros máis intimistas e sempre nunha lingua moi traballada e impecable. Despois de escoitala non nos estraña nada que fora finalista en sete categorías nos últimos premios MIN de música. Brava

Barahúnda e Guadi Galego entusiasmaron coas músicas dos seus últimos traballos

Guadi

J. G.

SANTIAGO / A VOZ 19/10/2019 05:00 H

O grupo Barahúnda e Guadi Galego entusiasmaron ao público da cidade que asistiu á presentación dos seus últimos traballos. Barahúnda fíxoo na librería Pedreira e a intervención de Guadi Galego foi o primeiro acto na nova biblioteca do IES Xelmírez II.

Barahúnda xurdiu hai anos en Madrid, integrado por Helena de Alfonso e José Lara. Ambos os artistas trasladáronse fai dez anos para Rianxo e Onde ven o mar, que presentaron antonte na cidade, é o seu segundo traballo en galego.

Arranca a actividade do Club de lectura de igualdade e xénero

O Club de Lectura de Igualdade e Xénero iniciou a súa andaina coa asistencia, o pasado venres 18 de outubro, á representación da obra Elisa e Marcela, a cargo da compañía A Panadaría. Ao finalizar a función tiramos esta fotografía, que non retrata a todas as persoas que asistimos, pero que sen dúbida nos representa en conxunto, pois nela están capturadas a xenerosidade dunhas actrices inmensas, as risas dun anaco de tempo descontraído e as cores vivas do amor libre. 
O camiño cara á igualdade é longo... pero temos os pés preparados!

Elisa e Marcela

Guadi Galego e Pepe Cunha: pola beira da canción

Hoxe na nosa nova biblioteca tivemos o primeiro acto: a presentación do libro Pola beira da canción de Pepe Cunha, (do portal galego de comunicación musica, Ábrete de orellas) sobre a carreira artística de Guadi Galego, tipo de libro que supón unha novidade na nosa bibliografía.

E para celebralo contamos coa presenza tanto da artista como do escritor que nos debullaron o contido do libro e, sobre todo, falaron de música con preto de 70 alumnas e alumnos de 3ESO e 1BACH. Un auténtico luxo. E grazas tamén a Iria que preparou esta presentación onde lembramos a súa actuación no noso centro hai un par de anos acompañada por alumnado.

Por certo, a partir do 25 a disposición de todos o seu novo traballo "Inmersión" que se presentará nas principais cidades e vilas galegas.

14 de outubro: Día das Escritoras

O pasado 14 de outubro celebramos no centro o Día das Escritoras.

O Día das Escritoras é unha conmemoración promovida pola Biblioteca Nacional de España xunto coa Federación Española de Mulleres Xestoras, Executivas, Profesionais e Empresarias (FEDEPE) e a Asociación Clásica e Moderna que, desde 2016, busca reivindicar o traballo e o legado das escritoras ao longo da historia a partir da lectura de fragmentos representativos das súas obras. Unímonos a esta iniciativa coa lectura de fragmentos durante o primeiro recreo por parte do alumando do centro na entrada do centro. Ademais os textos relacionados foron expostos na entrada do centro e na Biblioteca contamos cunha selección de libros de Literatura Xuvenil con selo de muller.

Día das Escritoras

Pódense ver fotos na seguinte ligazón Fotos

DELF ESCOLAR 2019

Parabéns ao alumnado que se presentou á convocatoria do DELF ESCOLAR 2019 nivel B1! 100% de aprobados!

 

Crick to game: videoxogo en galego

O pasado venres 11 de outubro o alumnado de 3ESO e o de Programación de 2ºBACH tivo a sorte de coñecer de primeira man como se crea un videoxogo. Para iso contamos no centro coa presenza de  Nicolás Casal de Fosfatina Studios e de Miguel Areán de Polygon.e Studios onde se elaborou Cricktogame o primeiro xogo galego e en galego para Nintendo Switch. Sen dúbida, un ámbito que empeza a coller pulo en Galicia, sobre todo, coa apertura do grao de Creación dixital.

Visita á biblioteca dos alumnos de 1.º ESO

Os alumnos e alumnas de primeiro curso visitaron a biblioteca do centro nunhas sesións orientadas á formación de usuarios. Con estas visitas preténdese que os novos alumnos e alumnas coñezan a situación da biblioteca, os materiais dos que dispón e a súa organización espacial, o sistema de clasificación e ordenación, os servizos que ofrece (sala, empréstito a domicilio, acceso a internet, etc.). 

Tamén se mostrou o catálogo on-line do Proxecto Meiga e como procurar materiais nel, para logo localizalos autonomamente na sala.

Visita biblioteca

Sesión STEM: Laboratorio de química

Na sesión do 3 de outubro traballamos no laboratorio de química. En primeiro lugar, visualizamos unha presentación para introducir o concepto de pH, e a súa aplicación a disolucións.

A continuación, o alumnado STEM realizou diversas prácticas de estimación e medición do pH en produtos habituais nas nosas casas e en diferentes disolucións. Finalmente, levaron a cabo unha valoración de disolucións de HCl de concentración descoñecida a partir de disolucións de NaOH de concentración coñecida.

Empezamos con morcegos

Este ano empezamos as actividades do EDL falando de ciencia co alumnado de 1ESO, en concreto, dos morcegos de Galicia. Para isto, contamos coa presenza do biólogo Manuel Arzúa da Asociación Drosera que nos achegou moita e interesante información sobre a tipoloxía, hábitat e gran funcionalidade dos nosos morcegos. Dende logo que foi marabilloso escoitar a este especialista que deixou o alumnado con moitas preguntas que facerlle por falta de tempo. Terá que volver.

Reunións de acollida nais e pais

Reunións cos titores e titoras, co departamento de orientación e equipo directivo

Luns 30 de setembro ás 19.30h: familias do alumnado de 1º da ESO

Martes 1 de outubro ás 19.30h:  familias do alumnado de 2º da ESO

Mércores, 2 de outubro ás 19.30h: familias do alumnado de 3º e 4º da ESO

Xoves, 3 de outubro ás 19.30h, familias do alumnado de 1º de Bacharelato

Xoves, 3 de outubro ás 19.00h, familias do alumnado de 2º de Bacharelato

Distribuir contido


by Dr. Radut