O venres día 15 de marzo en horario de 12:30 a 14 horas, antigos alumnos do centro participaron nunha charla coloquio cos alumnos de 2.º de bacharelato.

Falaron das dúbidas que tiveron cando cursaron 2.º de bacharelato cara a ABAU e cara a toma de decisións posteriores, sobre o desenvolvemento da ABAU de forma construtiva, sobre os aspectos a destacar de cara a matrícula nos diferentes graos no sistema universitario galego (prazos, preferencias,...), da conexión que se establece entre os contidos adquiridos no Bacharelato e a titulación que estudan, dos prexuizos sociais presentes aínda na actualidade á hora de elixir os diferentes graos e profesións e dos obstáculos ao inicio das diferentes carreiras ou Ciclos e, como cada quen os foi resolvendo.

Agradecemos a súa presencia nesta actividade por considerar que as súas experiencias poden ser de moita axuda para os seus compañeiros.

O alumnado do STEMbach visitou o día 7 de marzo a Facultade de Matemáticas. Recibiunos a decana da facultade, Elena Vázquez Cendón, e asistiron a un par de charlas do programa "Matemáticas: habelas hainas, seguimos contándochas!" que intenta achegar, dun xeito desenfadado e sinxelo, para que se empregan e que son as Matemáticas:

Hoxe inauguramos  na nosa canle de youtube unha lista de vídeos con receitas elaboradas pola rapazada. Nos perdades as receitas máis vangardistas do momento e dignas de calquera gran restaurante.

CociñaX2

O pasado luns 25 de febreiro visitou o noso centro o doutor enxeñeiro de camiños Alberto Varela García, profesor colaborador doutor a tempo completo na Universidade da Coruña (UDC), no departamento de enxeñeiría cartográfica, xeodésica e fotogramétrica.
Nesta ocasión, impartiu unha interesante conferencia na que nos falou da importancia histórica do mapa, o seu desenvolvemento ao longo do tempo, e contou divertidas anécdotas relacionadas con algúns mapas e cartógrafos. Nunha segunda parte, explicou a súa importancia na sociedade actual, así como diferentes empregos profesionais e particulares que se lles poden dar aos mapas no contexto das novas tecnoloxías, con especial énfase na cartografía colaborativa de código aberto e as numerosas investigacións científicas e aplicacións da enxeñeiría nas que o emprego de mapas dixitais é relevante.

Saida o concerto didactico PANGEA o dia 21 e 22 de febreiro de 2019, no auditorio de Galicia con alumnado de 1º e 2º de bacharelato, coa profesora de música Carmela Cobo. Neste concerto tivemos a sorte de coñecer "In situ", a organización e os distintos instrumentos que compoñen unha da mais grande agrupación instrumental, coa orquesta Filharmonia de Galicia, asi como a actuación de Abrahan Cupeiro multiinstrumentista de instrumentos perdidos no tempo, que utiliza para sacar novas sonoridades. O nome de Pangea refírese o único continente que había hai 200 millóns de anos. A interpretación transcurre  con sons dende Oceanía, montañas chinas, norteamerica, Africa, paises con un variado, curioso e singular trato de pezas e instrumentos que deixaron de soar no tempo.

Publicada no diario oficial de Galicia (DOG) do día 21 de febreiro de 2019 a Resolución do 11 de febreiro de 2019, conxunta da Secretaría Xeral de Universidades e da Dirección Xeral de Educación, Formación Profesional e Innovación Educativa, pola que se ditan instrucións para a realización, dentro do curso 2018/19, da avaliación de bacharelato para o acceso á universidade (ABAU) para o curso 2019/20.

A inauguración da mostra “Santiago 1936” foi un evento de grande interese. O alumnado presente (2BACH e 2ESO) puido escoitar palabras que iluminaron as fotos, as portadas dos periódicos, os carteis anunciadores ou reivindicativos que están no vestíbulo do instituto.

No vestíbulo, entre os paneis da mostra escoitaron moitas palabras. As palabras, sempre as palabras. As palabras que teñen que estar por riba do asubío das balas, por riba do ruído das patadas e puñadas, por riba do ruído da terra caendo sobre as fosas dos corpos das persoas asasinadas.

Dende o grupo HISTAGRA quíxose construír un novo relato do sucedido en Santiago despois  do golpe de Estado de 1936, nese momento no que se empezou a deixar atrás unha República democrática para ir cara unha Ditadura pasando por unha Guerra Civil.