Seguimos na loita...

Aínda que seguimos traballando contidos interdisciplinarmente con varias materias e niveis diverxentes, decantámonos por seguir reforzando contidos en 1.º da ESO. Algúns destes alumnos e alumnas contaron cunha charla sobre o tratamento de violencia de xénero na publicidade e nos medios audiovisuais, a cargo de persoal especializado. Esta charla non saiu como deseñamos e a docente de Lingua Galega e Literatura, ao ser experta en audiovisuais, considerou que era necesario dedicar varias sesións da súa materia para explicar pormenorizadamente conceptos e dúbidas mediante exemplos que facilitasen a súa comprensión e aprendizaxe.

O alumnado de 1.º de BACH contou nesas datas tamén co espectáculo teatral sobre Violencia de Xénero: “Golpes”e quedaron moi impresionados. Deste xeito, puidemos traballar o xénero teatral nas aulas.