Skip to Content

SECRETARÍA

NOVAS

máis

COMENTARIOS

CALENDARIO

« Septembro 2024 »
LunMarMérXovVenSábDom
1
2345678
9101112131415
16171819202122
23242526272829
30

PRÓXIMAMENTE

  • No upcoming events available
Add to iCalendar
máis

Sísamo

Imaxe de teresa

OUTONO

Dom, 11/11/2018 - 19:10 — teresa

O venres clasificamos todos os elementos do outono que apareceron na nosa aula. Ademais de ourizos, marmelos e as súas follas, castañas e os seus ourizos, noces,... fixemos o mesmo cunha cesta enorme cargada de follas, landras e paos.

 

 

Logo observamos que algunhas landras que xa tiñan agromos dos que sairá un carballo novo. Estivemos separando as landras con abrochos das que non os tiñan. E, por suposto, despois plantamos a nosa landra para ter carballos.

 

 

 

Imaxe de teresa

PROXECTO AS MONTAÑAS: FORMACIÓN DAS MONTAÑAS

Xov, 08/11/2018 - 18:33 — teresa

TRASNADAS DELICIOSAS

 

 

Na xornada de hoxe, traballamos sobre o visto a comezos desta semana. Lembramos o nome das capas da Terra. Desta vez, Német, o trasno da nosa escola, deixounos unha maleta con algo no seu interior. A través de preguntas tiñamos que descubrir que se agochaba dentro.

- Está frío?

- Que forma ten?

- Pesa moito?

- De que cor é?

-...

Levamos unha grande sorpresa cando descubrimos o que se agochaba no seu interior.

 

E a pregunta que nos xurdía agora era: para que sería toda esa comida?

Segundo nos contou Német, a idea era representar a pequena escala como se moven as placas sobre o manto. Uns conceptos moi abstractos pero que os podíamos facer tanxibles a través daquela experiencia. O manto está composto por unha parte fluída e viscosa coma as natillas que tanto nos gustan e a corteza terrestre estaba representada polos sobaos que se desprazan e se moven sobre ela. Quedounos algo así:

 

 

     

 

 

Vimos como en ocasións as placas se separan e orixinan máis corteza aparecendo as montañas, volcáns, illas,..., como as placas se sumerxen unha debaixo da outra e se destrúe corteza ou como as placas chocan dando lugar as montañas, volcáns...

De toda a experiencia, o que máis nos gustou é que o podíamos degustar sen risco de queimarnos: porque sabemos que o manto é magma ardente... Así que preparamos, para todo aquel que quixo, un pouco de "manto" e un anaco de "corteza" que nos soubo delicioso.

 

 

     

Imaxe de teresa

PROXECTO AS MONTAÑAS: AS CAPAS DA TERRA

Mar, 06/11/2018 - 18:19 — teresa

 

UN MISTERIO NA AULA

 

 

No día de hoxe, na aula, apareceu un maletín que ninguén sabía de onde saira. Despois de formular diferentes hipóteses, decidimos abrilo. No seu interior, apareceron varios elementos cunha finalidade que descoñecida. Estas pezas eran: un libro, unha pedra e uns anacos de plastilina en varias cores. Ademais, de todo isto, había unha nota na que se presentaba a curiosa personaxe que nos trouxo todo: o trasno Német que vive nun monte cercano á escola e que nós pensamos que é o monte Neme.

 

O globo terráqueo foi outra donación que o trasno Német nos achegou á aula para o estudo das montañas e da terra.

Con todo aquel material descubrimos como son as partes do planeta no que vivimos. Coa plastilina, fixemos as capas da Terra: primeiro, preparamos o núcleo, estiramos unha capa para simular o núcleo externo. Seguidamente estiramos a que sería o manto que envolvería o núcleo e rematamos facendo a corteza co seu mar e uns sucedáneos de continentes.

Un pequeno resumo en imaxes:

 

 

  

 

 

Imaxe de teresa

VISITA Á BIBLIOTECA REGO DA BALSA

Mar, 30/10/2018 - 19:40 — teresa

A xornada do luns 29 de outubro foi especial porque saímos de visita á biblioteca municipal Rego da Balsa.

Alí participamos nun contacontos do grupo "Trinke Trinke".

Aquí vos deixamos cun resumo do que foi aquela xornada.

 

Imaxe de teresa

CORPOREANDO...

Ven, 26/10/2018 - 17:32 — teresa

O CORPO

Ao longo deste mes estivemos traballando o corpo, as súas partes principais, articulacións, órganos,... Para iso servímonos de diversos recursos como cancións e bailes, arte (pintura, escultura,...)

No día de hoxe utilizamos para traballar o corpo a escultura do David de Michelangelo. Vimos a imaxe e respostamos a diversas preguntas:

- por que está espido?

- será pequena a estatua ou grande?

- que mira?

 

As respostas foron diversas e variadas.

Está espido porque:

- Non lle puxeron roupa.

- porque era o seu fogar.

É grande ou pequeno:

- É grande porque está enriba dun tronco.

- É grande como un elefante.

Que está mirando:

- caca.

- a outra escultura parecida á que hai en Carballo.

- o teito porque hai moscas.

- unha parede.

- un espello.

- unha bicicleta.

-...

Para saber canto medía achegamos o dato da súa altura (sen o basamento)

4'10m. Entón medimos canto era esa distancia e se collería de pé no interior da escola. Logo comparamos as nosas alturas coas da estatua.

Este foi o resultado.

 

 

 

 

Algunha das cancións que cantamos relacionadas co corpo son:

- partes da cara: Este olliño pimpilín.

https://orellapendella.gal/?s=este+olli%C3%B1o+pimpilin&post_type=post

- partes do corpo: Arriba está a cabeza...

https://www.youtube.com/watch?v=mVR73kODnWE

CONTINUARÁ...

 

 

 

Distribuir contido


by Dr. Radut