Sísamo

Esta semana comezámola traballando no horto.

Primeiro acondicionamos un dos bancais para plantarlle leitugas. Tivemos que virar a terra e sacar as herbas malas para poder achanzar o terreo.

Despois, coa axuda duns plantadores, enterramos as leitugas con coidado de non profundizalas demasiado; coa intención de evitar que podrecesen coa humidade e morresen.

Antes de recoller os utensilios de labranza, botámoslle un vistazo ao horto de aromáticas dentro do recinto escolar. Descubrimos que os tulipáns que plantamos antes das vacacións de nadal tiveran flor. Esperamos con ansia descubrir que cores agochan as outras plantas que están a brotar.

No aire, flotan, arrecendos de primavera...

Chegou o entroido e nas clases de educación física fixemos xogos e bailes de entroido.

Ademais, o mércores os nenos e nenas atoparon ao chegar unha instalación relacionado co entroido. A través desta instalación creada con diferentes materiais os nenos e nenas construen libremente o seu propio xogo, favorecendo unha aprendizaxe autónoma, creativa e moi motivante. Estiveron investigando, creando, xogando, construindo, interaccionando, experimentando, disfrazándose, bailando, rindo,...

O pasaron moi ben, non vos perdades o video!!.

En educación física estivemos traballando o equilibrio de maneiras moi diferentes, con obxectos variados (conos, tubos de cartón, ladrillos, pelotas, saquiños...), en superficies elevadas estáticas (troncos, pedras, ladrillos, bancos, sillas, mesas...) e móviles (colchonetas, táboa e rodillo, tubos, táboa curva...), con zancos..., un sin fin de posibilidades.

Os nenos e nenas esforzáronse moitísimo, descubriron novas formas de equilibrar o seu corpo, os obxectos e as dúas cousas a vez, convertíronse en equilibristas de circo, aprenderon moito e o pasaron xenial.