Sísamo

Nestas semanas pasadas as nenas e nenos de Sísamo estiveron reflexionando sobre a importancia de compartir e respectarnos. Para iso, coa axuda do mestre Alberte e Alba, buscaron alternativas ante a aparición dun problema:non había suficientes papeis para pintar todas e todos. Despois de ofrecer as posibles solucións, decidíronse por cortar á metade os papeis para que puidesen participar a totalidade das nenas e nenos.

A actividade remata cunha exposición dos debuxos para recordarnos a importancia de compartir e respectar aos demais.

No día de onte, saímos da aula para facer unha visita a diferentes lugares de Carballo. A primeira parada foi o museo de Bergantiños.

Despois de visitar e merendar no mercado municipal, camiñamos ata o río Anllóns acompañados por un policía local.

Foi unha xornada diferente na que, ademais da aprendizaxe e o xogo,  a convivencia coas outras escolas foi o máis importante.

Esta semana celebramos os aniversarios das nenas e nenos que cumpriron anos ao longo deste trimestre e daquelas e daqueles, que o farán no verán.

A todas e a todos, parabéns!!