Sísamo

O luns puxemos en auga os xacintos que mercamos hai uns días. Para levar a cabo a actividade precisamos dunhas botellas de plástico de 1'5 l cortadas á metade.

Logo, invertimos a parte superior e introducímola na parte inferior da botella, semellando un funil polo que o xacinto tocará a auga sen que quede asolagado por ela.

A continuación, introducimos os bulbos con coidado, deixando que a parte das raíces quede na parte inferior do funil e o brote na  parte superior.

Botámoslle auga e soamente queda agardar a que medren.

Estamos ansiosos por velos cambios!!

Manuel Anxo regresou á escola con ánimos renovados ante a nova temporada de horto. Neste curso a intención é levar a cabo dous hortos: un de aromáticas e outro de produtos de horta. Estivemos observando e planificando o que plantar no horto de aromáticas e que traballos tiñamos que realizar previamente.

O venres 16 de novembro plantamos unha nova árbore no patio. Trátase dunha figueira, que a trataremos con moito agarimo, para que na primavera, nos dea a súa sombra e, no outono, os seus saborosísimos froitos: os figos.