Sísamo

Hai tempo que non informamos sobre o estado do horto.

A última vez que estivo con nós Manuel Anxo, tróuxonos á escola un vermicomposteiro. Nel, as miñocas descompoñen os restos orgánicos que lles botamos, converténdoos en humus de miñoca e nun líquido rico en nutrintes.

O humus vaise acumulando na parte inferior do composteiro que utilizaremos, cando sexa preciso, como fertilizante.

Ademais, axudounos a plantar a maceira que engalana, desde hai uns días, o noso patio. 

Esta semana, aproveitando o bo tempo, fixemos unha nova xornada de horto. Despois de preparar e limpar os bancais, plantamos leitugas, acelgas e remolacha.

Esta semana, unha nova "amiga" entrou a formar parte das nosas vidas. Trátase dunha maceira que, como no conto "A ÁRBORE XENEROSA", agasallaranos con moitas satisfaccións. Vainos agradar coa súa sombra, cos seus froitos, como lugar de acubillo para os paxaros, para observar os seus cambios estacionais,... Ofrécenos a súa vida a cambio duns mínimos coidados e un bo trato.

BENVIDA Á NOSA ESCOLA!!!

Este xoves regresamos ao  traballo  no horto desafiando a climatoloxía e aproveitando unha escampada da chuvia. Despois de preparar e acondicionar a terra, plantamos patacas. Por parellas, enterrramos unha planta de pataca. Agora toca ter paciencia e agardar a que brote a colleita.