Sísamo

Ao longo desta semana estivemos traballando as mulleres nas nosas vidas; do diálogo saíron as máis importantes:as mamás, as avoas, as tías, as madriñas,... Noutra sesión relacionaron a figura da muller elixida da súa contorna coa emoción que lles provoca e que palabra as describe.

No día da muller, ademais, de rematar o agasallo para a muller que elixiran, fixemos un mural plasmando as emocións que lles provocan elas.

Aquí vos deixamos un detalle do que foi esta semana.

O pasado venres 26 de xaneiro acudiu á nosa aula Isidro para falarnos da avespa velutina. Foi unha charla moi interesante e amena onde descubrimos algunhas curiosidades sobre esta especie invasora: como son os seus niños, de que maneira os constrúen, como se organizan, por que atacan as abellas, que poden facer os apicultores para protexer as súas colmeas, que trampas caseiras podemos facer para loitar contra elas,...

Nestas imaxes podedes ver un resumo do que foi aquela xornada.