Vedra medra participa no Culturgal 2016
Os días 2, 3 e 4 de decembro, Vedra medra estivo en Pontevedra na Feira das Industrias Culturais Culturgal 2016. Fíxoo no stand do Concello de Vedra onde compartiu espazo -Son educación- cos outros centros educativos vedreses e coas asociacións Papaventos (Son teatro), Senunpeso (Son audiovisual), Raiceiros (Son patrimonio), Asociación Medioambiental Amabul (Son natura), Agarimo de San Fins (Son folclore), Banda de Música de Santa Cruz de Ribadulla (Son Música) e Asociación Cultural San Campio (Son asociativa).
Dende Vedra medra queremos agradecerlle á Administración local a oportunidade que nos deu para facer visible o noso proxecto neste grande escaparate cultural que cada ano xunta na cidade do Lérez o máis destacable da industria cultural do país.
