CHARLAS DO PLAN DIRECTOR DA CONVIVENCIA

No CPI Plurilingüe de Vedra tivo lugar este mércores a segunda xornada de charlas do Plan Director da Convivencia que desenvolve o Ministerio do Interior nos centros educativos. Concretamente a charla versou sobre a temática "Drogas e Alcol" e estaba dirixida ao alumnado de 2º e 3º de ESO, e foi impartida por membros da Garda Civil.
A primeira xornada tivo lugar o pasado día 29 de xaneiro, coa charla "Novas Tecnoloxías e Acoso Escolar" dirixida ao alumnado de 6º de Educación Primaria.
Finalmente o día 8 de maio terá lugar a terceira xornada do Plan Director, cunha charla dirixida ao alumnado de 4º de ESO coa temática "Violencia de xénero".
Todas estas charlas foron programadas como actividades complementarias das materias de Educación para a Cidadanía, Ética e Ciencias Sociais, e xa veñen realizándose desde fai varios anos.