CPI Antonio Orza Couto

A Federación Galega de Tenis en Colaboración

Coa Secretaría Xeral para o deporte e a

Secretaría de Igualdade, pon en marcha o Plan

Correspondables.     

A través deste plan os nenos e nenas terán clases de tenis gratuitas que será impartidas nas instalacións deportivas do Forte durante o verán (en horario de mañán) e en periodo lectivo a partir das 15:30.

Para anotarvos tedes que cubrir o seguinte formulario, no que escolleredes os días e as horas que prefirades e logo xa se poñen en contacto con vos vía telefónica

https://docs.google.com/forms/d/e/1FAIpQLSd1MCx-v2KXUp0iRmdtNt4ZVCFGAvinve-jBnkZZNC-pgZAvQ/viewform

Non vos podedes perder o ESPECIAL MANZANEDA,

onde os nosos reporteiros cóntannos moitas cousas

desa marabillosa saída.

Un saúdo

O pasado luns, os nenos e nenas de 1º e 2º de primaria realizaron unha saída ao parque multiaventura Galipark  situado en Padrón.

A pesares de que a climatoloxía aquí en Boqueixón  non auguraba que puideran gozar a tope da actividade, parece que alí sí que o tempo respectou.

As imaxes que vos compartimos aquí dan boa conta do ben que o pasaron.

O ministerio de educación vén de publicar a convocatoria  de axudas para alumnado con necesidade específica de apoio educativo (NEAE).

Prazo de presentación: do 19 de maio ao 30 de setembro.

Lugar de presentación:  Na secretaría do centro.

Se queredes acceder a toda a información do procedemento, preme aquí

Xa temos gañadores do sorteo GAÑA E LE da nosa ANPA 

Tal e como comunicamos no anuncio do concurso , o 17 de maio

celebramos un sorteo virtual, coa colaboración do CONCELLO DE BOQUEIXÓN, entre todas as familias socias da ANPA

dun vale de 60 € para gastar na librería Lino de Lestedo.

Podedes ver cómo se desenvolveu o sorteo premendo neste vículo:

https://drive.google.com/file/d/1xp7m7csp0eqlyBCE6LzSMJImQ5a3uZ23/view?usp=sharing

Os gañadores foron a Famillia Sánchez Carpinteiro.  

Parabéns

Aquí tedes as gañadoras do Concurso de Microrrelatos ¡Sea breve, por favor!:

Uxía Verde Gómez por "Amor"

Nerea Mareque Vázquez por "El pozo"

Aldara Prado Giadás por "Una visita inesperada"

A entrega de premios terá lugar na Biblioteca este venres, día 6 de maio, durante o primeiro recreo. Non dubidedes en pasar por alí.

Noraboa ás premiadas e a todxs xs participantes!

Este xoves 28 de abril o alumnado de 1º e 2º da ESO participará na convocatoria Musiqueando 2022-#nosimportalamusica, de concertos escolares na rúa e que se celebrará simultáneamente en toda España.

O obxectivo desta convocatoria é sacar a música das aulas e facer un pequeno concerto, que nós celebraremos no patio do edificio de Secundaria de 11:45 a 12:50h.

Neste pequeno concerto poderedes escoitar algún dos temas que estivemos a traballar na materia de Música, así como unha coreografía da canción "Terra" de Tanxugueiras feita especialmente para esta actividade por Artur Puga, bailarín do grupo participante no Benidorm Fest.

Pasade a desfrutalo!

Chega o mes de abril e con el unha chuvia de actividades literarias para conmemorar o Día do Libro.

Ademais das propostas que faremos por clase, queremos propoñervos algunhas actividades para as que pedimos a vosa colaboración: 

• En primeiro lugar queremos que vos convirtades en "booktubers" e nos enviedes un vídeo ao correo da biblio (bibliotecaforte@gmail.com) recomendando un libro e explicando que é o que ten que o fai tan especial. Recompilaremos os vídeos e publicarémolos durante a Semana do Libro para que poidades descubrir novas lecturas.

• Que o teu non é o vídeo? Non importa, tamén podes enviar unha foto artística do libro que queiras recomendar e explicar os motivos da túa escolla. Pode ser a través do correo anterior ou do Instagram co hashtag #amiñalecturarecomendada e etiquetándonos (@biblioforte)

• Se o que che gusta é escribir, tamén temos actividades para ti! Podes participar no concurso de microrrelatos en lingua castelá que organizamos para o alumnado de Secundaria.  Podedes consultar as bases no noso blog ou ben no noso Instagram.

Animádevos, tedes ata o 20 de abril!