O Departamento de Galego brindounos con un magnífico traballo realizado polo alumnado do 1º e 2º da ESO para celebrar o Día das Escritoras e o  Día das Bibliotecas. Trátase de unha selección de portadas de libros das escritoras galegas coas sinopses. O libro-catálogo está en exposición na entrada da nosa biblioteca, onde pode ser manipulado.  Agora será máis fácil escoller un exemplar! 

Agardamos que gocedes moito co novo catálogo e xa sabedes, vémonos na biblio!

O pasado luns, 26 de setembro organizouse un acto para premiar o traballo desinteresado do grupo de voluntarios e voluntarias da Biblioteca do noso prezado colexio.

Nun ambiente acolledor e festivo, o director do CPI Antonio Orza Couto, Ángel Manuel Maciñeiras, e a coordinadora do equipo da biblioteca, Renata Balsamo, entregaron ao alumnado un diploma e un agasallo como xesto de agradecemento ao seu labor desinteresado no último curso.

As palabras do noso director, ademais de felicitar os homenaxeados e homenaxeadas, recoñecían a súa valiosa colaboración, alentando aos demais alumnos  e alumnas a unirse ao equipo de voluntarios. 

O alumnado do grupo de Oratoria súmase a esta felicitación deixando aquí o seu testemuño escrito e fotográfico.

Logo de semanas de traballo, presentámosvos o resultado do proxecto realizado por alumnado de 3º da ESO sobre a figura de Francisco Tettamancy Gastón e a relación que atopamos entre este autor e Boqueixón. O proxecto estivo coordinado pola profesora de Lingua Galega, Marifé Pérez García e pola coordinadora do equipo de dinamización da Biblioteca, Lina Mª González López.

Aproveitamos tamén para darlle as grazas á veciñanza de Lestedo e a Rocío Liñares por cedernos desinteresadamente os traxes de xenerais.

Velaquí tedes o resultado!

Recibimos con todos os honores a maleta viaxeira de banda deseñada. Voluntarias da biblioteca estiveron colocando todos os exemplares para que os poidades mirar con calma e desfrutar 

Lembrade que só estará con nós ata o 19 de abril, así que apurade a levar as vosas eleccións!

Esta semana rematamos de montar o croma que formará parte do espazo creativo que estamos a preparar na sala de lectura "Carlos Casares" do edificio de Secundaria. 

Con isto xa temos todo o equipo para facer unhas fabulosas creacións audiovisuais. A crear!

Desde a biblio queremos celebrar o Día de Rosalía como se merece. Mirade que decoración tan fabulosa na sección de Infantil e Primaria!

 

En Secundaria tamén temos unha decoración especial e uns poemas creados polo alumnado baseados na obra de Rosalía. 

Este ano o centro volcouse na celebración de San Valentín. O alumnado de 1º da ESO confeccionou uns corazóns cheos de poesías románticas de variados autores que tod@s puidemos desfrutar diante da Biblioteca:

Ademais o equipo da biblioteca seleccionou lecturas de todos os xéneros relacionadas co amor e a amizade:

E toda Secundaria esperaba recibir algunha carta do buzón do amor e a amizade. Un día para celebrar!

 

Neste 30 de xaneiro celebramos o Día de Castelao e o Día da Ilustración. Diante da biblioteca de Secundaria tedes unha selección de títulos que seguro vos resultarán moi interesantes. Pasádevos a desfrutalos!

Xa están en marcha as maletas viaxeiras do Camiño de Santiago en Infantil. Velaquí tedes unha pequena mostra. Moi boa viaxe!!

Desde a biblioteca queremos informarvos de que un ano máis o noso centro quedou adherido á iniciativa de "Voluntariado na biblioteca escolar", dentro do programa Bibliotecas Escolares Solidarias.

O alumnado voluntario de Secundaria realizará unha serie de tarefas en relación coa biblioteca (deseño e realización de actividades, formación de usuarios...), por suposto axustándose aos protocolos que a situación sanitaria esixe.

Esta iniciativa lévase a cabo en colaboración coa Dirección Xeral de Xuventude, Participación e Voluntariado, da consellería de Política Social e favorece actitudes de colaboración e solidariedade, colaborando na formación dunha cidadanía crítica e comprometida. 

Co gallo do Día Internacional contra a Violencia de xénero, todo o centro adicamos varias semanas do mes de novembro a traballar e a concienciar sobre este tema. Gran parte das actividades xiraron arredor do libro de Yolanda Neira "Alén loita e acariña" en todos os cursos e consistiron en análise das ideas, charlas, traballo con curtametraxes e cancións relacionadas coa violencia de xénero, lecturas de contos... O alumnado de Infantil participou ademais no contacontos Arturo e Clementina.

O alumnado voluntario da biblioteca elaborou un panel onde se recollían datos relativos á violencia de xénero no noso país, na Unión Europea e no mundo. Este panel completouse con unha exposición de libros seleccionados con esa temática, cos que estiveron traballando durante a semana.

Todo este traballo reflexouse nun acto celebrado o día 25 e presentado por alumnado voluntario da biblioteca, onde todo o centro se xuntou para alzar as nosas mans violetas e berrar o lema recollido no libro: "As mans para loitar, non para ferir! A fala para acariñar, non para anular!". Logo houbo unha lectura de lemas e poemas acompañados da actuación musical de Marina Vidal, exalumna do centro e Mario Barral de 3º da ESO, co que se puxo o broche final a ese día de reivindicacións. Poderedes ver un resumo pinchando na seguinte ligazón.

NIN UNHA MENOS!!