Ola a tod@s!

Estase achegando o Día das Letras Galegas e desde a Biblioteca queremos propoñervos un montón de actividades para que disfrutedes destes días.

Como aperitivo deixamos este tráiler sobre a figura do autor homenaxeado este ano, Ricardo Carvalho Calero e convidámosvos a elaborar un cartel ou un marcapáxinas sobre o autor e a súa obra para facer unha exposición virtual.

Debe ter unha imaxe relacionada co autor ou coa súa obra (imaxes do autor, caricaturas, portadas dos libros, imaxes que teñan que ver con algunha das súas obras...) e unha frase ao pe relacionada coa imaxe escollida.

Tanto o cartel coma o marcapáxinas pode estar elaborado en formato dixital (por exemplo elaborándoo coa aplicación "Canva" ou con outras semellantes) ou en papel empregando calquera tipo de técnica, sede creativ@s!

Cando o rematedes só tedes que enviar o arquivo dixital ou unha fotografía do resultado ao correo da biblioteca: bibliotecaforte@gmail.com e nós encargarémonos de montar a exposición.

Calquera membro da comunidade educativa pode facer a súa aportación. Animádevos, tedes ata o venres 22 de maio!

Podedes consultar o resto de actividades no noso blog: https://bibliofortexnvilas.blogspot.com/

Bo Día das Letras Galegas!

Logo de tantos días de mal tempo por fin puidemos celebrar o Samagosto o día 13 de novembro. Ademais de degustar as castañas, morremos de medo coas historias que o alumnado de 2º e 3º de ESO preparou coa terrorífica ambientación do alumnado de 4º de ESO que cursa Música, baixo a coordinación do Equipo da Biblioteca. Esperamos que o desfrutásedes!

Ademais, desde a biblio dedicamos este mes á figura de Neira Vilas, ao que lembramos con gran cariño. Poderedes ver exposicións sobre a súa obra tanto en Primaria coma en Secundaria, como podedes ver no blog:http://bibliofortexnvilas.blogspot.com/2019/11/a-mal-tempo-boas-lecturas.html

Tamén queremos compartir con vós este vídeo dunha das últimas visitas que nos fixo Neira Vilas na Semana Cultural do curso 2013-14, cando lle demos o seu nome á nosa Biblioteca. 

Co gallo do Día das Bibliotecas, este ano o alumnado colaborador da Biblioteca decidiu investigar os gustos e hábitos lectores da comunidade educativa. O resultado, tédelo neste fantástico vídeo:

Ademais tivemos agasallos e o alumnado de 1º de ESO realizou unha Escape Room, que rematou por poucos segundos!!

Achégase o Entroido e desde a Biblioteca queremos pedir a vosa colaboración para crear ambiente. Pedímosvos que elaboredes algún gorro relacionado coa temática dos Xenerais da Ulla e o entreguedes na Biblio, onde os expoñeremos durante estas semanas.

Algúns alumn@s de 1º de ESO xa se puxeron mans á obra, así que vos deixamos unha mostra para darvos inspiración.

Animádevos!!