CEIP Xesús Golmar

A Real Academia Galega acordou pospoñer o Día das Letras Galegas dedicado a Ricardo Carvalho Calero do domingo 17 de maio ao sábado 31 de outubro ante a situación provocada pola pandemia da COVID-19 , xusto un día despois do 110 aniversario do nacemento do homenaxeado. Malia os cambios no calendario queremos que o 17 de maio sexa un día de celebración e de divulgación da figura e da obra do filólogo, escritor e profesor Ricardo Carvalho Calero.

Deixámosvos uns enlaces con información e traballos sobre o escritor  

Seminario Galán

As pitas baixo a choiva

Xogo día das letras

Segundo a ORDE do 27 de marzo de 2020 pola que se establecen as bases reguladoras das axudas de carácter directo ás familias do alumnado beneficiario de bolsas de comedor escolar nos centros públicos non universitarios xestionados por esta consellería durante a situación de suspensión do servizo de comedor como consecuencia do COVID-19, co levantamento dos prazos de suspensión do procedemento (código de procedemento ED601B). (DOG do 30 de marzo), as familias que dispoñan de beca de comedor (gratuidade total ou 1€) poderán solicitar unha compensación do custo diario do menú polos días lectivos de suspensión da prestación do servizo como consecuencia das medidas adoptadas pola pandemia do COVID-19.

Estas solicitudes deben tramitalas as familias por vía electrónica na sede electrónica do portal da Xunta de Galicia pinchado aquí, a partir do día 31 de marzo e ata o 6 de abril (ambos incluídos). No caso de que non teñan coñecementos ou medios para facelo (Certificado dixital, DNIe, Chave 365) o equipo directivo axudará  ás familias nesta tramitación e terán que facilitar -por vía telefónica e/ou correo electrónico- os seguintes datos:

a) DNI ou NIE da persoa representante legal do alumnado (titor/a)
b) Condicións de beneficiarios de comedor nas bases de datos da Consellería
c) Nome e apelidos do titor/a; nome, apelidos e curso dos fillos/fillas
d) Número de conta bancaria no que se quere recibir o aboamento da axuda

A atención telefónica ás familias será en horario de 10:00 h. a 13:00h no teléfono: 886 15 12 72

O CENTRO PERMANECERÁ PECHADO AO PÚBLICO MENTRES DURE O ESTADO DE ALARMA

PARA INFORMACIÓN OU CONSULTAS SERÁN ATENDIDOS NOS SEGUINTES MEDIOS:

TELÉFONO:  886 15 12 72 (DE 10:00H. A 13:00H.)

EMAIL: ceip.xesus.golmar@edu.xunta.es

Real Decreto 463/2020, de 14 de marzo, polo que se declara o estado de alarma para a xestión da situación de crisis sanitaria ocasionada polo COVID-19.

Resolución de 15 de marzo de 2020, da Secretaría Xeral Técnica da Consellería da Presidencia, Administración Públicas e Xustiza da Comunidad Autónoma de Galicia, como consecuencia da evolución do COVID-19.

PROCESO DE ADMISIÓN

Amplíase provisionalmente o prazo de presentación telemática e presencial de solicitudes de admisión que finalizará 1 semana despois do reinicio das clases.

Recoméndase a utilización preferente da modalidade telemática para a presentación das solicitudes.

Durante a situación de emerxencia publicaranse nesta páxina web e/ou por TokApp as tarefas que poderá facer o alumnado